المغتربين إزيكم لعلكم طيبين في حيكم !

[طارق عبدالرحيم الأسطى]

يا ترى هل المغترب بيغنولو زي زمان ، و لا زمانه ولى وفات ، هل كل مغترب مغترب ، ولا في مغترب و مستغرب ؟ هل بنات السودان في حوجة للزواج من المغترب ؟ ، هل كل من إغترب صار ملياردير ، هل بياض الوجوه وبياض الجلاليب هي الحقيقة المغتربية ؟ ، اسئلة نقدمها لضيوفنا الكرام في هذه الحلقة :
الأستاذ سامي عثمان علي
الأستاذ ود الأسطى
الأستاذ ابو القاسم عكود
اولا نبدأ الحلقة مع الاستاذ الساخر جدا ، سامي عثمان علي فليتفضل !!!! ، نتمنى مشاركاتكم في هذه الحلقة التي نبثها مباشرة من حي الخالدية بمدينة الرياض

[عبد العظيم على محمد سعيد]

انا غايتو مغتربين الدول التانيه مابعرفن
لكين البنات فى السودان بقن يضربن المثل
بى مغترب ليبيا يقولنلك إنت بوم ولا جايى
من ليبيا وبعدين يقومن يغنن لى مغترب ليبيا
مغترب ليبيا المبطل سبعه سنه فى مسجل :)

[طارق عبدالرحيم الأسطى]

عبد العظيم كثير من السودانيين مبطلين في ليبيا ، الأسباب شنو ؟ عنكم نظام الكفيل والجرح النبيل ؟ تحياتي

[ابوالقاسم عكود]

ود الاسطى عوافي
الظاهر انو صاحبك سامي منتظر المؤذن يعوم ثم يقوم

[سناء محمد وداعه]

الاخ طارق سلام
انا مامغتربه لكن ممكن تسمح لى اشارك فى الموضوع ده
المغتربين خشم بيوت زمان كانت اى فتاة تحلم تتزوج من مغترب والعجب ناس السعوديه ودبى اسى خلاص اصبحوا جلاليب ساى ياقول حبوبتى بت قمبور تيترون اسى الزمن ايتغير البنات بتحلم بالطبيب وناس البنوك ولاعبين الكوره والضباط واسى الفنانات بقولن اى دوله ماسكه الفراغ معليش على الصراحه بس انا نقلته ليك رائ البنات وتقبل مرورى

[طارق عبدالرحيم الأسطى]

اقتباس:
المشاركة الأصلية كتبت بواسطة ابوالقاسم عكود http://algorer.net/vb/algorer/images/buttons/viewpost.gif (http://algorer.net/vb/showthread.php?p=96741#post96741)
ود الاسطى عوافي
الظاهر انو صاحبك سامي منتظر المؤذن يعوم ثم يقوم



انا فكرت انقل الجلسة كلها مباشرة الي المنتدى لانها كانت ظريقة ناقشنا فيها مواضيع مهمة على الصعيدين الداخلي والخارجي والي لقاء

[طارق عبدالرحيم الأسطى]

اقتباس:
المشاركة الأصلية كتبت بواسطة سناء محمد وداعه http://algorer.net/vb/algorer/images/buttons/viewpost.gif (http://algorer.net/vb/showthread.php?p=96751#post96751)
الاخ طارق سلام
انا مامغتربه لكن ممكن تسمح لى اشارك فى الموضوع ده
المغتربين خشم بيوت زمان كانت اى فتاة تحلم تتزوج من مغترب والعجب ناس السعوديه ودبى اسى خلاص اصبحوا جلاليب ساى ياقول حبوبتى بت قمبور تيترون اسى الزمن ايتغير البنات بتحلم بالطبيب وناس البنوك ولاعبين الكوره والضباط واسى الفنانات بقولن اى دوله ماسكه الفراغ معليش على الصراحه بس انا نقلته ليك رائ البنات وتقبل مرورى



