بريق الوحل [ الكاتب : ابو ميسره - آخر الردود : عبد الرحمن (عطبرة) - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     آخر عناقيد جيل الكبار بالقرير [ الكاتب : عمر محمد نور - آخر الردود : عمر محمد نور - ]       »     عُــــدنا ***والعـــــود إن شا... [ الكاتب : احمد عبدالله جقلاب - آخر الردود : بابكر محمد أحمد دفع الله - ]       »     المتواجدون [ الكاتب : درماس - آخر الردود : بابكر محمد أحمد دفع الله - ]       »     دفتر الحضور اليومي [ الكاتب : عبد المنعم عبد الرحيم حضيري - آخر الردود : بابكر محمد أحمد دفع الله - ]       »     اقرأ آية (واحدة) من القرآن الك... [ الكاتب : مجاهد الرفاعى - آخر الردود : يس بابكر الشيخ محمد - ]       »     عبد الوهاب كاره يودع المهندس ا... [ الكاتب : يس بابكر الشيخ محمد - آخر الردود : يس بابكر الشيخ محمد - ]       »     سجلوا دخولكم بالدعاء لي لبني م... [ الكاتب : يس بابكر الشيخ محمد - آخر الردود : يس بابكر الشيخ محمد - ]       »     مـرعـام كأنـه أعـوام !! [ الكاتب : يس بابكر الشيخ محمد - آخر الردود : يس بابكر الشيخ محمد - ]       »     "حــد الريــد" ماتــت ،، و الح... [ الكاتب : يس بابكر الشيخ محمد - آخر الردود : عمر محمد علي ترتوري - ]       »     "سفيرنا بمصر يزور مامان الآن" [ الكاتب : عمر محمد علي ترتوري - آخر الردود : يس بابكر الشيخ محمد - ]       »     في ذمة الله صلاح محمد عثمان [ الكاتب : عبد المنعم عبد الرحيم حضيري - آخر الردود : يس بابكر الشيخ محمد - ]       »     توثيق ندوة حاج الماحي [ الكاتب : محمد يونس - آخر الردود : محمد يونس - ]       »     "عمر ترتورى يكتب : وااا حلالى ... [ الكاتب : عمر محمد علي ترتوري - آخر الردود : عمر محمد علي ترتوري - ]       »     "يااا حليلك يا بلدنا (عمر ترت... [ الكاتب : عمر محمد علي ترتوري - آخر الردود : عمر محمد علي ترتوري - ]       »     اجر وعافية يا ترتوري [ الكاتب : عبد المنعم عبد الرحيم حضيري - آخر الردود : عمر محمد علي ترتوري - ]       »     المختار من خواطر المستشار [ الكاتب : عمر محمد نور - آخر الردود : عمر محمد نور - ]       »     "عمر ترتوري يكتب عن فوز بروف ك... [ الكاتب : عمر محمد علي ترتوري - آخر الردود : عمر محمد علي ترتوري - ]       »     استراحة ما بعد الظهيرة [ الكاتب : أم مؤيد - آخر الردود : ابو ميسره - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > المنتدى الأدبي > مكتبة فاطني وعاشا ( لتوثيق التراث )
 
 

مكتبة فاطني وعاشا ( لتوثيق التراث ) لتوثيق التراث

الإهداءات

إضافة رد
 
أدوات الموضوع انواع عرض الموضوع
 
 
  #1  
قديم 24-02-10, 05:14 PM
الصورة الرمزية عثمان الحليبي
عثمان الحليبي غير متواجد حالياً
قريرابي ذهبي
 





افتراضي حكايات شعبية (رواية بشيرة بتد عِيسِي)





في مهلي متاحة سوف أنزل بعض الحكايات الشعبية التي سجلتها قبل ثمان سنين من الخالة بشيرة بتد عيسي وهي:
مقدمة
1- الإريوتي
2- شيخ الحرامية
3- بت السلطان
4- فاطني أم عويد


أطال الله عمرها ومتعها بالعافية مع أشواقي لجلسة في حضرتها في ليالي القرير وحيشان بقمرة سبعتين.
إهداء لأخي / الكامل درو تقديرا لمجهوداته من أجل القرير.

دمتم لنا ذخراَ ودامت بشيرة أماً للجميع ثم حمدخير معكم

من مواضيعي :

توقيع :


إنْ كُنْتَ تَذْهَبُ لِلرَدَى أذْهَبْ فَإنَّ العُمْرَ مَسْطُورٌ عَلَى كَفِّ الْقَدَرْ. وإِذَاْ رَأَيْتَ اَلْكَوْنَ مَشْدُوْداً إِلَيْكَ فَلا تَخَفْ وَإِيْقِنْ بِأَنَّ اَلْفَلْقَ يُخْرِجُ نَبْتَهُ قَذْفَاً كَمَاْ يَأْتِيِ اَلْبَشَرْ.

آخر تعديل عثمان الحليبي يوم 24-02-10 في 10:01 PM.
رد مع اقتباس
 
 
 
 
قديم 24-02-10, 05:55 PM   #2
المشرف العام
 
الصورة الرمزية سليمان عبد الله محمد نور





سليمان عبد الله محمد نور غير متواجد حالياً

من مواضيعي :
افتراضي رد: حكايات شعبية (رواية بشيرة بتد عِيسِي)

الزول الطاعم / عثمان الحليبي

نحن راجنك هني للصباح

اسرع تعال


توقيع :



  رد مع اقتباس
 
 
 
 
قديم 24-02-10, 10:18 PM   #3
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: حكايات شعبية (رواية بشيرة بتد عِيسِي)



بسم الله الرحمن الرحيم. القرير قوز هندي ستة مارس الفين واتنين. إتنين وعشرين ذو الحجة. بمنزل الجد نسبا والخال في وجوده الحقيقي عثمان ود درو. مع الخالة بشيرة محمد صالح عيسى في بعض من الحكايات الشعبية من المنطقة في ذلك الزمان.
الخالة بشيرة إنتي مني ورينا إسمك بالكامل. بشيرة محمد صالح عيسى هندي. مولودة وين ومتين؟ مولودة في قوزهندي ماني عارفي سنة كم بس أنا أصغر من أمك بي تلاتة أربعة سنين. يعني تكوني سنة الف تسعمية وتلاتين.
أولا نحنا نسألك من الحكاوي الدايري تحجينا بيهن ديل سمعتيهن من منو؟ والله بس من الحبوبات. الحبوبات الزي منن في البلد؟ ناس أمي اليمن. وناس عمتي بت عيسي الله يسامحة وناس التومي.



توقيع :


إنْ كُنْتَ تَذْهَبُ لِلرَدَى أذْهَبْ فَإنَّ العُمْرَ مَسْطُورٌ عَلَى كَفِّ الْقَدَرْ. وإِذَاْ رَأَيْتَ اَلْكَوْنَ مَشْدُوْداً إِلَيْكَ فَلا تَخَفْ وَإِيْقِنْ بِأَنَّ اَلْفَلْقَ يُخْرِجُ نَبْتَهُ قَذْفَاً كَمَاْ يَأْتِيِ اَلْبَشَرْ.

آخر تعديل عثمان الحليبي يوم 25-02-10 في 03:59 PM.
  رد مع اقتباس
 
 
 
 
قديم 25-02-10, 04:09 PM   #4
عضو مجلس الادارة
 
الصورة الرمزية عمر الشيخ محمد حسن





عمر الشيخ محمد حسن غير متواجد حالياً

من مواضيعي :
افتراضي رد: حكايات شعبية (رواية بشيرة بتد عِيسِي)

تحياتى للرآجل المُبدع ..وآصل أخى عثمان نحن فى شوق على أحر من الجمر لبقية القصة .
تقبل مرورى.

  رد مع اقتباس
 
 
 
 
قديم 25-02-10, 04:11 PM   #5
قريرابي نشط
 
الصورة الرمزية الوليد الجنابي





الوليد الجنابي غير متواجد حالياً

من مواضيعي :
افتراضي رد: حكايات شعبية (رواية بشيرة بتد عِيسِي)

اقتباس:
المشاركة الأصلية كتبت بواسطة عثمان الحليبي مشاهدة المشاركة


بسم الله الرحمن الرحيم. القرير قوز هندي ستة مارس الفين واتنين. إتنين وعشرين ذو الحجة. بمنزل الجد نسبا والخال في وجوده الحقيقي عثمان ود درو. مع الخالة بشيرة محمد صالح عيسى في بعض من الحكايات الشعبية من المنطقة في ذلك الزمان.
الخالة بشيرة إنتي مني ورينا إسمك بالكامل. بشيرة محمد صالح عيسى هندي. مولودة وين ومتين؟ مولودة في قوزهندي ماني عارفي سنة كم بس أنا أصغر من أمك بي تلاتة أربعة سنين. يعني تكوني سنة الف تسعمية وتلاتين.
أولا نحنا نسألك من الحكاوي الدايري تحجينا بيهن ديل سمعتيهن من منو؟ والله بس من الحبوبات. الحبوبات الزي منن في البلد؟ ناس أمي اليمن. وناس عمتي بت عيسي الله يسامحة وناس التومي.



والله لكن يا الحليبى ابداع
تقبل مرورى

  رد مع اقتباس
 
 
 
 
قديم 25-02-10, 04:28 PM   #6
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: حكايات شعبية (رواية بشيرة بتد عِيسِي)




يعني الحجي ده حجى حبوبات. طيب العمر القاعدين تاني ما يحجوكم فيه كان عمر كم. زي سبعة تمانية. تاني ماب يحجوكم خالص. أيي خالص. بي إعتبار إنكم بقيتوا كبار. أيي خلاص كبرنا. يعني أنتي الحجي ده سمعتيهو أول مرة ما بين سنة تلاتين وسبعة وتلاتين. وساعة يحجولن ناس تانين نقعد نسمع. يعني أنتي سمعته كحجوة ممتعة كان عمرك تمانية سنين. وبعد داك تسمعي ساعة يحجولن ناس تانين.


  رد مع اقتباس
 
 
 
 
قديم 26-02-10, 03:36 AM   #7
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: حكايات شعبية (رواية بشيرة بتد عِيسِي)



إنتي هل طلعتي من قوز هندي دي سافرتي لي زمن طويل؟ إيييك. أطول زمن قضيتي برة كان كم سنة. أول شئ في كريمة القريبي دي تلاتة سنة. في أدبرة تلاتة وفي بورسودان سنتين. وكل المحطات بين كريمة والدامر. ودار مالي. دار مالي دي كم سنة يا جدي عثمان. قال يبقالي سنة. إنتي في المناطق حقت دقش وابو هشيم وأدبرة هل سمعتي الحكايات دي هناك. لا لع. أصلا ما في زول حجاك بيها هناك. أسع في قوز هندي بعدما جيتي من غربتك هل سمعتيها تاني. لع بس حافظاها في راسي ده.


  رد مع اقتباس
 
 
 
 
قديم 01-03-10, 02:02 PM   #8
قريرابي مميز
 
الصورة الرمزية أحمد درو





أحمد درو غير متواجد حالياً

من مواضيعي :
افتراضي رد: حكايات شعبية (رواية بشيرة بتد عِيسِي)

الله الله على الأيام الجميلة ، بشيرة بتد عيسى ربنا يديها الصحة والعافية بإعتبارها أمنا الثانية ، وهى زوجة عمى عثمان ود درو عليه رحمة الله ، كان الحوش واحد وكثيرا ما يجيبونا من بيت عمى لى بيتنا بعد حكايات ما قبل النوم دى بعد نكون غرقنا فى النوم وسمعنا من حكاوى وأحاجى أمنا الثانية بشيرة ، كانت حكاوى تحمل الكثير من العبر والإشارات التربوية العميقة لما فيها من إستنكار لكل ما هو سيئ وكل ما هو بغيض ولما فيها من تغليب الخير على الشر بنهاياتها السعيدة، وكانت فى الغالب تبدأ بالعبارة (كان يا ما كان فى قديم الزمان ) وتنتهى بعبارة مريحة (وعاشوا فى سلام وأمان) وربنا يديم السلام والأمان على الجميع، كانت تحكى وكنا نسألها المزيد فلا تكل ولا تمل وأحيانا نطلب الإعادة وبكل رحابة صدر تحكى القصة وتعيدها وفى كل مرة نسمعها بشغف وكأننا نسمعها للمرة الأولى.


توقيع :
فى المجد والشرف الرفيع لك يا بلادى ذروة شماء
إنا سنبنيها ونعلى شأنها وسبيلنا التخطيط والإحصاء
  رد مع اقتباس
 
 
 
 
قديم 05-03-10, 01:43 AM   #9
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: حكايات شعبية (رواية بشيرة بتد عِيسِي)




هل حكيتيها كتير؟ إيييك. بداية من منو في ولادك؟ من فاطني سغيري. من ناس علي ود محمد ويوسف لا عند ناس سيف الدين. إنتي فاطني ساعة وليدتيها كان عمرك كم سني. (عثمان ود درو قاعد جنبنا قال: فاطني مولودة سنة تمانية وأربعين). يعني إنتي أربعة وخمسين سنة تحكي في القصص دي؟ إنقطعتي منها والله لا أسع قاعدي تحكي فيها؟ إنقطعت منها. من زمن حجيت. من زمن حجيت ما حجيت!! مشيتي الحج متين؟ من طمنطاشر سنة. يعني زمن صافي حجاك ستة وتلاتين سنة؟ أيي أيي. أها إنتي في حجاك ده الناس قاعدي تجي تحضر عشان إنتي القاعدي تحجي؟ يعني قاعدين يجوا عشانك؟ أيي وليداتنا ديل كلهن يتلموا عندي. يعني أنتي لي ناس قوز هندي دي عد تعتبري حبوبة حجاية؟ أيي. بس لي وليداتنا الفي حيشانا ديل.ولاد الدرياب بس. الخيرالسيداب والحسيناب ما عد يجوا ؟ لا لــع.

  رد مع اقتباس
 
 
 
 
قديم 05-03-10, 02:03 AM   #10
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: حكايات شعبية (رواية بشيرة بتد عِيسِي)




طيب الحكايات دي وعلي طول حياتك هل لاحظتي إنها قاعدي تتشابه مع حكاوي الناس التانين؟ يعني ناس الكنيسي ساعة يحكوا هل كان في تشابه وإختلاف؟ أيي. في واحد قاعد يتشابه وواحد قاعد يختلف. أسع أنا فاطني السمحي دي تختلف عندي مع الناس التانين. كل زول قاعد يزيد وينقص فيها.
طيب يا خالتي أنا دايرك ساعة تحكي لي تحكي لي بى رواية أقرب لي الحكت بيها أمك اليمن واللا التومي؟ طيب إنتو قاعدين تتحجوا متين؟ قاعدين يحجونا في الليل. بس الوكت الحجونا فيهو ماب نعرفو ياتو ساعة. يعني قاعدين يحجوكن متين؟ قبل العِشِي واللا بعدو؟ بس متل وكت قعدتنا دي. يعني بعد الحجي نوم طوالي؟ أيي نوم طوالي.حتى الحبوبات؟ لا كلهن يتعشوا. يعني بعد صلاة العِشِي؟ لامن يصلوا العِشِي. بالتقريب كدي من تسعة لا قدام. قاعدين تحصلوا الصباح؟ يعني قاعدين تتحجوا لاعند أذان الصباح. لع بالكتير الساعة حداشر أطناشر. ده بالنسبة ليكن أنتن كحجايات؟ وإنتي ساعة يحجوك كنتي قاعدي تنومي قبل الحجي يتم؟ يعني هل عد تحضري نهاية الحجوة؟ مرات أنوم ومرات أحضر نهايتة. لكن بحفظ. أسع أنا أي حاجة قاعدي أحفظة.

  رد مع اقتباس
 
 
 
 
قديم 05-03-10, 02:12 AM   #11
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: حكايات شعبية (رواية بشيرة بتد عِيسِي)



طيب نحنا أسع نسجل منك الإريوتي وفاطني السمحي؟ الإريوتي دي تتذكري هي حجوة ياتو حبوبة؟ الإريوتي دي حجوة أمي اليمن. ومعروفة عندي إنها حجوة أمي اليمن. لكن فاطني السمحي دي حقت ناس التومي والشاتي وعمتي بت عيسي. هل كان عندهن مقدمات للحجاوي دي ساعة يدورن يحجنها؟ يقولن شنو؟ ياهن يقولن بسم الله الرحمن الرحيم حجيتكم ما بجيتكم ويبدن الحجي. بس هي حجيتكم ما بجيتكم واللا عندها رواية تاني؟ بس ياها . بس ياها واحدي.

  رد مع اقتباس
 
 
 
 
قديم 06-03-10, 01:16 PM   #12
قريرابي نشط





هنديابيه غير متواجد حالياً

من مواضيعي :
افتراضي رد: حكايات شعبية (رواية بشيرة بتد عِيسِي)

عثمان الحليبي والمرور سلامات..
نفسنا اتقطع ونحن مبارنك من المهاجر والجامع وناس شيخنا ود النجيب لي حبوبتنا بشيره بتد عيسي ولي عنقريب حبوبتنا التومه بت عازه .. لكن الليلي يانا البايتين عن ناس ودعيسي راجين الحجوه .. واصل يارائع ونحن منتظرين في ذلك الزمن الجميل ..
دمت بخير .. ودام الود ..


توقيع :
نورا تحلم بي عوالم .. زي رؤي الاطفال حوالم .. لا عساكر لا درادر .. لا مظاليم لا مظالم ..
..نازك عوض احمد الحسن..
  رد مع اقتباس
 
 
 
 
قديم 07-03-10, 01:35 AM   #13
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: حكايات شعبية (رواية بشيرة بتد عِيسِي)

مقدمة في دراسة الحكاية الشعبية

وقد رأيت أن تشاركوني في دراسة هذه الحكايات. لذلك تابعوا معي هذه القصص. وساعدوني في دراستها وتحليلها فإن توفقنا في هذه نكون قمنا بعمل ضخم يحسب شرف للمنتدى. ممكن الواحد يلقى ليهو ناس يشجعوا ويشيلوا معاهو. أتمنى ذلك.



الحكاية الشعبية هي احدوثة يسردها راوي في جماعة من المتلقين وهو يحفظها مشافهة عن راوي آخر ، ولكنه يؤديها بلغته، غير متقيد بألفاظ الحكاية، وإن كان يتقيد بشخصياتها وحوادثها، ومجمل بنائها العام.‏
وغالباً ماترويها العجائز لاحفادهن في ليالي الشتاء الطويلة قبل الذهاب الى النوم وقد يرويها غير العجائز في مواقف الاعتبار وضرب المثل ولكن الحكاية لاتسرد على الأغلب إلا ليلا في جو يتم التهيؤ له.
وتلقى الحكاية بلغة خاصة متميزة ليست لغة الحديث العادي مما يمنحها قدرة على الايحاء والتأثير وغالباً مايكون الالقاء بتلوين صوتي يناسب المواقف والشخصيات وبإشارات من اليدين والعينين والرأس فيها قدرة من التمثيل والتقليد.‏
ويتم التلقي باصغاء حاد قد يتخلله الضحك او الفزع كما يقتضي الموقف ولكن في تقدير واحترام وتصديق.
ولكل حكاية اسم هو عنوانها ويستمد من عنصر بارز فيها من الشخصيات او الحوادث وهو اسم ثابت.‏
وتبدأ الحكاية ببداية ثابتة محفوظة مثل : كان ياما كان ياقديم الزمان.

  رد مع اقتباس
 
 
 
 
قديم 07-03-10, 01:41 AM   #14
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: حكايات شعبية (رواية بشيرة بتد عِيسِي)

مميزات الحكاية الشعبية:‏

- الاضافة والحذف وفاقا لذاكرة الراوي وأهوائه أحياناً‏.
- مرآة العصر تبين أفكار الأمم وعاداتها وينتابها التحوير مع المتغيرات.‏
- لا تستقر في مكان واحد بل تنتقل بانتقال الراوي.‏
- الرواية الشفهية‏ مؤلفها مجهول‏.
- تدور حول أشخاص ابتدعهم الخيال وأحياناً حول شخصيات ممتلئة تاريخياً لكنها تتحور في الحكاية الخيال الشعبي صور هارون وقرقوش على غير ما همها عليه.‏
- هدفها أخلاقي مثل تأصيل القيم والعادات الاجتماعية وايجاد الحلول المستعصية او فتح آفاق للخروج من الأزمات.‏
- اللغة بسيطة عامية او فصيحة ونشدد على الفصيحة لكن هذا لايعني خلوها من البلاغة .‏
- لاتخرج عادة عما هو سائد في المجتمع .‏
- الذيوع والانتشار عند العامة والخاصة ايضاً.‏
- تتشابه في جميع انحاء العالم.‏
- مايميز الحكاية فكرة الحرية لا قوانين ولارقيب على الاضافات , التخلص من محدودية الزمان والمكان.‏
- المحتوى مستمر التجدد أي مايتعلق بالاغراض المستمرة تعكس موقفاً جمعياً لايختلف الاطفال مثلا حين يستمعون الى الحكايات في مواقفهم يتعاطفون مع نفس الشخصية ويكرهون نفس الشخصية .‏
- الظرف التاريخي والجغرافي والاقتصادي يلعب دوراً في انتاج الحكايات بين النفعية والجمالية النفعية والجمالية الخالصة.‏
- ينتهي عمر الحكاية حينما تصبح منافية لعقائد الشعب وايديولوجيته إن لم تتطور أو تتحور.‏

  رد مع اقتباس
 
 
 
 
قديم 19-03-10, 07:59 PM   #15
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: حكايات شعبية (رواية بشيرة بتد عِيسِي)

حِكـاية الإريـوتي

الإريوتي تصغير تهوين للأروتي وهو سائق الساقية


الإريوتي قالوا وليد أمو نزرتلو نزر. وهو واحد عندها. قالت ولدي ده كان دخل الخلوة, أسويل حصان لجامو دهب وركابو دهب وجلابيتو تعكشة بالدهب. قامت هي أمو ماتت. بقى يجي داخل يلقى مرت أبوهو ماب تدورو. والحصان حقو كمان سحري. يقوللو يا موحمد مرة أبوك دي كان أدتك أكل إن ما أديت منو الكديسي وشفتها ما ماتت ما تأكل منو. تعال لي هني. الحصان يعبي الصينية من أي حاجة. قامت مرة أبوهو قالت موحمد ده نحنا نبيع الحصان ده ونجيبلو يا حصانتن تلد واللا بقرتن تلد. قام قالوا سمح يا أبوي. أنا ما عندي مانع لكن شروط أمي أسويهن. وهو الحصان موصيهو. قالوا إذا قاللولك كدي قول ما عندي مانع لكن شروط أمي أسويهن. قوللو أخد لي سبعة قليبات. وبعد داك الداير تسويهو سويهو. جا قلب الستة قليبات وفي السابعي دخلبو تحت الأرض. قام الحصان مرقبو في بلد سلطان. وبت السلطان في القصر شافت الحصان وشافت اللجام وشافت السرج وشافت الدهب البيتلاصف. نزل منو. الحصان قاللو يا موحمد أنا بديك سبيب, متى ماك دايرني ولع لك في سبيباي تلقاني جنبك. قام مشى لي الراجل السلطان قاللو أنا داير إشتغل معاك. السلطان قاللو خلاص أمشي أركب فوق الساقي إنتَ إريوتي. قاللو ما عندي مانع. أتاريها هي البت سمعتو. لامن طولن. قال البنات ديل يسوين لهن مناديل. وأي واحدي تدلدل منديلة فوق الزول الدايراهو. السوت لها منديل أصفر والسوت لها أحمر وواحدي أخضر وواحدي أبيض. ودلدلنهن فوق العرسان الدايراتهن. إلا هي. السلطان قال في زول ما جا. قالولو بس في الإريوتي الفي الساقي. قال لهن أمشوا جيبوا. مشوا جابوهو. كرعينو بي طينن لامن جا. قامت البت رمت منديله فوقو. صباحك وفالك ديل أهله قالولة. قام السلطان قال خلاص. أمشوا قعدوهن في بيت البصل. قعدوهن في بيت البصل. لامن السلطان إتالم. قالوا علاجو الصيدة البكر بت البكر. كلهن روحوا. قام الإريوتي قاللو يا عمي أديني حصان وسيف داير أمشي معاهن. قاللو لع ما تمشي. قاللو أسكت أديني. الناس قالولو خلوا يمشي. قام أداهو لامن وصل لا قدام. ولع السبيباي بلا حصانو جاهو يتصاهل. قاللو مالك؟ قاللو نسيبي والله نسيبي ده عندو وجع باطن وعلاجو الصيدة البكر بت البكر. قاللو أمشاكا. أن بمشي أجمع الصيد وأسوي في حوش. وهن ذاتن الناس ديل يجونا. قام كدي جمع الصيد وجابلو كرسي قعدو فوقو. وهن جوا سلام سلام. قالهن أهلاً وسهلاً. قالولو والله نحنا دايرين لنا صيدة بكر بت بكر. أن بعتها لينا وإن أديتنا ليها ساكت. ساعة جوا قال لهن: والله أنا ما ببيعة ليكن لكن أخت ختمي ده فوقكن ( عبدي مِلكي من جدي لي أبوي). بقى يخت الختم فوق الواحد ( عبدي مِلكي من جدي لي أبوي). وقام أداهن الصيدة العجوز بت العجوز. وهو شال الصيدة البكر بت البكر. ساعة جا لقاهو يتململ. في ساعتو أوال ما سويهن ليهو طاب. أها قالوا عندنا طلبية حقت حرب بين السلطان وناس تانين. مشالوا قاللو يا عمي أديني حصان الأمشي معاهن. قالوا ما تمشي. قاللو أسكت أديني. قاللو في حيمير إعيرج أمش أركبوا. ساق الإعيرج مشى ولع السبيباي حصانو جاهو. قاللو نسيبي عندو حرب. قاللو أنا بديك سيف بس تحتهن حت العيش. مشى حتاهن فد مرة ومرق. مرق روح. وجا. رجع حصانو وركب حمارو الإعيرج ولاقاهن. بقى يكتحولو في التراب. أهو سُب فوقك. وين ماشي وين ماشي. قال لهن: مادام إنتصرتو الحمد لله. جا صاد. جات بتو قالت لو والله يا أبوي ده الإريوتي. قال لها إن بقى الإريوتي تاني يوم السبت عندنا حرب. وديل ناس أكتر من ديلك. إن بقى ياهو أنا بسويلو شارة. قام يوم السبت تاني قاللوأديني قاللو أمش أركب الإعيرج. تاني مشى لي حصانو ولعلو السبيباي حصانو جاهو. قاللو كدي كدي. قاللو الليلي أديك سيفاً أصلو ما أديتك يا قبل كدي. مشى حتاهن. بلا ربطلو المنديل في ضراعو وجوا. جات كوركت لي أبوها قالت لو: المنديل في ضراع الإريوتي. جا شافو. قال لها صحي من النوم. قالتلو ليه ما تخليهو لامن يحس براهو. قال لها لع صحي. صحتو قالتلو أبوي قال لك تعال. جا قعد قدام الباب. لا إتفضل أدخل جوه. قاللو لع أنا أصلي ما قاعد اقعد في البكان ده. قاللو: أها. إنتَ الحصان ده هولك؟ قاللو: أي هولي. والحاجات الفوق الحصان برضو هينلك؟ قالوا أي كلهن هينلي. حصانك ده هسع وين؟ قاللو في الخلا. وهسع رجال بناتك الستة ديل عبيدي مِلكي من جدي لي أبوي. قاللو كيف عبيدك؟ قاللو جيبن فنقسن. لقوهن كلهن عبيدو مختومين. قاللو خلاص أنت تطلع في سابع القصور. وأديتك نص في ملكتي. قاللو لع. أنا أقعد في محلي وفي بيتي الأصلو قاعد فيهو. وناسك ديل يقعدوا في بكانن ذاتو.


  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »10:38 AM.


Powered by vBulletin® Version 2017
.Copyright ©2000 - 2017, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل