بريق الوحل [ الكاتب : ابو ميسره - آخر الردود : عبد الرحمن (عطبرة) - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     آخر عناقيد جيل الكبار بالقرير [ الكاتب : عمر محمد نور - آخر الردود : عمر محمد نور - ]       »     عُــــدنا ***والعـــــود إن شا... [ الكاتب : احمد عبدالله جقلاب - آخر الردود : بابكر محمد أحمد دفع الله - ]       »     المتواجدون [ الكاتب : درماس - آخر الردود : بابكر محمد أحمد دفع الله - ]       »     دفتر الحضور اليومي [ الكاتب : عبد المنعم عبد الرحيم حضيري - آخر الردود : بابكر محمد أحمد دفع الله - ]       »     اقرأ آية (واحدة) من القرآن الك... [ الكاتب : مجاهد الرفاعى - آخر الردود : يس بابكر الشيخ محمد - ]       »     عبد الوهاب كاره يودع المهندس ا... [ الكاتب : يس بابكر الشيخ محمد - آخر الردود : يس بابكر الشيخ محمد - ]       »     سجلوا دخولكم بالدعاء لي لبني م... [ الكاتب : يس بابكر الشيخ محمد - آخر الردود : يس بابكر الشيخ محمد - ]       »     مـرعـام كأنـه أعـوام !! [ الكاتب : يس بابكر الشيخ محمد - آخر الردود : يس بابكر الشيخ محمد - ]       »     "حــد الريــد" ماتــت ،، و الح... [ الكاتب : يس بابكر الشيخ محمد - آخر الردود : عمر محمد علي ترتوري - ]       »     "سفيرنا بمصر يزور مامان الآن" [ الكاتب : عمر محمد علي ترتوري - آخر الردود : يس بابكر الشيخ محمد - ]       »     في ذمة الله صلاح محمد عثمان [ الكاتب : عبد المنعم عبد الرحيم حضيري - آخر الردود : يس بابكر الشيخ محمد - ]       »     توثيق ندوة حاج الماحي [ الكاتب : محمد يونس - آخر الردود : محمد يونس - ]       »     "عمر ترتورى يكتب : وااا حلالى ... [ الكاتب : عمر محمد علي ترتوري - آخر الردود : عمر محمد علي ترتوري - ]       »     "يااا حليلك يا بلدنا (عمر ترت... [ الكاتب : عمر محمد علي ترتوري - آخر الردود : عمر محمد علي ترتوري - ]       »     اجر وعافية يا ترتوري [ الكاتب : عبد المنعم عبد الرحيم حضيري - آخر الردود : عمر محمد علي ترتوري - ]       »     المختار من خواطر المستشار [ الكاتب : عمر محمد نور - آخر الردود : عمر محمد نور - ]       »     "عمر ترتوري يكتب عن فوز بروف ك... [ الكاتب : عمر محمد علي ترتوري - آخر الردود : عمر محمد علي ترتوري - ]       »     استراحة ما بعد الظهيرة [ الكاتب : أم مؤيد - آخر الردود : ابو ميسره - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > المنتدى الأدبي > مكتبة فاطني وعاشا ( لتوثيق التراث )
 
 

مكتبة فاطني وعاشا ( لتوثيق التراث ) لتوثيق التراث

الإهداءات

إضافة رد
 
أدوات الموضوع انواع عرض الموضوع
 
 
  #1  
قديم 08-09-09, 11:59 AM
الصورة الرمزية عثمان الحليبي
عثمان الحليبي غير متواجد حالياً
قريرابي ذهبي
 





افتراضي من اشعار ود زينوبة ( رواية فاطني وعاشا)


