بريق الوحل [ الكاتب : ابو ميسره - آخر الردود : عبد الرحمن (عطبرة) - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     آخر عناقيد جيل الكبار بالقرير [ الكاتب : عمر محمد نور - آخر الردود : عمر محمد نور - ]       »     عُــــدنا ***والعـــــود إن شا... [ الكاتب : احمد عبدالله جقلاب - آخر الردود : بابكر محمد أحمد دفع الله - ]       »     المتواجدون [ الكاتب : درماس - آخر الردود : بابكر محمد أحمد دفع الله - ]       »     دفتر الحضور اليومي [ الكاتب : عبد المنعم عبد الرحيم حضيري - آخر الردود : بابكر محمد أحمد دفع الله - ]       »     اقرأ آية (واحدة) من القرآن الك... [ الكاتب : مجاهد الرفاعى - آخر الردود : يس بابكر الشيخ محمد - ]       »     عبد الوهاب كاره يودع المهندس ا... [ الكاتب : يس بابكر الشيخ محمد - آخر الردود : يس بابكر الشيخ محمد - ]       »     سجلوا دخولكم بالدعاء لي لبني م... [ الكاتب : يس بابكر الشيخ محمد - آخر الردود : يس بابكر الشيخ محمد - ]       »     مـرعـام كأنـه أعـوام !! [ الكاتب : يس بابكر الشيخ محمد - آخر الردود : يس بابكر الشيخ محمد - ]       »     "حــد الريــد" ماتــت ،، و الح... [ الكاتب : يس بابكر الشيخ محمد - آخر الردود : عمر محمد علي ترتوري - ]       »     "سفيرنا بمصر يزور مامان الآن" [ الكاتب : عمر محمد علي ترتوري - آخر الردود : يس بابكر الشيخ محمد - ]       »     في ذمة الله صلاح محمد عثمان [ الكاتب : عبد المنعم عبد الرحيم حضيري - آخر الردود : يس بابكر الشيخ محمد - ]       »     توثيق ندوة حاج الماحي [ الكاتب : محمد يونس - آخر الردود : محمد يونس - ]       »     "عمر ترتورى يكتب : وااا حلالى ... [ الكاتب : عمر محمد علي ترتوري - آخر الردود : عمر محمد علي ترتوري - ]       »     "يااا حليلك يا بلدنا (عمر ترت... [ الكاتب : عمر محمد علي ترتوري - آخر الردود : عمر محمد علي ترتوري - ]       »     اجر وعافية يا ترتوري [ الكاتب : عبد المنعم عبد الرحيم حضيري - آخر الردود : عمر محمد علي ترتوري - ]       »     المختار من خواطر المستشار [ الكاتب : عمر محمد نور - آخر الردود : عمر محمد نور - ]       »     "عمر ترتوري يكتب عن فوز بروف ك... [ الكاتب : عمر محمد علي ترتوري - آخر الردود : عمر محمد علي ترتوري - ]       »     استراحة ما بعد الظهيرة [ الكاتب : أم مؤيد - آخر الردود : ابو ميسره - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > المنتدى الأدبي > مكتبة فاطني وعاشا ( لتوثيق التراث )
 
 

مكتبة فاطني وعاشا ( لتوثيق التراث ) لتوثيق التراث

الإهداءات

إضافة رد
 
أدوات الموضوع انواع عرض الموضوع
 
 
  #1  
قديم 15-02-10, 03:23 AM
الصورة الرمزية عثمان الحليبي
عثمان الحليبي غير متواجد حالياً
قريرابي ذهبي
 





افتراضي صائغة الحروف بنت صائغ الذهب





صائغة الحروف بنت صائغ الذهب زينب بت عثمان ود مسيك

تفريغ رواية صوتية(فاطني وعاشا)

هي محاولة تفريغ مادة فلكلورية خام. ورتاب مقطوع بي عيشو.وبعد ان فشلت في تحميل ملفاته الصوتية اتجهت الي هذه العجلة كي ألحِق بعض هذه الونسات العامرة التي جمعتني ذوات ضحوات مع امي وخالتي. إمرأتين حبت الي الخمس والستين من عمرها وفي ذاكرتها اقوال واحداث.
لم احدد كلام كل منهما لكني جعلته مجموعا لبعضه كونه كلام واحد ومتشابه . حاول فرزه لوحدك حتي اكشف لك اللعبة وتسمع التسجيل الصوتي

بسم الله الرحمن الرحيم
يوم الاربعاء 22-4-1993
ابوكدوك ام درمان

معاي الوالدة فاطنة سيداحمد والوالدة عاشا سيداحمد وحا نتكلم عن الحاجات الفاتت. في حاجات ما اسجلت في الشريط الفات نسجله هسي في الشريط ده. نتمنى انهن يقدمن لينا حاجة كويسة.
نسألكن من الحريم الزمان كانن قاعدات يمدحن . وقاعدات يقولن الشعر. يمدحن شعرن خقهن هن ذاتن.
هن كتار.
زينب بتد مسيكابي وام الخير بتد نصر وكساوي بتد درداب وستنا بت الملك ومجودة.
بتد مسيكابي كدي قولن لي هي مني؟
زينب بتد مسيكابي.
زينب بت عثمان ود مسيك. ابوها عثمان ود مسيك وعمها الماحي ود مسيك.
بت بيت الشريفة ستي فاطنة بت سيدي الحسن. يعني حوارة ختمية.
تمشي تقعد في الحضرة تلاتة يوم وبعد داك كان قعدت سني للحول عيشتة علي نفسة ماها علي الحضرة.بعدين تقعد تمدح فوق المراغنة.
قولن لي مدحة من مدائحة؟.
(يبدأن في مدحة صباح سوحنا وقمرنا ارجع لها في ديوانها)
صباح سوحنا وقمر
وبرو نافعنا
علينا الجدو شافعنا
من الخرطوم ركب في الساعة ريس القوم
متوجه نواحي البركل المعلوم
تاني ماني عارفي فيها شئ. خلاس تمت بس ماني عارفي صلاتا وسلاما.
ما عندها تمامي؟
تمامته صلاتا وسلاما.
سلام المدحة ده شنو؟
بدايتة ونهايتة.
بدايته بي الله ونهايتة بالرسول عليه الصلاة والسلام.
بضعة دي شنو؟
بضعة الشاهد ربنا يعني ولادتو يعني جناهو.
ست نور بت سادات قبا
جوهرة من الام ولي الاباامها ميرغنية وابوها ميرغني . ابوها سيدي بكري ولد سيدي جعفر ود الختم. وامها ستي فاطمة بت سيدي الحسن ود الختم . ستي فاطنة دي امها ذاتا بت ولد عبود. عبود سيد التاريخ. امها ستنا بت البشير ود عبود.
يعني عبود ده كان عندو ولاد كتار غير مهيرة ومحمد خير؟
عندو كتار... عندو سلمان وعندو خُزَّني.
داير اعرف بتد مسيكابي دي كانت قاعدي مع الختمية في كسلا؟
لا...لع.
ساكني تنقاسي تمشي تمدح وتجي .قالت:
علي يا ود حديد الشوق يتجدد
كر من حالي انا الجافيت وابعد

بعدين المرة دي ... اخته مرضعي ست عيش بت بكري اخت ست نور.
قالت لها :
امك الشايلاك بالسنين.
ستي عيش كانت ميتي.
ست عيش يا الحضن الحنين
يا جليسة الحور انتي وين
امك الشايلاك بالسنين
ان بقت نازري عليك شين
بتد مسيكابي ساعة كانت صغيري كانت مع المراغنة في الحضرة.كانت تمشي وتجي
ابوها عثمان ود مسيك كان عندو خلافة كبرى. وعمها الماحي ود مسيك كان عندو خلافة كبري. اتربت في بيئة ختمية شديد.
اتولدت في تنقاسي وعرسوها وولدت في تنقاسي.
اولاده منن ماكن عارفات
طلحة والزبير
طلحة والزبير ولاد الحاجي زينب.
ابوهن منو؟
ابوهن يقولولو احمد لكن ما بنعرفو احمد منو.
اسمو احمد بس.
تاني العارفاتنو عنو شنو؟
صرحلها
قالت :