المغترب نوعان نوع مستغرب ونوع مغترب ، والطبيب نوعان نوع طبيب ونوع زي ود فجخ النار ، وناس البنوك نوعان نوع مؤتمر وطني ونوع عادي ، ولعيبة الكورة نوعان نوع في الميدان ونوع احتياطي ، شكرا وتحياتي

[خالد عبد الرحيم الأسطى]

اقتباس:
المشاركة الأصلية كتبت بواسطة عبد العظيم على محمد سعيد http://algorer.net/vb/algorer/images/buttons/viewpost.gif (http://algorer.net/vb/showthread.php?p=96611#post96611)
انا غايتو مغتربين الدول التانيه مابعرفن
لكين البنات فى السودان بقن يضربن المثل
بى مغترب ليبيا يقولنلك إنت بوم ولا جايى
من ليبيا وبعدين يقومن يغنن لى مغترب ليبيا
مغترب ليبيا المبطل سبعه سنه فى مسجل :)



طيب يا ود علي زمااااااااااااان ما كانن بيقولن = الليلة ما جاني سافر ليبيا خلاني = :D

[سامي عثمان علي]

الأخ طارق سلام عليك وكل أعضاء المنتدى
الاغتراب له محاسن ومساوئ بحكم تجربتي وان كانت قصيرة بالنسبة لناس فطاحلة معانا في المنتدى دا على سبيل المثال لا الحصر ابن عمي عبدالوهاب (درماس) وعوض حسن أحمد
المحاسن :
(1) لماني من جاهلية كنت أعيشها ،وأنا ضارب الصعيد (كنانة ,ربك) يعني كنت بعيد عن الدين خالص0
(2) أبعدني عن خصوم قدامي لا أتفق معاهم على الاطلاق ولغاية هنا يكفي 0
(3) تعلمت الانضباط وفي كل شئ يعني مفتاح سكنك دا اذا أهملت فيه سوف تلاقي ما تلاقي (دفتر الاقامة ، الرخصة ، الاستمارة ، الاشارة الفاتحة ، الاشارة القافلة ،الجواز ، الضرائب ، الزكاة ، التحويل الالزامي الجماعة الجُداد ديل ما حضرو الحاجة دي)
(4) بتكون مواكب لأدوات العولمة من كل ناحية (كمبيوتر ، ثقافة مطارات ، أجهزة صرف مالي ؛ أجهزة دفع اللكتروني الخ)0
(5) بتكون انسان بتحسب الأشياء صاح من ناحية مادية ودي ما عارف محاسن ولا فاطمة 0
(6) نجد المغترب في فترة كان عبارة عن شمعة تحترق لتنير للآخرين ،يعني بسد العوجات0
المساوئ:
(1) الغياب التام عن كل ما يحدث للأهل من فرح وكره وبالتالي غياب عن الدور الاجتماعي 0
(2) الاصابة بشئ من البرعمة وانا ما قادر أجد لها مرادف تاني 0
(3) كسر الشوكة اذا كنت شجاع تصير جبان واذا كنت في السودان شيطان تبقى نعجة والامثلة كثيرة 0
أما حكاية يغنولك دي ما أظن في الزمن دا تكون حاصلة ، لكن نحنا لحقنا غنو لينا
تتألم عشان قلنا الجمال هولك
وتتضايق عشان الناس يغنولك
كيفن ماك أمير الكل وليشن ما بيقولولك
وما أظن البنات السمحات الشايفن ديل يرضِن بالمغترب المبرعم دا
وبالنسبة للقروش قروش بح ، وفائدة القروش شنو بعد الزول ينط ال 55سنة
وتقبل الربربة الكتيري دي

[طارق عبدالرحيم الأسطى]

اخونا سامي كيف حالك ، ان شاءالله لنا جلسات معكم فالجلوس معكم لا يمل ، المحاسن القلتها دي كانت زمان زمن الشعر مغطي الإضنين ، الغربة معادلة صعبة قليل من الناس حل شفرتها ، والحكومة مطنشة المغترب ، كان بقرة حلوب زمن التحويل الإلزامي الله يقطع طاريه ، تحياتي للعكوداب ومعتصم