ولد الشاعر محمد عبد الرحمن نعيم في توقلي من اب ينتمي لاسرة المراقيب وأم تنتمي الي الجباراب في رويس قوز هندي. وكان له حق في قوزهندي يقوم بزراعته ويمارس مهنة نساجة الهدوم وقد نصب ساج حرفته في بيوت ساقة طه. واخد ايضا ارض بالتزرعة في ساقة الخبير. وقد نجحت مسرته وتبر لوباه. واغرى ذلك بعض الحِجاب. فعقبوه وهو غايب. وقبوا ما سمحت به غفلة العيون. وود زينوبة ملح مجالس البلد طولا وعرضا. يطعم ويشرك ويحاحي تجاه نفسه زلات الاخرين حتي يتمكن من وضع ختمه علي وجوههم. وهها هم الحجاب قد وقعوا في المحظور وبدأت سجالات الرويس من شعر ود زينوبة.

غارة ليلية على لوبي ود زينوبة:


دبيتكم بالله يا الناس المجانين
الحجاب بالنهار مساكين
وبالليل اتفرسو وسلوا السكاكين
يا اللباسكم في الدلوق وتتكبدوا الدين
عثمان _____ وسوالو مرتين
وبعد مو تمن سواها عضمين

ود يموبة هل يملا ويشيل
ده ود زينوبة عندو نصيص حمير
الجور جور اختك العسف آقصير

ود زينوبة اهلو من المراقيب
عثمان حشى لوباهو اب شخاليب
يا اخوانا آب يخاف الضيب من الضيب


دعوة لاضافة معلومات عن ود زينوبة

من مواضيعي :

توقيع :


إنْ كُنْتَ تَذْهَبُ لِلرَدَى أذْهَبْ فَإنَّ العُمْرَ مَسْطُورٌ عَلَى كَفِّ الْقَدَرْ. وإِذَاْ رَأَيْتَ اَلْكَوْنَ مَشْدُوْداً إِلَيْكَ فَلا تَخَفْ وَإِيْقِنْ بِأَنَّ اَلْفَلْقَ يُخْرِجُ نَبْتَهُ قَذْفَاً كَمَاْ يَأْتِيِ اَلْبَشَرْ.

آخر تعديل عثمان الحليبي يوم 03-06-10 في 11:58 AM.
رد مع اقتباس
 
 
 
 
قديم 08-09-09, 01:55 PM   #2
قريرابي ماسي
 
الصورة الرمزية محمد خليفة حمد محيريق





محمد خليفة حمد محيريق غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

الله الله يا عثمان يا رائع ونشكرك كل الشكر على هذا التوثيق والتعمق فى الطرح والحقيقة أنا شاهدت ودزينوبة رحمه الله وكنت أعرف أنه شاعر لكن للأسف لاأحفظ له شيئا
معرفتى به هو أنه كان جار حبوبتنا جدة بت خوجلى الحيطة بالحيطة وهو من المراقيب وهو عم تبيق ودزينوبة وولده عبد الرحمن المعروف بعبد رحمى وزوجته كانت اسمها أم دومة رحمها الله
وبالمناسبة أنا حتى الآن لاأعرف الفرق بين توقلى والمراقيب وياريت الدينمو يشرح لنا هذه المعانى
وياريت أخى عثمان نسبر غور المجهولين من الشعراء من أجل التوثيق
أمثال سعد أحمد سعد وخليفة محمد سعد الله رحمه الله وياريت تجرى لقاء مع سعد أحمد سعد وتنشره على المنتدى فهو شاعر لايشق له غبار
وللأسف أنا لااحفظ شيئا من شعر خليفة محمد سعدالله ولكن كانت هنالك مساجلات بينه وبين سعد ....خليفة يمثل حى السوق وسعد يمثل القليعة ربما أتذكر منها شيئا وسوف أنشره لكم
مشكور يا عثمان وياريت لو كنت فى القرير تلحقنا بشىء من شعر سعد

  رد مع اقتباس
 
 
 
 
قديم 08-09-09, 10:13 PM   #3
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

كان محمد ود بابكر ود حسين الملقب بالحاج عسول تاجر قوافل بين الشيقية وام درمان عبر بيوضة وفي أحدى السفرات جاب لي مرتو بتد الحسن قويشات عاج من ام درمان وحدث ودزينوبة بيهو عشان يديها تصريح لبس. وكانت النساء لا تلبس دهبها وزينتها مالم يقول فيها شاعر الحي ابيات شعر تعد كتصريح لبس . وان لم تدفع هجاها. فدهب النساء يضاف الي سعره حق الشاعر. ودزينوبة ساعة جا للرويس لقي بتد الحسن تطحن في عيشها. وما يصاحب ذلك من غبار يجب على من تريد الطحين ان تتظارف وتخلع دهبها او عاجها حتى تنتهي. ولكن بتد الحسن كانت لابسي عاجها وتطحن. وكانت المفارقة كبيرة. واحسن لود زينوبة عدم الاهتمام بمال المدح والشروع في الهجاء كونه اعظم قيمة من المال فقام قال:


فرحان العسول حتى الفريق راج
اتلوم معاي الليلي يا الحاج
العاج تستاهلو فرشة وعنقريب ساج
ويستاهلو ولدا ما هو محتاج
ويستاهل فريخة وليدة دراج

****

العاج ستو ماب تندلى في الحر
والعاج ستو ما ساطت عجين كر
هي جات شايل الدريش والعاج مغبر
بتندردق تقع والعاج يتكسر
العاج تستاهلو بت الفي مكاتب الميري ينهر
الساعي المهر في الشايا يصهل

****

العاج تستاهلو البتنهم الدون
المحدري فوقو دق الماحي شيبون
خدرة جلدها الرمان وليمون
ديل البرنسات البطيعولن ولاد جون
الطعامن في العلب شايلنو موزون
الكراسي تماني غير صف الدرابزون

*****


توقيع :


إنْ كُنْتَ تَذْهَبُ لِلرَدَى أذْهَبْ فَإنَّ العُمْرَ مَسْطُورٌ عَلَى كَفِّ الْقَدَرْ. وإِذَاْ رَأَيْتَ اَلْكَوْنَ مَشْدُوْداً إِلَيْكَ فَلا تَخَفْ وَإِيْقِنْ بِأَنَّ اَلْفَلْقَ يُخْرِجُ نَبْتَهُ قَذْفَاً كَمَاْ يَأْتِيِ اَلْبَشَرْ.

  رد مع اقتباس
 
 
 
 
قديم 10-09-09, 04:09 PM   #4
قريرابي ماسي
 
الصورة الرمزية محمد خليفة حمد محيريق





محمد خليفة حمد محيريق غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

رائع أيها الأديب والكاتب عثمان
بارك الله فيك وهذا التوثيق لشاعرنا المرحوم ودزينوبة وسبحان الله أنا كنت أسمع أنه شاعر ولكن لم أسمع الا منك فرجاء أن تواصل فى هذا الاتجاه وبذلك يكون منتدى القرير هو فعلا للقرير ورجاء كذلك أخى عثمان ان تعطينا ردك على رسالتنا السابقة وبخصوص سعد أحمد سعد
عشت يا غالى

  رد مع اقتباس
 
 
 
 
قديم 11-09-09, 02:19 AM   #5
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

ويغني لي واحد كان مشى عرس من حريم قويات كدي كانن قاعدات يقدرن علي الرجال. كانن عندهن بنات سمحات. يقومن يختارن الزول حسب مواصفات دقيقة. وساعة يقع في الشرك يقومن يختن السرج فوق ضهرو. أي كان عنهن عصابة عديل كدي. قام صاحبنا وقع في الشرك لكن الخلاف دب الى الحياة الزوجية. وحصل ما حصل قام ود زينوبة قال:


الدغم جرن كراسيهن علي النيل
كلام احمد كثير ما عندو تفسير
ما سمع قول المعاون والمامير
وشال التختا جر فوق الجنازير

****

بارتة خالتا صاقعاك سي سي
عينك في النجيض ادنك الني
وكت وقع الفسل
قالتلو : انا اش لي

****

انتهي الحال بي احمد وجا علي ود عتمان قال داير اختة فقال له :


****

يدقنك متل ما دقن الن
يمين جلدنو لامن جلدو درن

****


  رد مع اقتباس
 
 
 
 
قديم 11-09-09, 07:12 AM   #6
الإدارة الفنـــية
 
الصورة الرمزية عوض عبدالله طه





عوض عبدالله طه غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

السلام عليكم
......
شكراً يا عثمان لهذا السرد البديع

والتوثيق الجميل

نرجو أن تستمر فيه

  رد مع اقتباس
 
 
 
 
قديم 15-09-09, 01:00 PM   #7
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )



الفكي ود وقيع الله خطبلو واحدي كان عبدالله اخوهو ماخد اختها الكبيري في زعل بيناتن قام طلقها. الفكي ساعة عجبتو السغيري ماشاف وراهو ودخل في الموضوع. وبقى يخمخم ويجيب. لامن كمل العندو. وام البنات هي راس القوم ومحركة اللعب ودزينوبة قال لي امهن دي :

****
يا بت البزوروا ويندهو الناس
خمستاشر جنيه عندك ولا باس
قالت اكلتهن والمولى خلاص

****

وكانت كل الإتفاقات تتم عبر خادمة الام. ساعة الفكي كان غنيان جرت جابتو. وساعة فلس قالتلها اطردي زي ما جبتي:

****

حرشتيها وقلتيلة اطردي
بقى كندوق دخن ما فيه ليك شي
وحاولتنو يا التمساح بلعتي

****

والعتبى علي ود فحل خال الولدين ديل ساعة شافوا داير يدخل في المحل ده مال كانو يقولو الشئ ده صعب عليك وماب تقدر عليهو:

****

مالو ود فحل مامسك ود اختو وصى
البخسر مالو في البحر المتل ده
هو ما شاف سوطة فوق عبد الله جارا
اب مالا بالحوالات قولو وفى


****

آخر تعديل عثمان الحليبي يوم 22-01-10 في 03:21 PM.
  رد مع اقتباس
 
 
 
 
قديم 24-09-09, 05:14 PM   #8
قريرابي ماسي
 
الصورة الرمزية محمد خليفة حمد محيريق





محمد خليفة حمد محيريق غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

عثمان يا رائع واستمر فى هذا التوثيق لشاعرنا ودزينوبة رحمه الله وهذا الرجل يبدو أن شعره من أروع ماكتب ومجهول و لاأحد يتحدث عنه فرجاء وأنا زمان سمعت عنه من حبوبتنا جده رحمها الله وايضا زوجته أم دومة كانت شاعرة وكنت أسمع من الوالدة نعيمة أحمد المامون رحمها الله تردد بعض قصائدها وكانت تحكى لى عنها وتقول .
كان عندهم ولد تاجر كبير فى بورتسودان اسمه أحمد وكان كريما ويصرف عليهم بسخاء
وكانت أم دومة تقولو
ياحبيبى رسلى .....أنا الفى البيت مكشرى... أسد الباب وأسوى الكسرى
تمنت الشاى بقت عشرين ..... وخليناهو للقادرين........ يا حبيبى رسلى
للأسف هذا كل ما أحفظ من شعر أم دومة
طبعا التمنة على ما اعتقد 3 وقيات .. وبقت عشرين يعنى عشرين قرش !!!!!
فبالله رجاء كل من يعرف شيئا من شعر ودزينوبة أو أم دومة وكل المغمورين فيجب الا يحرمنا من ذلك

  رد مع اقتباس
 
 
 
 
قديم 27-09-09, 01:41 PM   #9
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )






***
ود اللدر عرس كمير بت سعيد ود صالح بدون رضا ومشى اشتكى لي ود زينوبة قام ودزينوبة قال :

باقي انا عندي خبر الخلا
والبحر والحوتي في النيل
الخبر جايباهو لي بير الشقاقير
من امات شباك حتى النشاشيل
سمعت الرجة والعرس اب نقاقير
انتي ميزان ود فقير لام العطاطير


****

  رد مع اقتباس
 
 
 
 
قديم 02-10-09, 02:29 PM   #10
قريرابي مميز
 
الصورة الرمزية ناصر البهدير





ناصر البهدير غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

رائع دوما الاستاذ عثمان الحليبي ..
كنز وشلال متدفق من الحكاوي لريف بلادنا
تدهشني كل يوم بامتلاكك لذخيرة ممتعة من الاشعار لناس مضوا بصمت ..
سر في هذا الدرب ..
لك التحايا

آخر تعديل ناصر البهدير يوم 02-10-09 في 02:30 PM.
  رد مع اقتباس
 
 
 
 
قديم 02-10-09, 02:34 PM   #11
قريرابي مميز
 
الصورة الرمزية ناصر البهدير





ناصر البهدير غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

سلامات الحليبي ..
داير تدقش وتدخل الجزيري وتطلع منها شعر ..
للشاعرة .. عائشة بت عبد الحليم

  رد مع اقتباس
 
 
 
 
قديم 10-10-09, 01:33 PM   #12
قريرابي ماسي
 
الصورة الرمزية محمد خليفة حمد محيريق





محمد خليفة حمد محيريق غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

أخى عثمان رجاء واصل هذا البوست الرائع

  رد مع اقتباس
 
 
 
 
قديم 11-10-09, 07:41 AM   #13
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

ود زينوبة يغني لي مريم بت ابراهيم ود زايد:




النقيرة الساقا ود عثمان راويها


من باب بدين الموية ابتجيها


الفاجر الجاير لي منصور وديها


الرسول يا عاشا تمشي تكلميها



يا خدار الحرجل الشافك يتندم


لا جارا يطل لا ايدن ترحم


قبيل ود طه لامن مات يتندم

  رد مع اقتباس
 
 
 
 
قديم 11-10-09, 02:06 PM   #14
قريرابي ماسي
 
الصورة الرمزية محمد خليفة حمد محيريق





محمد خليفة حمد محيريق غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

الله الله انه عملاق زمانه لماذا ينسى هذا الشاعر !!!! يجب علينا نحن أن نبرز شعره ونحييه
انه مادة دسمة لأصحاب المجال !!!! أين الباحثون... واصل يا غالى

  رد مع اقتباس
 
 
 
 
قديم 13-10-09, 09:33 PM   #15
قريرابي مميز
 
الصورة الرمزية خالد حجة





خالد حجة غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

سلام ناس القرير التحية ليكم واحد واحد
اخي عثمان تحية شوق ومحبة
كتر الف خيرك يا الحليبي منتظرين منك المزيد والمزيد ونوعدك بالكتير
ود حجة

  رد مع اقتباس
 
 
 
 
قديم 14-10-09, 10:21 AM   #16
مشرف المنتدى الاسلامي
 
الصورة الرمزية سيف الدين محمد الامين





سيف الدين محمد الامين غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

شكراً ود الحليبي ، والحقيقة نزل هذا البوست عليّ برداً وسلاماً إذ كنت أبحث عن نماذج لشعر ود زينوبة منذ فترة ولم أجدها وقد كفاني هذا البوست شر البحث ، لذا آمل أن تواصل فيه الى اقصى حد ممكن


توقيع :

[ كل ابن أنثى وإن طالت سلامتُهُ * يوماً على آلةٍ حدباءَ محمولُ ]
  رد مع اقتباس
 
 
 
 
قديم 22-01-10, 03:28 PM   #17
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

الاخ خالد حجة
بلا شك ان اسركم جميعها لديها شئ من اشعار ود زينوبة بعدما قال هذه الابيات:

دبيتكم بالله يا الناس المجانين
الحجاب بالنهار مساكين
وبالليل اتفرسو وسلوا السكاكين
يا اللباسكم في الدلوق وتتكبدوا الدين


وان اثق في وعدك بعد داك دايرك تجيب شعر حبوبتك فاطني بت الخبير:
القصيرات لا يخودن
وبنات الناس يسافرن فوق عروضن
ويشيلن فوق تقل ويطرن جدودن

  رد مع اقتباس
 
 
 
 
قديم 24-01-10, 11:21 AM   #18
قريرابي ماسي
 
الصورة الرمزية محمد خليفة حمد محيريق





محمد خليفة حمد محيريق غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

كلام سمح يمس الشغاف ويحتاج للتوثيق والتثبيت حتى لايضيع
بارك الله فيك أيها الفتى الهمام

  رد مع اقتباس
 
 
 
 
قديم 17-02-10, 12:38 PM   #19
قريرابي نشط
 
الصورة الرمزية مروان حسين





مروان حسين غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

اقتباس:
المشاركة الأصلية كتبت بواسطة محمد خليفة حمد محيريق مشاهدة المشاركة
الله الله يا عثمان يا رائع ونشكرك كل الشكر على هذا التوثيق والتعمق فى الطرح والحقيقة أنا شاهدت ودزينوبة رحمه الله وكنت أعرف أنه شاعر لكن للأسف لاأحفظ له شيئا
معرفتى به هو أنه كان جار حبوبتنا جدة بت خوجلى الحيطة بالحيطة وهو من المراقيب وهو عم تبيق ودزينوبة وولده عبد الرحمن المعروف بعبد رحمى وزوجته كانت اسمها أم دومة رحمها الله
وبالمناسبة أنا حتى الآن لاأعرف الفرق بين توقلى والمراقيب وياريت الدينمو يشرح لنا هذه المعانى
وياريت أخى عثمان نسبر غور المجهولين من الشعراء من أجل التوثيق
أمثال سعد أحمد سعد وخليفة محمد سعد الله رحمه الله وياريت تجرى لقاء مع سعد أحمد سعد وتنشره على المنتدى فهو شاعر لايشق له غبار
وللأسف أنا لااحفظ شيئا من شعر خليفة محمد سعدالله ولكن كانت هنالك مساجلات بينه وبين سعد ....خليفة يمثل حى السوق وسعد يمثل القليعة ربما أتذكر منها شيئا وسوف أنشره لكم
مشكور يا عثمان وياريت لو كنت فى القرير تلحقنا بشىء من شعر سعد




الاخوان المهتمين بشعر جدنا ودزينوبة لكم الحب والشكر والتقدير
واسمحوا لي شاكرين على تصحيح بعض ماورد في رد أخونا محمد ودنعيمة

( ودزينوبة هو محمد عبد الرحمن نعيم وزوجته ليست أم دومة بل خادم الله بت
أحمد أخت حمد سعيد وخالة التمتام وكل الترياب ووالد تبيق وعبد الرحمن نعيم
( الجعران) ) ولنا لقاء في عرض بض أشعاره

حسين أحد احفاد الشاعر


توقيع :

الشمس تطلع في القرير ... لما تغرب تستأذنا
ماهي راضي تفوت الخدار .. الا بس حكمة ربنا
  رد مع اقتباس
 
 
 
 
قديم 28-02-10, 05:07 PM   #20
قريرابي ذهبي
 
الصورة الرمزية عثمان الحليبي





عثمان الحليبي غير متواجد حالياً

من مواضيعي :
افتراضي رد: من اشعار ود زينوبة ( دعوة للتوثيق )

----------------------------------------------------------------------------------------------------------

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »10:40 AM.


Powered by vBulletin® Version 2017
.Copyright ©2000 - 2017, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل