المساعد الشخصي الرقمي

مشاهدة النسخة كاملة : انا بكرهك رائعة نضال حسن الحاج


محمد إبنعوف محمد طه
29-11-11, 03:00 PM
قصيدة تحير ، مررت عليها مرارا ولم اقرأها فعنوانها منفّر جدا ولا يوحي بأن كاتبها له علاقة بالشعر ( فما بالك وصاحبتها شاعرة وليس شاعر )، فمفردة الكراهية من المفردات المستهجنة شعريا - وانا شخصيا لا اكره الا هذه الكلمة - ولكن سمعتها في مرة من المرات في احد البرامج التلفزيونية احترت فيها كلام سمح ( لكن شين ) موضوع شين ( لكن سماحتو عجيبة ) اقتنعت بان الشاعر ممكن ان يجمّل اي شئ - حتى الكراهية - اترككم مع القصيدة وادونا رايكم :
تخريمة قبل نواصل :مَرَة شافت زول شييين شناة مرّة ، قالت للمعاها : الرسول تشوفن سماحة الشناة فوق الزول دا !!!
دحين الرسول شوفوا سماحة الشناة فوق القصيدة دي !!!


انا بكرهك ..
بس بكرهك..؟؟ !!
انا بكره اليوم الصنع قلبا يكورك ويندهك
انا بكره الوطن البلم شرف الغرام المنتهك
من ياتو باب طليت علي ما كنت اصلا بشبهك
انا بكرهك
انا شلت ريدك في القليب وسقيتو من دم العروق
صنقعت دليت النجم دنقرت كبيت نور وشوق
وعصرت موية الانتظار ختيتا في وجع الحروق
وكان النتيجة تبيع هواي .. هو اريتو كان سويتلو سوق
انا بكرهك
من وين اجيب ليك الدموع
من وين اصنقر حيل كلام كان امنيات قلبو الرجوع
من وين اذا هتك الضلام حيل خيلي القالك شموع
لكني مجبور اطردك واقفل وراك باب الضلوع
شديت رحالاتي ومشيت وكتين هتك حيلك هواي
ارتحت في موجي ورسيت
لا حرك الموج البحر
لا صد قلبي ولا قسيت لكن طلعت خيال عشم
ضمخ رؤى الوجع المميت
انا بكرهك
قدر اشتهاي
انا بكرهك
قدر الغرام الكان زمان كابت مساماتي وهواي
انا بكرهك
قدر اني ما لونت بيك كريات شراييني ودماي
انا بكرهك
قدر اني غنيتك غناي
من وين دخلت علي مدن شاخت من الوجع الاليم
من وين طرقت جدار قلب لقح هوى العشق العقيم
من وين سِخَت شمسك علي
كانت سماي مليانة غيم
فتق جراحاتي وامش
خليني في لهب الجحيم
انا قلت ليك..
انا بكرهك
قدر المواسم الشادة خيل الريد عليك
انا بكرهك
قدر المصائب الحارسة بوابات مجيك
انا بكرهك
نفس المساحة وحجم قلبي الكان تملي بيشتهيك
بقى بكرهك
واتوكل ارحل مني فوت
حرمان علي قلبي الكلام
كان غيرك اجتاحو السكوت
خليهو قلبي الاندفن
تنسج عليه العنكبوت
اوخلي.... من بعدك يموت
الموت اخير......
من اني افضل
في رحابك وفي رجاك
انا كنت لو غاب القمر دائما بضوي
ضلام دناك
وانا كنت لو غيمك رحل
بطلع عشان اسكن سماك
وانا كنت لو بردك نزل
بوقد صوابعي لهب حداك
لكن منو القدر كدا
والله لو انا في محلك
بنسج الشمس احترام
واهديها ليك متمددة
بفتح كراريس الكلام
اختار حروفي واجردا
بنبش قبور المستحيل
كلمات شكر متفردا
لكن خسارة على قلب
حباك بلا ما يعرفك
انعل ابو القلم العلي دفتر غناك دمو انسفك
انعل ابو الشعر الغشاني وغنى فيك والفك
منعول غناي
منعول غناي كان ما امتطيت خيلي وبقيت اتاسفك
بتاسفك وكتين عيوني بسوقن الشوق لي انتظارك
لما ليلي يسوق محاسنو وينهزم عندك نهارك
لما ابكي انهزامي عشان ابارك انتصارك
لما كوكبي ساب مدارو رحل عشان يسكن مدارك
كنت مالي زمان ومالك
لكن وحاتك بكرهك
ندمان
ندمان على عمرا معاك ضيعتو
ضيعتو في غفلة زمن
ندمان علي
دمعا سكبتو على رضاك بلا تمن
انا كنت بحلم في وجودك ينكسر خاطر الشجن
لكن رضاي عليك عشم ابليس قصاد جنة عدن
انا بكرهك
كلما يطول ليلي ويواتيه العذاب
انا بكرهك
كل ما القلم يركب مصاعب الدنيا
يمشي على الكتاب
انا بكرهك
كل ما الفراق كتل مضامين العشق سدالو باب
انا بكرهك
قدر العيون ما تلبس التوب الزراق
تتوضأ موية الانتحاب
انا بكرهك
من كل باب انا بكرهك
واتوكل ارحل من جواي
غلطان اذا قلبك هداك قال ليك حا تفضل غناي
غلطان اذا عقلك رضخ لي ظن يقول انك حداي
والله ما فارق معاي
انا كنت ناوي اجملك
بس كنت ناوي اجملك
وامسك مضامين اللغات
من فيض حروفي اكملك
ترحل علي درب العشم
بي زاد هواي احملك
وكتين تحش قلبك جراح
واقطع قليبي وادملك
ندمان منو
انا غايتو ما ندمان عليك
اتوكل ارحل من جواي عيش العذاب الباقي فيك
ولو قلبك اتجرأ رجع
حقك تلومو علي مجيك
شان قلبي انت مليتو دم
ياخ قلبي انت مليتو دم
ما عادلو باقي يسيبو ليك
على كل حال
انا بكرهك
عدد الحصى وعدد الرمال
انا بكرهك
عدد الصواب والاحتمال
انا بكرهك
عدد الحقائق والخيال
انا بكرهك
عد الشناة وعدد الجمال
انا بكرهك
عدد الاجابات والسؤال
انا ابكرهك
عدد الشعر ما سنَّة سيف الارتجال
انا بكرهك
عدد اللي ممكن والمحال
انا بكرهك
عد ما زمان قت ليك تعال
انا بكرهك
مستورة حالي وراك وفوت
يا دابو ليلك همو طال
مستورة حالي وراك وفوت
يا دابو ليلك همو طال
على كل حال
انا بكرهك


كسرة : اسع باقيلكم زول بيكره بالجد كلام سمح زي دا بيمرق منو ؟؟؟ !!!

عبد المنعم عبد الرحيم حضيري
29-11-11, 04:31 PM
يا ربي دي ما سمعت بـ ... احبب حبيبك هونا ما عسى أن يكون عدوك يوما وأبغض عدوك هونا ما عسى أن يكون حبيبك يوما ما.

القصيدة عصماء عديل وفعلاً يا سماحة الشنة فيها

والزولة دي أكيد حيكون ليها شأن كبير

عبد الرحمن (عطبرة)
29-11-11, 06:41 PM
تسلم ود ابنعوف يا جميل
و هاك ليها صوت من خشم سيدو و بجيب ليك كم قصيدة منها خلي الزعيم يستمتع معانا ...

http://www.algorer.com/up/files/1100.wmv

كل الود

ام محمدوامير
29-11-11, 07:09 PM
قصيدة رائعة صياغت كلماتها ولكن تقشعر لها الابدان

ما اسواء ان ينقلب الحب الى كره لا حول ولا قوة الا بالله

عبد الرحمن (عطبرة)
29-11-11, 07:26 PM
]مع صوت نضال: قصيدتها ::لا ابراهيمك لا رؤياك::[/SIZE]

http://www.algorer.com/up/files/1101.wmv

عبد الرحمن (عطبرة)
29-11-11, 08:07 PM
نضال
:::فكرة:::

http://www.algorer.com/up/files/1102.wmv

احمد عبدالله جقلاب
29-11-11, 08:27 PM
قصيدة تحير ، مررت عليها مرارا ولم اقرأها فعنوانها منفّر جدا ولا يوحي بأن كاتبها له علاقة بالشعر ( فما بالك وصاحبتها شاعرة وليس شاعر )، فمفردة الكراهية من المفردات المستهجنة شعريا - وانا شخصيا لا اكره الا هذه الكلمة - ولكن سمعتها في مرة من المرات في احد البرامج التلفزيونية احترت فيها كلام سمح ( لكن شين ) موضوع شين ( لكن سماحتو عجيبة ) اقتنعت بان الشاعر ممكن ان يجمّل اي شئ - حتى الكراهية - اترككم مع القصيدة وادونا رايكم :
تخريمة قبل نواصل :مَرَة شافت زول شييين شناة مرّة ، قالت للمعاها : الرسول تشوفن سماحة الشناة فوق الزول دا !!!
دحين الرسول شوفوا سماحة الشناة فوق القصيدة دي !!!


انا بكرهك ..
بس بكرهك..؟؟ !!
انا بكره اليوم الصنع قلبا يكورك ويندهك
انا بكره الوطن البلم شرف الغرام المنتهك


انعل ابو القلم العلي دفتر غناك دمو انسفك
انعل ابو الشعر الغشاني وغنى فيك والفك
منعول غناي
منعول غناي كان ما امتطيت خيلي وبقيت اتاسفك

[color="red"][right]
كسرة : اسع باقيلكم زول بيكره بالجد كلام سمح زي دا بيمرق منو ؟؟؟ !!!
عزيزى أبن عــوف .. تحياتى.. إن مشاعر الشاعر الصادقة ُتفرز كل ما تحس به ويلامس دواخله وإنفعالاته فتنفجر شلالات حروفه المقفية بدون أى قيود سواء قدحاً أو مدحاً أو ما شاء من ضروب المشاعر .. فالشاعر أو الكاتب الأديب قد يرثى نفسه وقد يهجيها كما يفاخر بها ..ولو أتيحت لك فرصـة وبحثت فى " قوغل Google " عن الشاعر " محمد الواثق " وقرأت قصيـدته التى يهجــو فيها مدينة "أمدرمان " فستجد فيها كُرهاً لا يعادله كُره ، شئ يجعل الحليم حيران ..

فلا ضير أن ينقلب حب نضــال إلى كُره بعـد أن ذوَبَت نفسها وأخلصت فى حبها ثم وجدت النكران، وكثير من مثل هذه القصص من الجانبين نعرفها ونسمع بها فى عالمنا المعاصر ومنذ ناس جميل والأعشى الذى قال :
عُلقتها عرضاً .. وعُلقت رجلاً غيرى ... وعُلق أُخيرى ذلك الرجل
وعُلِقتنى اُخيرى لا تلائمنى ...... وإجتمــع الحب حبَ كله تبـــــل

ولكنى أُعيب على الشاعرة هذا الكُره لليوم الذى خُلق فيه القلب ، فلقد قال الرسول صلى الله عليه وسلم " لا تسبوا الدهر فإن الله هو الدهر " وكذلك كثرة اللعن للقلم والحرف وغيرهما.. فلولا القلم والحرف لما إستطاعت أن تتنفس وتنفس ما بدواخلها ..

على كل حال فلتحمد الله نضال - ومن على شاكلتها من المحبين - أنها قد علمت نكران وأخلاق هذا الحبيب من قبل أن تتورط وترتبط به ،

وأقول ليها كلوا فيهو فالخير فيما إختاره الله ، ولنتعلم إستخارة الله فى أمورنا كلها والإستشارة قبل أن نقدم على أى عمل أو إرتباط ومهما صغر أو كبر (( فما ندم من إستخار وما خاب من إستشار ))

عبد الرحمن (عطبرة)
29-11-11, 08:47 PM
:


و وكذلك كثرة اللعن للقلم والحرف وغيرهما.. فلولا القلم والحرف لما إستطاعت أن تتنفس وتنفس ما بدواخلها ..




الله عليك أيها الأديب الجميل أحمد جقلاب على المداخلة الرائعة من بدايتها الى النهاية زادك الله فهما و علماً
سبحان الله اليوم و قبل مداخلتك قد لفت نظري شخص الى الحروف فكتبت هذه الأبيات البسيطة لكني ان شاء الله ناوي أعمل حاجة تانية لأنه حقيقة الحرف يعجبني و أعشقه لما له من حق علينا:::

ما أصلها الأحرف مليانة حنيّة
بتفرح مع الفرحان تعزفلو سيمفونية
بتطبطب المجروح ايده تملّي غنية
بتسعف الحيران و تطمس سواد النيّة
*****
ليك يا حروف مني مليون و ألف سلام
من زول عرف قيمتك و بيك عادلو وئام
رغم المراير ديك ظالاهو باريا غمام
سافر هجير عمرو نسى كل جفا و خصام
****
لي كل زول مغدور انتي الحضن و الريد
بتنسي آلامو و يعيش حياتو سعيد
بي لمسة من سحرك عمرنا صار غرّيد
ودّعنا أوجاعنا صارت حياتنا عيد

بابكر محمد أحمد دفع الله
29-11-11, 08:58 PM
[youtube]http://www.youtube.com/watch?v=uxLIgGNJP5M&feature=related[/]


حاجه رائعة

محمد إبنعوف محمد طه
30-11-11, 08:52 AM
يا ربي دي ما سمعت بـ ... احبب حبيبك هونا ما عسى أن يكون عدوك يوما وأبغض عدوك هونا ما عسى أن يكون حبيبك يوما ما.

القصيدة عصماء عديل وفعلاً يا سماحة الشنة فيها

والزولة دي أكيد حيكون ليها شأن كبير

زولتك دي شكلها كدي دفقت الحنان كلو لزول ما بستاهلو( طلع سراب ) ، ولمن خذلها ما لقت باقي تديهو زول تاني .
والزولة يبقالي بقى عندها شأن كبير - شايف عندها عمود صحفي وطواااالي في التلفزيونات -

محمد إبنعوف محمد طه
30-11-11, 09:18 AM
تسلم ود ابنعوف يا جميل
و هاك ليها صوت من خشم سيدو و بجيب ليك كم قصيدة منها خلي الزعيم يستمتع معانا ...


كل الود

مشكور الرائع دوما ود اتبرة الطيبة ، شكلك كدي داير تشْدَه الزعيم من الكرسي لكن هيهات هيهات .
بس يا ريت لو جبت القصايد دي مكتوبة برضو عشان في ناس ما بتفتح معاهم الوسائط

محمد إبنعوف محمد طه
30-11-11, 09:28 AM
قصيدة رائعة صياغت كلماتها ولكن تقشعر لها الابدان

ما اسواء ان ينقلب الحب الى كره لا حول ولا قوة الا بالله

فعلا كلام مموسق وجميل ، ويبدو ان الحب كان كبيرا لذلك جاءت ردة الفعل مساوية له في القوة ومضادة له في الاتجاه .
تشكري ام محمد وامير

محمد إبنعوف محمد طه
01-12-11, 02:05 PM
عزيزى أبن عــوف .. تحياتى.. إن مشاعر الشاعر الصادقة ُتفرز كل ما تحس به ويلامس دواخله وإنفعالاته فتنفجر شلالات حروفه المقفية بدون أى قيود سواء قدحاً أو مدحاً أو ما شاء من ضروب المشاعر .. فالشاعر أو الكاتب الأديب قد يرثى نفسه وقد يهجيها كما يفاخر بها ..ولو أتيحت لك فرصـة وبحثت فى " قوغل Google " عن الشاعر " محمد الواثق " وقرأت قصيـدته التى يهجــو فيها مدينة "أمدرمان " فستجد فيها كُرهاً لا يعادله كُره ، شئ يجعل الحليم حيران ..

فلا ضير أن ينقلب حب نضــال إلى كُره بعـد أن ذوَبَت نفسها وأخلصت فى حبها ثم وجدت النكران، وكثير من مثل هذه القصص من الجانبين نعرفها ونسمع بها فى عالمنا المعاصر ومنذ ناس جميل والأعشى الذى قال :
عُلقتها عرضاً .. وعُلقت رجلاً غيرى ... وعُلق أُخيرى ذلك الرجل
وعُلِقتنى اُخيرى لا تلائمنى ...... وإجتمــع الحب حبَ كله تبـــــل

ولكنى أُعيب على الشاعرة هذا الكُره لليوم الذى خُلق فيه القلب ، فلقد قال الرسول صلى الله عليه وسلم " لا تسبوا الدهر فإن الله هو الدهر " وكذلك كثرة اللعن للقلم والحرف وغيرهما.. فلولا القلم والحرف لما إستطاعت أن تتنفس وتنفس ما بدواخلها ..

على كل حال فلتحمد الله نضال - ومن على شاكلتها من المحبين - أنها قد علمت نكران وأخلاق هذا الحبيب من قبل أن تتورط وترتبط به ،

وأقول ليها كلوا فيهو فالخير فيما إختاره الله ، ولنتعلم إستخارة الله فى أمورنا كلها والإستشارة قبل أن نقدم على أى عمل أو إرتباط ومهما صغر أو كبر (( فما ندم من إستخار وما خاب من إستشار ))


شكرا على المداخلة الرائعة اديبنا الاريب الحبيب جقلاب ، واوافقك ان مشاعر الشعراء تخرج عصبا عنهم ولكنهم يتحاشون الكلمات الصادمة مثل كلمة - أكره - فنجدهم يستخدمون بدلا عنها - لا أحب - والمعنى واحد لكن التعبير يختلف .
المرحوم عبد الله محمد خير في قصيدته ( نسيتك انا ) تحس فيها بمدى غبنه على الحبيبة ولكنه لم يذكر لفظ الكراهية - ولكنك تحسها - بل تحس انه كره حتى البلاد التي تأويها :
انا نسيتك ما لأني انسان ... ونسّاي
وخليتلك بلد بي حالو قمت رحلت بي جاي
عشان ردة فعل ذكراك جواي
بقت تنتر مغص مرّات ولوّاي

لكن برضو الاتنين بتاعين حركات ساكت ( ولا بيكرهوا ولا شئ ) ما تصدقوا الكلام دا !!! :p :p

محمد إبنعوف محمد طه
01-12-11, 02:08 PM
حاجه رائعة

وانت من الروعة اروع عزيزي بابكر ولك التحية

ود حمرى
06-12-11, 04:38 PM
مافى كلام والله ...!!!

لكن ..!!! زولك دا يستاهل اكتر من كدى ..!!!

جبر الدار محمد جبر الدار
06-12-11, 04:57 PM
مافى كلام والله ...!!!

لكن ..!!! زولك دا يستاهل اكتر من كدى ..!!!

الحمرى
حمدلله على السلامه
وربنا يتقبل انشالله
زولك يستاهل مالو وشن سوى
وبعدين هى لابتكرهو ولا حاجه
حركات ساكت
معقول زول يكره يكتب كلام زى دا؟
وكلاما دا بس ماقادره تقوليهو ارجع
عناد بس

ود حمرى
06-12-11, 04:59 PM
ود عطبرة ..
التحية ليك ...
امتعتنا جداً بالقصائد الرائعة ..

.. ما تخليها صورة وصوت .. واللا دى حسادة منك ..؟؟؟ :) :)

عبد الرحمن (عطبرة)
06-12-11, 05:55 PM
ود عطبرة ..
التحية ليك ...
امتعتنا جداً بالقصائد الرائعة ..

.. ما تخليها صورة وصوت .. واللا دى حسادة منك ..؟؟؟ :) :)

ههههههههههه
حبيبنا ود حمري حاسب قطرك بقى بي مفتشينو و الكمش و الفنادك فأعمل حذرك
في قصيدة برضو صوت بحاول أنزلها برضو جميلة جدا ..... خليك متابع بس فيديو ماف :p :p
مشكور ود ابنعوف اداني الفرصة دي ......

اشتياق القرير
06-12-11, 07:11 PM
عشان ود حمرى بطنو تبرد


http://www.youtube.com/watch?v=_KeJmVX-QNk

علي محمد أحمد (أبورنس)
06-12-11, 07:29 PM
المشاركة الأصلية كتبت بواسطة احمد جقلاب http://algorer.net/vb/algorer/images/buttons/viewpost.gif (http://algorer.net/vb/showthread.php?p=186620#post186620)
لكنى أُعيب على الشاعرة هذا الكُره لليوم الذى خُلق فيه القلب ، فلقد قال الرسول صلى الله عليه وسلم " لا تسبوا الدهر فإن الله هو الدهر " وكذلك كثرة اللعن للقلم والحرف وغيرهما..



جزاك الله خيراً أستاذنا أحمد جقلاب ..

حقيقة نجد بعض الشعراء ينقادون خلف مشاعرهم

وما تجود به قريحتهم ويسعفهم به مخزونهم من كلمات

لحظة ولادة القصيدة، دون أن ينتبهوا أنهم قد قالوا كلاماً

فيه نوع من المعصية، وأحيانا فيه نوع من الشرك

مثل ما تغنى به ترباس من قبل (البعبُدها)

وما تغنى به الراحل زيدان ( أو أبقى راهب ليها وأعبدها)!!

وللأسف أكثرنا قد ردد هذه الأغنيات بدون وعي ..




هذه القصيدة أخي محمد، تعبر عن مشاعر إنسان شعر

بالغبن الشديد، ولم يستطيع احتماله بداخله.


الشاعرة من شدة غضبها، أتت بكلمة (بكرهك) أكثر من مرة

دليل إحساسها بالظلم كلما تذكرت موقف بعينه تعود وتقول

(أنا بكرهك) كأنما تريد أن تقنع نفسها بذلك !!

لأنها في قرارة نفسها تشعر بأنها لازالت تكن له مشاعر

جياشة وتعتبره شخصاً مقدساً عندها والدليل أنها

أقسمت به ( لكن وحاتك بكرهك )!!

وهذا مما نُهينا عنه أيضاً، ألا وهو الحلف بغير الله


وكما قلت أنت، هذا حب في شكل كراهية:)

ود حمرى
07-12-11, 01:31 PM
عشان ود حمرى بطنو تبرد




إن شاء الله يبرد حشا امك يا هندسة ..

التحية ليك والله ...

محمد خليفة حمد محيريق
07-12-11, 02:17 PM
هذه كراهية من نوع آخر انها أقصى نهايات الحب والهوى ولا اعتقد ان هذه الشاعرة تكره هذا الشخص بل هى متيمة به والله اعلم
ولكن يجب الا تطلق العنان لكلماتها ولا تسمح للتعبير أن يجرها الى المحظور فيوقعها فى التهلكة .. قصيدة رصينة وقوية ومعبرة

علي محمد أحمد (أبورنس)
06-01-12, 09:33 PM
ود ابنعوف .. كيف حالك؟

رأيك شنو في كلام الدا

شاعرنا الراحل/ إسماعيل حسن قال



غلطة كانت غرامي ليك
وا خسارة دموعي فيك
غلطة قلبي سلمتو ليك
ما كان مكانو وما كان يجيك
يوم لقيتك علي ما كان يوم يا مبدل شجوني هوى
عني ايه قالو عني ايه






كان طلعت القمرة وجيت
ولو حلفت برب البيت
ما بريدك ..
ما بريدك مهما بقيت غلطة كانت وتاني ابيت
يا الفراقك علي كان مكتوب يا مبدل شقاي انا
انت حبك جنيت عليه

محمد إبنعوف محمد طه
30-01-12, 01:56 PM
الحمرى
حمدلله على السلامه
وربنا يتقبل انشالله
زولك يستاهل مالو وشن سوى
وبعدين هى لابتكرهو ولا حاجه
حركات ساكت
معقول زول يكره يكتب كلام زى دا؟
وكلاما دا بس ماقادره تقوليهو ارجع
عناد بس

فتح الله عليك جبر الدار ، ريحتني من الرد على ود حمري ، اصلو هو دائما يتعاطف مع الجنس اللطيف ( ظالما او مظلوما )

محمد إبنعوف محمد طه
30-01-12, 01:58 PM
ههههههههههه
حبيبنا ود حمري حاسب قطرك بقى بي مفتشينو و الكمش و الفنادك فأعمل حذرك
في قصيدة برضو صوت بحاول أنزلها برضو جميلة جدا ..... خليك متابع بس فيديو ماف :p :p
مشكور ود ابنعوف اداني الفرصة دي ......


وفتح الله عليك ود عطبرة ( الغائب قسرا ) ونتمنى عودتك القوية الى منتداك

محمد إبنعوف محمد طه
30-01-12, 02:02 PM
جزاك الله خيراً أستاذنا أحمد جقلاب ..

حقيقة نجد بعض الشعراء ينقادون خلف مشاعرهم

وما تجود به قريحتهم ويسعفهم به مخزونهم من كلمات

لحظة ولادة القصيدة، دون أن ينتبهوا أنهم قد قالوا كلاماً

فيه نوع من المعصية، وأحيانا فيه نوع من الشرك

مثل ما تغنى به ترباس من قبل (البعبُدها)

وما تغنى به الراحل زيدان ( أو أبقى راهب ليها وأعبدها)!!

وللأسف أكثرنا قد ردد هذه الأغنيات بدون وعي ..




هذه القصيدة أخي محمد، تعبر عن مشاعر إنسان شعر

بالغبن الشديد، ولم يستطيع احتماله بداخله.


الشاعرة من شدة غضبها، أتت بكلمة (بكرهك) أكثر من مرة

دليل إحساسها بالظلم كلما تذكرت موقف بعينه تعود وتقول

(أنا بكرهك) كأنما تريد أن تقنع نفسها بذلك !!

لأنها في قرارة نفسها تشعر بأنها لازالت تكن له مشاعر

جياشة وتعتبره شخصاً مقدساً عندها والدليل أنها

أقسمت به ( لكن وحاتك بكرهك )!!

وهذا مما نُهينا عنه أيضاً، ألا وهو الحلف بغير الله


وكما قلت أنت، هذا حب في شكل كراهية:)






وكما ذكرت اخي علي هي تريد ان تقنع نفسها بانها تكرهه ولكنها فشلت في اقناعنا نحن بذلك فكل كلمة بكرهك ( تبنقر ) منها كلمة بحبك

محمد إبنعوف محمد طه
30-01-12, 02:06 PM
إن شاء الله يبرد حشا امك يا هندسة ..

التحية ليك والله ...

الكلام دا قبل الجماعة يجو ولا بعد ما جو ؟؟؟

محمد إبنعوف محمد طه
30-01-12, 02:08 PM
أقصى نهايات الحب والهوى

اعتقد ان هذا هو التعبير الامثل لهذه الحالة .

محمد حسن آدم
30-01-12, 04:34 PM
لكم التحية أجمعين
وهذه رائعة نزار قباني أكـــرهها




أكرهها وأشتهي وصلها
وإنني أحب كرهي لها
أحب هذا اللؤم في عينها
وزروها إن زورت قولها
عينٌ .. كعين الذئب محتالة
طافت أكاذيب الهوى حولها
قد سكن الجنون أحداقها
وأطفأت ثورتها عقلها
أشك في شكي إذا أقبلت
باكية .. شارحة ذلها
فإن ترفــقــت بــهــا أستكبرت
وجررت ضاحــكة ذيلها
أن عانقتني كسرت أضلعي
وأفرغت على فمي غــلــّها
يحبها حقدي ويا طالما
وددت إن طــوقــتـها .. قــتــلـهــا

خديجة عبد الرحيم فضل الله
07-10-12, 08:01 PM
مبروك الشاعرة نضال حسن الحاج ..مبروك المليونير صلاح ادريس الزواج ..

علي محمد أحمد (أبورنس)
07-10-12, 10:13 PM
مبروك الشاعرة نضال حسن الحاج ..مبروك المليونير صلاح ادريس الزواج ..

قلتي شنو؟:confused:

خديجة عبد الرحيم فضل الله
07-10-12, 11:07 PM
قلتي شنو؟:confused:

امس بقرية ابو مريخة تم عقد قران السيد صلاح ادريس علي الشاعرة نضال الحاج ..ومعظم الصحف الصادرة اليوم تنأقلت الخبر ...

زهير محمد سليمان
08-10-12, 06:47 PM
حيا الله ابنعوف … غايتو الزولة دي شاعرة حسب راي وعندها اسلوب براهو ومتميز ولكنها محتاجة تجارب ومعتركات وزنقات وبعد كده تقدر تفرز وتشذب كتابتها الشعرية … العنوان مهم يا ابنعوف زي ما تفضلت والكراهية احساس بغيض ما يتماشي مع روح الشاعرية رغم كونها كتبت بصدق وبراءة ودفقت احساسها كله بدون فرامل وقعت في الفخ لانها زولة خام ولسة ما نضفت او فتحت … بس من ناحية هي شاعرة … هي تكتب الشعر علي اصوله … تحياتي

عدي محمد سعيد دفع الله
09-10-12, 01:27 PM
شاعرة وملحن.. ما شاء الله
الف مبروك الزواج يا ريس

خديجة عبد الرحيم فضل الله
09-10-12, 01:40 PM
شاعرة وملحن.. ما شاء الله
الف مبروك الزواج يا ريس

الهلالاب ظهروا :p...

عدي محمد سعيد دفع الله
09-10-12, 02:14 PM
الهلالاب ظهروا :p...

أولاً: ما انتي ذاتك بتحبي اللون الازرق
وتانياً: وان كان صلاح مشى أهلي شندي لكن برضو ما قصر.. وياهو الرئس.
وأهم حاجة اليوم قال: زواجي من نضال أمر يخصني وحدي.. ودا كلام الريس
قال أنه مارس حقه الشرعي. كما قالت الشاعرة نضال انه زواج على كتاب الله وسنة رسول الله

خديجة عبد الرحيم فضل الله
10-10-12, 09:39 PM
رد الشاعرة ليلي عبد الرحمن علي قصيدة انا بكرهك:مابكرهك للشاعرة السودانيه ليلي عبد الرجمن
لو نتختلف او نتفق...........لو كان خيارك نفترق
ما بكرهك
لانه مابطفي البعاد نيران هوانا ونتفق
لا عمره ح يقدر فراق..يفسد قضاياك ياعشق
مابكرهك
لو انت خليتني وبقيت..مابسوى ريدك واستحق
لو بعدك ..اضناني السهاد والشوق حرق جواي حرق
ما بكرهك
لو صبحت الاحلام رماد..والمرة صبحت لي زااد
واصبحت لاجئ...بلا بلاد. لو قطع الشوق الفؤاد
لو فيني شمت الخلق...
مابكرهك
لو غير النيل سكته ...لو ليلى يوم قيس خلته

لو الفراش هجر الزهور ال حبته
لو السماء فوق الارض يجي منطبق
مابكرهك
بعيش علي عشم المطر........لو جاي من جهتك برد
كيف اكرهك
ما كان قبيل حبك ترف.لاكان هواي دوران ولف
لا قلبي على غيرك عطف...
عشان يوم تفوت حبك يموت
صوتك يكون ماعنده صوت.ما القى ليك حبه آسف
مابكرهك
مهما قسيت وقفلت باب الريد ه كف
لا دمعه سالت ...لا بكيت .....لا اهة لا شريان نزف
انا لسه بشتاق ليك...اتعاطى ذكراك بشغف
فتحت باب الشوق ضلف ..عشان تدخل عليه من أي فج
رغم اني عارفاك ما بتجي..لا بالمواعيد
لا الصدف
مابكرهك
رغم الاسي وحبل الوصال اللتنتف
كيف بيكره العرف الهوى.ولا عايش الريد..بشرف
مابكرهك رغم الاسى وجرحي الاليم.من الله ماخلق السماء
ارسى الجبال....طرح الاديم
اخلاصنا لاول حبيب..وحنينا للحب القديم مهما يكون
قلب البحب دايم حليم
مابكرهك............
عندك جواز ممكن..تطل جواي اوتصبح مقيم
لو قلبك اختار لسواي..... بفخر باني من الحريم
ما بكرهك
كيف اكرهك..وانا برسمك اسطورةه للزول الوسيم
وأتنسمك في الكتمه زي الطف نسيم
واتبسمك في بسمه طالعه من الصميم
واتلمسك ...هدى للخطى نحو الصراط المستقيم
أتحسك تسكني مرات...وبسكنك
جواي..احسك واسكنك..اجي تاني واقول ليك بكرهك
استغفر الله العظيم
انا بعشقك....انا بعشقك.....أنا بعشقك
انا بعشقك يازين وياسمح الخصال
انا بعشقك قدر القلوب الشارفه للقا والوصال
أنا بعشقك قدر العيون ما صوبت في الدنيا للعاشق النيبال
أنا بعشقك قدر الوفا بين زوله جدعه وزول وفي وجد ود حلال
أنا بعشقك قدر الخلوق ما ترقبت في كل عام جيت هلال
أنا بعشقك قدر...الأنين ..قدر الحنين..وكتين حبيبنا بعاده طال
أنا بعشقك قدرالنواح..قدر الجراح..قدر الصبر والاحتمال
أنا بعشقك قدر السماح..قدر الكفاح..قدر البراح..في كل مجال
انا بعشقك قدر الصلاح..قدر الفلاح...قدر الضلال
انا بعشقك قدر الهواجيس والظنون قدر الاباليس والجنون
وأنا بعشقك قدر الحروف في كل مقال
وأنا بعشقك قدر الحجيج لمكه ماشد رحال
ماابكرهك
كيف اكرهك..وحي القصائد
من خلال ظلم الحبايب ...من خلال قدر الحبايب
من خلال كيد البنات...واحيانآ كثير غدر الرجال
ماابكرهك وأنا دايره اسالكم سؤال
هل بيكرة للقلب اللي بيحب
ده سؤال للي قال بكرهك
دا سؤال موجه لنضال ..

خديجة عبد الرحيم فضل الله
15-10-12, 01:55 PM
أولاً: ما انتي ذاتك بتحبي اللون الازرق

بيني وبينك اللون الازرق لون جميل ...لكن الاحمر احلي :p:)....

محمد عثمان سرالختم
15-10-12, 09:38 PM
التحية لك ابننا محمد القصيدة جميلة والكراهية مرات تكون فى محلها لكن يا محمد انا لمان قريت فى الشريط العنوان اتهجمت لانو فيه تورية يحتمل عدة معانى والتحية للاسرة