قال لي امدحي الاستاذة الكرام
من صغير ومن تب قام
قالت:
عمرو ما نبوه بالحرام
قال لي امدحي الاستاذة الكرام
بعدين عندها بت يقولولة عرفة
قالوا مشت لي اللعب مجودة المداحة ما غنت لها ساعة غنت لي البنات . كانت قاعدي تقطع الغنا والمديح. هي مشت الحج. البت جات حدثت امها ساعة جات من الحج قالت لها :يا يمة ما شفتي مجودة في اللعب ما نادتني من دون بنات الحلي . شان انتي سافرتي . تغني للبنات ما غنت لي . قالوا غنت لها قالت لها:
كتا قايلاك بتا في الحقيقة
وكتا قايلاك اختا في الطريقة
انتي ماب تطري الشمس ساعة الشريقة
لي مكيليف الختم شيخ الطريقة
التحت عبد السلام ساعة المريقة
قالوا عبد سيدي ساعة سيدي احمد اتزوج بت ست عيش قام ركبوه فرسة والناس قايلنو ده سيدي باروهو وصلوهو العرس. العريس جا بالدس وعبد السلام ده مباراتنو المدحات لامن نزلوا عند الشريفة ستي فاطنة . ماهن عارفنو ده العبد.قابلنو ده سيدي . سيدي حا بالدس دخلوهو في محل شان ما يباروهو الكشيش
والضللة
قامت هي طرت الكلام ده قالت لها :
لي مكيليف الختم سيد الطريقة
التحت عبد السلام ساعة المريقة
يعني عنده كلام زي الرصاص
تاني ماكن عارفات منها شئ؟
قالت :
علينا الحلا بالصيلون
حباب اسد الله ريس الكون
جاهك يا مليح اللون
جامع الصاح مع المجنون
وبابك دائما مشحون
وسدرك حاوي كل فنون
وشرفك حاشا مو صابون
لو زيت لو دقيق موزون

علينا البي الصوالين مر
خبيرنا اللي الطريق وصل
وبحرنا اللي الجسر كسر
ساعة جيت في اب حمد خبر
فرحنا وحيلنا اتبشر
هم كتار ما عندهن حد.
تاني عارفات شئ؟
ست نور من نور
ست نور من نور يا العالي قدرك
جنانة الرحمن مالنبو سدرك
تاني ... ستي فاطنة ام نور
ست فاطمة ام نور نبوية ذاتا
وتفاحة الجنات والدي ابهاتا
قالوا الرسول ساعة ناجي ادوهو تفاحة من الجنة قالولو دي سميها فاطنة.يعني اداهو الله ..دفعا لي.
الله جا اداهو بتو دي . فاطمة الزهرا.
قالت:
ست فاطمة ام نور نبوية ذاتا
وتفاحة الجنات والدي ابهاتا
سموها علي ستي فاطنة بت الرسول الوالدي ابات ستي فاطنة بت سيدي الحسن.
تاني ما عندكن اي شئ عنها؟
ايي ..عندنا .
هو مديحه ما عندو حد .
المديح الكبار حق الختمية ده ما عندها منو شئ ؟
عندها.
مادحي للرسول مديحا ما عندو حد.
الرسول قالت فيهو شنو؟
والله مانا حافظنو.
لكن مادحي للرسول.
مادحي للرسول كتير.
بتد مسيكابي نرجع لها هي كانت قاعدي تمدح براها واللاه القاعدين يمدحوله منن؟
قاعدي تمدح براها
تمدح بي صوتا
في زول حفظ لها شئ . عارفين؟
كتير.
عند منو؟
مانا عارفين.
اخر زول منو؟
بلانا!!
اسع الفي قوز هندي منو الحافظ لها؟
ما في...... انا وعاشا
بس..؟
نحنا ذاتنا مانا شايفنها
__________________

من مواضيعي :

توقيع :


إنْ كُنْتَ تَذْهَبُ لِلرَدَى أذْهَبْ فَإنَّ العُمْرَ مَسْطُورٌ عَلَى كَفِّ الْقَدَرْ. وإِذَاْ رَأَيْتَ اَلْكَوْنَ مَشْدُوْداً إِلَيْكَ فَلا تَخَفْ وَإِيْقِنْ بِأَنَّ اَلْفَلْقَ يُخْرِجُ نَبْتَهُ قَذْفَاً كَمَاْ يَأْتِيِ اَلْبَشَرْ.

رد مع اقتباس
 
 
 
 
قديم 15-02-10, 10:32 AM   #2
قريرابي ذهبي





بشيرعثمان بشير غير متواجد حالياً

من مواضيعي :
افتراضي رد: صائغة الحروف بنت صائغ الذهب

ما شـــاء الله عليك ياعثمان
ربنا يحفط تراث الوالدتين وهنيئا لك بالناس البركه ديل
ولك التحايا والاحترام

آخر تعديل بشيرعثمان بشير يوم 22-02-10 في 12:32 AM.
  رد مع اقتباس
 
 
 
 
قديم 18-02-10, 06:11 PM   #3
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: صائغة الحروف بنت صائغ الذهب




ست نور البال اجمعي تعالي وتاني ارجعي

ست نور بت بحر الكمال
وبت حسن قيدومة الرجال
الدخل في الف الجلال
الطمع في دينكم حلال

فوق حكيمنا الاسمو مختار
وظفي وزيديهو قنطار
في الوظائف سوي سردار
وفي الجنان يبقى مع بلال

ست مريم جات بي سرع
نازلي بي عند حجر الدرع
حركت محكمة الشرع
والمريض حشتو حش زرع

جاتني ست النبا والتنا
وبت حسن وامنا ستنا
القايمي بي ملك السلطنة
بضعة الشاهد ربنا

ست عيش بت سادات قبا
جوهرة من الام لي الابا
دخلت القرية بمكتبا
ومرقت امها بي العاجبة

جاتني خدراة اللون تمام
بت حسنا القايد الزمام
انا بريد امك يا ام زحام
اللطف حصل السقم قام

جاتني بت محجوب ام عروض
الكرم والشالي والجود
يا بضعة الناجي الوجود
من حضايرك دايري البرود

اسبتالتن جوها الاشراف
اب نفيسة امن اليخاف
الكريم يا الحاجي لطاف
الخليوة تكون اعتكاف

البريق لاح لي السحور
فر قلبي طريت ست نور
بي عدد علمك يا غفور
تمشي من سبعة الي الرسول

ست عيش يا الحضن الحنين
يا جليسة الحور انتي وين
امك الشايلاك بالسنين
انبقت نازري عليك شين

يا بضعة الناجى الوعيد
نحنا ديل لي ذاتك نريد
نازلي بي عند حوش ود حديد
حلت الروضة اخد من ايد

يا بضعة الساكن ام صين
الحكيم كافي علي حنين
ختي بين رابع الوالدين
يبقى في عالي الموازين

لينا يا بت حسن الضريح
لينا اطفي النار الفحيح
العشم في والدك صحيح
وعمك الواقف للبصيح

ست نور بضعة سيد انس
جاتني في كوكبة بي حرس
دخلت المحكمة ام جرس
ومرقت امها من غير حسس



توقيع :


إنْ كُنْتَ تَذْهَبُ لِلرَدَى أذْهَبْ فَإنَّ العُمْرَ مَسْطُورٌ عَلَى كَفِّ الْقَدَرْ. وإِذَاْ رَأَيْتَ اَلْكَوْنَ مَشْدُوْداً إِلَيْكَ فَلا تَخَفْ وَإِيْقِنْ بِأَنَّ اَلْفَلْقَ يُخْرِجُ نَبْتَهُ قَذْفَاً كَمَاْ يَأْتِيِ اَلْبَشَرْ.

  رد مع اقتباس
 
 
 
 
قديم 22-02-10, 12:41 AM   #4
قريرابي ذهبي





بشيرعثمان بشير غير متواجد حالياً

من مواضيعي :
افتراضي رد: صائغة الحروف بنت صائغ الذهب

ب

آخر تعديل بشيرعثمان بشير يوم 23-02-10 في 12:56 PM.
  رد مع اقتباس
 
 
 
 
قديم 22-02-10, 12:47 AM   #5
قريرابي ذهبي





بشيرعثمان بشير غير متواجد حالياً

من مواضيعي :
افتراضي رد: صائغة الحروف بنت صائغ الذهب

حـفظــك ربي بارك الله فيك
وفي كــل ما كتبت اياديـــك

  رد مع اقتباس
 
 
 
 
قديم 02-06-10, 05:22 PM   #6
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: صائغة الحروف بنت صائغ الذهب

شكرا يا بشير على الرد وها هي ادارة المنتدى تخصص مكتبة كاملة لفاطني وعاشا فلهم منا الشكر الجزيل

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »10:39 AM.


Powered by vBulletin® Version 2017
.Copyright ©2000 - 2017, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل