مين تانى اليغنى غنانا فى النقع... [ الكاتب : عمر محمد علي ترتوري - آخر الردود : عمر محمد علي ترتوري - ]       »     ماليزيا [ الكاتب : احمد محمد صالح بادي - آخر الردود : احمد محمد صالح بادي - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     المنتدى يا حليلو [ الكاتب : احمد محمد صالح بادي - آخر الردود : احمد محمد صالح بادي - ]       »     بعدما كنا نتصدق بالاكل جرينا خ... [ الكاتب : احمد محمد صالح بادي - آخر الردود : احمد محمد صالح بادي - ]       »     نفّـــــــاج: [ الكاتب : عمر محمد نور - آخر الردود : عمر محمد نور - ]       »     رحل مامان [ الكاتب : سيف الدين محمد الامين - آخر الردود : سيف الدين محمد الامين - ]       »     مصر درب الساقي [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     رحماك ولطفك ربى بالسودان، الكا... [ الكاتب : احمد محمد صالح بادي - آخر الردود : احمد محمد صالح بادي - ]       »     قالوا تكوس في الغرق تلقى المطف... [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     لا لأكياس البلاستيك .. ونعم لل... [ الكاتب : علي محمد أحمد (أبورنس) - آخر الردود : عبد المنعم عبد الرحيم حضيري - ]       »     ما كتب عن الراحل المقيم مامان [ الكاتب : عبد المنعم عبد الرحيم حضيري - آخر الردود : عمر محمد نور - ]       »     "زينه وعاجباني مع تحيات عمر تر... [ الكاتب : عمر محمد علي ترتوري - آخر الردود : عمر محمد علي ترتوري - ]       »     أحلام و حطام [ الكاتب : ودسوار - آخر الردود : عبد الرحمن (عطبرة) - ]       »     مالك ديمه صارِّيْ الوَّشْ؟! مش... [ الكاتب : احمد محمد صالح بادي - آخر الردود : احمد محمد صالح بادي - ]       »     وا مغستي على الجيران...، وا شر... [ الكاتب : احمد محمد صالح بادي - آخر الردود : احمد محمد صالح بادي - ]       »     ما الذي تريده مصر من السودان [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     فى حسيب رقيب علينا، من رقبتنا ... [ الكاتب : احمد محمد صالح بادي - آخر الردود : احمد محمد صالح بادي - ]       »     أوعى تكبْ الموْيهْ فوق طين، وق... [ الكاتب : احمد محمد صالح بادي - آخر الردود : احمد محمد صالح بادي - ]       »     تأمّلات.. [ الكاتب : عمر محمد نور - آخر الردود : عمر محمد نور - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > المنتدى الأدبي > مكتبة / عبد المنعم عبد الرحيم حضيري
 
 

الإهداءات

إضافة رد
 
أدوات الموضوع انواع عرض الموضوع
 
 
قديم 24-03-11, 09:39 AM   #21
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: السنجك

اقتباس:
المشاركة الأصلية كتبت بواسطة عبد الرحمن (عطبرة) مشاهدة المشاركة
سلام حبيبنا عبد المنعم الزعيم
و تاني سلام ياخ
تعرف لما ألقى موضوع عن القبائل و أصلها و فصلها بكون مبسوط كدا لما بيغادي
و الله فشيتني و نرجو الزيادة و يا ريت بعد ما تستفيض في موضوع الشايقية
كمان تقبل لي على أهلنا البديرية في الشمال و الغرب و نشوف العلاقة شنو
أتمنى أن اجد عندك مرجع ليهم
و تاني بقول موضوع له طعم ساحر

كسرة::
خايف بعد شوية تطالب بالانفصال و رح تطلع بي مزعة كبيرة خلاص
كمان شايفك في حتة كدا جبت سيرة الأرانب ولا أرنبو ما عارف
ايوااا أرنابي ..ده منينا ولا كيف؟؟
عاطر التحايا يا جميل

لوكو صبر

أرنبو الغالي

تحياتي وأشواقي

جاييك للبديرية ناس مملكة الدفار (يا ربي سمعت بالإسم دا) وباقي القبائل الأخرى التي تداخلت مع الشايقية

بس شوية كدة

التاريخ يا حبيب داير تقصي وإستقصاء وطولة بال الله يدينا ليها

أما ارنابي واسطة العقد في سلسلة الملك عبود السورابي فأكيد إنك من (اسقو) يا ربي دي بتعرفا كمان. والله إستعرض فيكم جنس إستعراض ههههها. لأن ارنبو دي ما جات صدفة. وود يونس بيكون شماها شم.

مروروك يعطر كل بوست تضع بصمتك عليه

مشكور


توقيع :
إذا فتحــت أبواب خيــر فأقبلــوا
موائــد أهــل الله خيــر الموائــــد

*******************
  رد مع اقتباس
 
 
 
 
قديم 24-03-11, 09:50 AM   #22
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: السنجك

اقتباس:
المشاركة الأصلية كتبت بواسطة عمر الشيخ محمد حسن مشاهدة المشاركة
لكم التحية والتقدير أخى عبد المنعم ومشكور على هذه المعلومات القيمة والمُفيدة عن الشايقية عامةً وأهلنا وجدودنا السورآب خاصةً فقد كان لهم تاريخ مُشرف حافل بالبطولة والتضحية وحُق لنا أن نعتز ونفخر به وبهم والناس البيكتبوا فى المنتديات ديل وماعارفين حقائق التاريخ وبيشككوا فى تاريخ الشايقية بس لأنهم حاسدنهم وبيغيروا منهم لأنو ببساطة الشايقية كما قال الشاعر أبوفرآس الحمدآنى :

هم أنـاس لا توسـط عندهم لهم الصدر دون العالـمين أو القبر
تـهون عليهم في المعالي نفوسهم ومن يخطب الحسناء لم يغله المهر


... لو ماعاجبهم اليشربوا من البحر ...

وديل أهلى البقيف فى الدآرة وسط الدآرة وأتنبر وأقول للدنيا كل الدنيا ديل أهلى

تقبل مرورى مع تحياتى للأسرة الكريمة .

مشكور أخونا الأستاذ عمر

ما دام ظهرت فالأمور أكيد تمام وطمأنتنا عليكم وربنا يحفظكم من كل شر.

الشايقية لو لا تفردهم وتميزهم الواضح الذي لا ينكره إلا مكابر لما تطاول عليهم غيرهم محاولين النيل من هذا الشموخ بترويج كل ما هو سمج وممجوج عنهم. ونحن نتمثل بقول الشاعر:

كن كالنخيل عن الأحقاد مرتفعاً... بالطوب يرمى فيلقي أطيب الثمر

ولو لم يكن لهم هذا التمييز والتفرد لما إلتفت إليهم أحد.

وفعلاً اهم ما يميز الشخصية الشايقية أنهم:

أناس لا توسط بينهم ...لهم الصدارة دون العالمين أو القبر

هل تعلم يا عمر أن الشايقية ولحبهم الكبير للرئاسة والقيادة أن الإخوة في البيت إذا كانوا إثنين يهاجر أحدهم ليترك الرئاسة لأخيه ويذهب هو إلى مكان آخر ليقود ويرأس الناس فيه. اليست هذه عبقرية لم يفطن لها من يحاولون إنقاص قدرهم زوراً وبهتاناً.

وخليهم يشربوا من البحر كما قلت.

تحياتي لك ولأسرتك الكريمة ولكل الإخوة معكم

  رد مع اقتباس
 
 
 
 
قديم 24-03-11, 09:54 AM   #23
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: السنجك

اقتباس:
المشاركة الأصلية كتبت بواسطة محمود علي (ابو مكارم) مشاهدة المشاركة
السلام عليكم ورحمة الله وبركاته

اي والله دايرين نعرف الرابط بين كل اهل القرير

بإذن الله يا ود علي

بس الحكاية دايرالا تجميع معلومات أنا افتقر لها حالياً

تحياتي لك

  رد مع اقتباس
 
 
 
 
قديم 24-03-11, 10:36 AM   #24
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: السنجك

اقتباس:
المشاركة الأصلية كتبت بواسطة محمد احمد التويم مشاهدة المشاركة
لك الشكر الجزيل علي هذه المعلومات الثرة ومزيدا منها لتعم الفائدة وبالمناسبة دي عندي ولدي طبعا مرتب في كسلا وكسلا كما تعرف بها الكثير من الارتريين ولانه مغرم جدا باغاني الشايقية ويفتخر بها لدي اصحابه واقرانه لذلك سمي وسطهم "بالسنجك " لكن المفارقة انه عندما يذهب للقرير يسمي بالحبشي

بالنسبة للتسمية بالسنجك أخي محمد

كثير من الشايقية في مناطق السودان المختلفة تسموا بها بل أنها طغت على اسمائهم الأصلية.

تحياتي

  رد مع اقتباس
 
 
 
 
قديم 24-03-11, 11:57 AM   #25
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: السنجك

اقتباس:
المشاركة الأصلية كتبت بواسطة عبد الرحمن (عطبرة) مشاهدة المشاركة
سلام حبيبنا عبد المنعم الزعيم
و تاني سلام ياخ
تعرف لما ألقى موضوع عن القبائل و أصلها و فصلها بكون مبسوط كدا لما بيغادي
و الله فشيتني و نرجو الزيادة و يا ريت بعد ما تستفيض في موضوع الشايقية
كمان تقبل لي على أهلنا البديرية في الشمال و الغرب و نشوف العلاقة شنو
أتمنى أن اجد عندك مرجع ليهم
و تاني بقول موضوع له طعم ساحر

كسرة::
خايف بعد شوية تطالب بالانفصال و رح تطلع بي مزعة كبيرة خلاص
كمان شايفك في حتة كدا جبت سيرة الأرانب ولا أرنبو ما عارف
ايوااا أرنابي ..ده منينا ولا كيف؟؟
عاطر التحايا يا جميل


أرنبو

أفتح طرفك



6/
مملكة الدفار
:


كما سبق أن ذكرنا أن ممالك الشايقية أربع ممالك بالإضافةإلى مشيخة السوراب هذه هي إدارات الشايقية التي قامت في منطقة مروي والمملكة السادسه في منطقة مروي هي مملكة الدفار وتقع في الجزء الشمالي من المنطقة وتمتد من الباسا غرباً والأراك شرقاً وجنوباً وحتى دنقلا العجوز والغابة شمالاً وهي مملكةالبديرية الدهمشية ومؤسسها هو السيد بدير بن سامر (سمير) بن مسمار بن سرار.

ويقال إن كلمة دُقَار مشتقه من كلمة دفرة وهو نبات غزير من فصيلةالنجيلة كان ينمو في هذه المنطقة ، وقد كانت حاضرة المملكه هي بلد الدفار . ثمإمتدت إلى بلدة أبكر وقد تشابكت الحضارتان عمرانياً وصارت مدينه واحده هي عاصمةالمملكه . وقد أنجب السيد بدير أربعة أولاد ثلاثه منهم ذريتهم منتشره في أقاليم السودان المختلفه خاصة كردفان أما الإبن الأصغر هو محمد دهمش بن بدير الذي بويعب الخلافه وقد سميَّ دهمش لأنه كان ذو جذبة روحانيه .

وجاء في كتاب الصحائح التاريخيه من العهود الدفارية إنه تزوج بنت السيدغلام الله الحسينى . وأنجبت له إبنه صلاح والذي يعرف بسالا وهي كلمة نوبيه معناهاصلاح وعندما توفي السيد محمد دهمش دفن بالقرب من دنقلا العجوز . وتولى الخلافة من بعده إبنه صلاح ، وبعد وفاته بويع بالخلافه إبنه محمد ثم بويع من بعده الملك موسىالأكبر ثم بويع من بعده السيد صلاح ثم بويع من بعده السيد أرباب نصر الله ثم بويع من بعده إبنه السيد أبيض ثم بويع من بعده إبنه السيد حماد ثم بويع من بعده إبنه السيد محمد الأمين . ثم بويع من بعده إبنه موسى الأصغر وكان للسيد موسى الأصغر خمسة أولاد هم السيد عابد والسيد شاطر والسيد سعد والسيد أسد والسيد حماد الملقب بضريس وإنتهت الدولة الدفارية في القرن التاسع الهجري ولم يبقى إلا نحاسها الذي مازال عندذرية السيد حماد .


جماجم كورتي

للشاعر / محمد بادي


جماجم كورتي فوق رأس الجبل بتشابي ماعرفت رقاد

وكل عضم شرب من دمه بتق حزمة ، من خيرةالولاد

لهيب الشوق على الجنيات مع التركاوي يوم هبرالزناد

البارود عبق برقن سيوف العزة والدق كان سداد

نقر النحاس والخيل صهيلن سّمع الناس البعاد

دفر ولاد شايق بروق سوداننا كانو زمانه فوق صدرالبلاد

الباشا لم أعوانه فوق البرج إتلفت متل فرق الجراد

فتحو المدافع والدخاخين إترخت شربت جبال كورتي السواد

مرقت مهيرة مع الصباح تشبه شمس الميعاد

نضمت حديث إتباشروبوا أخوانها حالاً شبو فوق سرج الجواد

غلي فيهم الدم القديم الصيحة جات الله أكبر يا جهاد

رقصت خيولن فوق لهيب النار صاح الباشا قال : ماهن شداد

والحربة تهرد في حشا الترك القلاد

شاقوني ساعة جلبو النفوس والموت شراهم جملة ما خبر العداد

شاقوني ساعة كتبو التواريخ بالدم العباسي وآ ،مآساتي

أكتب في التواريخ بالمداد



النص به أخطاء كثيرة (القصيدة) وهي غير موجودة بمكتبة ود بادي رجاءاً إذا كانت عند أي واحد ينزلا هنا

مشكورين

  رد مع اقتباس
 
 
 
 
قديم 25-03-11, 12:14 AM   #26
مشرف المنتدى الاسلامي
 
الصورة الرمزية سيف الدين محمد الامين





سيف الدين محمد الامين غير متواجد حالياً

من مواضيعي :
افتراضي رد: السنجك

معلومات توثيقية قيمة اخي عبد المنعم تستحق تثبيتها بقسم التوثيق بالمنتدى ،، تُشكر على هذا المجهود


توقيع :

[ كل ابن أنثى وإن طالت سلامتُهُ * يوماً على آلةٍ حدباءَ محمولُ ]
  رد مع اقتباس
 
 
 
 
قديم 26-03-11, 09:15 AM   #27
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: السنجك

اقتباس:
المشاركة الأصلية كتبت بواسطة سيف الدين محمد الامين مشاهدة المشاركة
معلومات توثيقية قيمة اخي عبد المنعم تستحق تثبيتها بقسم التوثيق بالمنتدى ،، تُشكر على هذا المجهود


مشكور شاعرنا الكبير سيف الدين

نرجو أن نكون قد قدمنا ما يفيد

ونسأل الله العون لإكمال التوثيق لقبيلة الشايقية عموماً وقبائل القرير على وجه الخصوص حتى تعم الفائدة.

تحياتي

  رد مع اقتباس
 
 
 
 
قديم 26-03-11, 10:56 AM   #28
قريرابي مميز
 
الصورة الرمزية ودسوار





ودسوار غير متواجد حالياً

من مواضيعي :
افتراضي رد: السنجك

أخونا المبدع : عبدالمنعم عبدالرحيم جزاك الله خير علي هذه الإيضاحات ، أنا عندي فكرة أوثق لأجدادي أولاد نصر السوراب انشاء الله تساعدني في الكلام ده


توقيع :
  رد مع اقتباس
 
 
 
 
قديم 26-03-11, 11:53 AM   #29
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: السنجك

اقتباس:
المشاركة الأصلية كتبت بواسطة ودسوار مشاهدة المشاركة
أخونا المبدع : عبدالمنعم عبدالرحيم جزاك الله خير علي هذه الإيضاحات ، أنا عندي فكرة أوثق لأجدادي أولاد نصر السوراب انشاء الله تساعدني في الكلام ده


البوست دا إنت المفروض ما تمرق منو وتمدنا بكل معلومة متوفرة لديك عن السوراب ولو ركزت لينا على عمك فاضل وقصصو الكثيرة المثيرة يكون كتر خيرك.

وأنا ما بقصر معاك إنت بس أبدا

تحياتي

  رد مع اقتباس
 
 
 
 
قديم 04-04-11, 10:44 AM   #30
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: السنجك

[color="Blue"]مواصلة لما إنقطع من حديث حول التوثيق لقبيلة الشايقية في هذا البوست الذي إخترنا له إسم السنجك نقدم لكم اهلي الكرام هذا التوثيق لبيوتات الشايقية خارج منطقة الشايقية كدلالة على عراقة وريادة هذه القبيلة وللتأكيد على أن حب القيادة والرئاسة متجذر في جيناتهم وبالتالي فأين ما حلوا كانوا سادة وقادة للناس.

(المصدر نفسه)


اماالبيوتات الادارية خارج المنطقة في شتي بقاع السودان تمثلت في :



1/ الشيخ صالح ادريس المك والذي كان يحكم المنطقة من الحلفايا الي حجر العسل . وابنه عبيد صالح اشترك في ثورة 1924م ضمن ثوار اللواء الابيض . ووالدته ست البنات بنت الملك شاويش .

2/ ابو رنات عمدة مدينة النهود واحياء الشايقية بالنهود هي:

أ/ ود عكود . ب/ الكرسناب . ج/ ابورنات .

د/ حي خشم الموس . هـ/حي منصور .


3/ بشير جار النبي مأمور الدبيبة .

4/ منعم منصور ناظر الحمر .[/

COLOR]5/ الكرسني سلطان في جنوب دارفور .

والشايقية السوراب لهم دور بارز في تاريخ السودان الحديث حيث انهم لم ينقادوا بل كانوا قوادا وفي مقدمة الصفوف بعد انتقالهم من منطقة مروي الي منطقة الجعليين ، ومنهم :

1/ محمد علي بليلو وامه الحمراء بت عبود .

2/ العمدة احمد ود بليلو .

3/ احمد ود عبود وامه بت كرتي من السوراب الكفونجة .

4/ العمدة ود بادي عمدة شندي من العكوداب .

5/ من عكوداب القرير المربي الاستاذ الدكتور سيد احمد عبد الهادي .

6/ قتل الشيخ محمد ود عبود في موقعة كولمبو بالحدود الحبشية .

7/ خُرُسِن ود عبود استشهد في موقعة كورتي وأسرته بقندتو .

8/ الزراقنة بحجر العسل والقرير والعكوداب من شجرة وصيف .

9/ العناناب من ابناء نمر ود سوار ومنهم الفارس المشهور عمر ترحو حاكم منطقة دارفور في أواخر التركية وقد قتل في المهدية قال الشاعر يمدحه :



من حجر العسل لاعــند مقــــابل الـــبرنو

ابــواتك رتـــوتا في المحاصــة بحــــرنو

تور بقـــــر الجوامـــيس البشــيل بقرنو

عمر صاقعة السمآء يات من تصادفو تدرنو


(يا ريت واحد يدينا معلومة عن علاقة هذا الفارس (عمر ترحو) وبعائلة ود ترحو في القرير)

10/ ناصر ود المكي آخر عمدة من اسرة السوراب في بلدة مويس .(لا ادري أين تقع)

11/ ابو الفيض ود الشيخ فضل الله من رجالات الطريقة التجانية .

12/ عكود ود محمد ود الشيخ احمد ود عبود آخر عمدة علي بلدة كلي .

13/ العمدة الطاهر ود الشيخ العباس ود الشيخ احمد الهدي عمدة السوراب الرحل .

14/ العمدة بشير نصر عمدة الحلفاية . 0والد حسن بشير نصر (الرجل الثاني في نظام الرئيس إبراهيم عبود السورابي أيضاً كما ذكرنا أعلا هذا البوست.


وسنلتقي معكم بإذن الله للتوثيق لباقي ممالك الشايقية الخمسة داخل منطقة الشايقية وقد سبق أن وثقنا لمشيخة السوراب ومملكة الدفار (البديرية) ودا كان بطلب من أخونا عبد الرحمن عطبرة.

تحياتي.

  رد مع اقتباس
 
 
 
 
قديم 04-04-11, 11:04 AM   #31
قريرابي ذهبي
 
الصورة الرمزية يس بابكر الشيخ





يس بابكر الشيخ غير متواجد حالياً

من مواضيعي :
افتراضي رد: السنجك

اسمح لي ابدي اعجابي بقلمك وتميزك واسلوبك الراقي وتالقك


مشكوووووور والله يعطيك الف عافيه يا ود حضيري


توقيع :
كانت لبنى الخير الكافي ** دايرة تشوف الكل متعافي
لبنى الخير ما قلبها صافي ** جاها سريع الأمر الخافي
تم اليوم لكن ما تخافي ** لــبنى لانــكـ زيــكـ مــافــــي
  رد مع اقتباس
 
 
 
 
قديم 04-04-11, 11:36 AM   #32
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: السنجك

اقتباس:
المشاركة الأصلية كتبت بواسطة يس بابكر الشيخ محمد مشاهدة المشاركة
اسمح لي ابدي اعجابي بقلمك وتميزك واسلوبك الراقي وتالقك


مشكوووووور والله يعطيك الف عافيه يا ود حضيري

مشكور أيها الشبل الغضنفر

تحياتي

  رد مع اقتباس
 
 
 
 
قديم 05-04-11, 11:04 AM   #33
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: السنجك

كما أسلفت فقد تم التوثيق لمشيخة السوراب ومملكة الدفار البيرية

وهذه هي بقية ممالك الشايقية

(نفس المصدر)




ممالك الشايقية



بعد أن إستقر الشايقية في منطقة مروي وانتشروا على طول إمتدادها وسيطروا على سكانها الأصليين كونوا أربع ممالك ومشيخه بالإضافة إلى مملكة الدفار .

1
/ مملكة حنك :
وقد تعاقب عليها ملوك الحنكاب من سلالة يوسف بن الملك صالح بن محمد كدنقا وأشهرهم الملك صبير . وتمتد مملكة حنك من الزومة جنوباً إلى جبل الضيقه (جبل أبنعوف) شمالاً بالضفة الشرقية للنيل ومن الباسا« شمالاً إلى الكري جنوباً على الضفة الغربية للنيل وتشمل الأراك والحجير والمقل والبخيت والمحفور وحزيمة (وهي عاصمة المملكة) ومقاشي والزومة والباسا وأوسلي ومساوي والقرير والكنيسه والكري .

2/ مملكة كجبي :

وتبعد سبعة أميال أعلى النهر من مملكة حنك . وتشمل الدتي والكرو وكجبي (هي العاصمة) وأشهر ملوكها هو مدني الشهير بمدينا . وله برج عالي كان يستعمله لمراقبة الأعداء .

3/ مملكة العدلناب :

وتمتد من الطريف شمالاً وحتى الكاسنجر جنوباً على الضفة الشرقية للنيل ومن تنقاسي شمالاً حتى التكر جنوباً على الضفة الغربية للنيل وتضم الطريف ، مروي شرق ، عسوم ، شبا ، البركل ، كريمة ، جريف الحامداب ، الكاسنجر ، التكر ، نوري ، دويم ودحاج ، مروي ، أبودوم ، الدبيبه ، تنقاسي ، أبورنات وعاصمة المملكة هي مروي شرق .

4/ مملكة العامراب :

ويطلق عليها أحياناً مملكة العمراب وتقع في منطقة الشلال الرابع أي منطقة أمري حالياً وتشمل دوم القوقاز والزورا ، بالقرب من الشلال الرابع (وعاصمة المملكة هي أمري) .

ومملكة العامراب عبارة عن منطقة صخرية ويعيش الناس في الجزر المنتشرة في المنطقة ويعتمدون على الزراعة في الجروف وأطراف الجزر الغير صخرية وقد أسس هذه المملكة الملك حمد ود عمارة ود الملك صالح ود محمد كدنقا وحمد هذا يعرف بحمد ود العزله وقد تعاقب عليها أحفاده ومن أشهرهم الملك عثمان ود حمد المشهور الذي تمرد على العبدلاب وحاربهم ونال إستقلاله من مملكة الفونج وتعتبر مملكة العامراب من أول ممالك الشايقية إستقلالاً من مملكة الفونج وهي النواة لإستقلال بقية الممالك .

  رد مع اقتباس
 
 
 
 
قديم 06-04-11, 02:00 PM   #34
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: السنجك

اقتباس:
المشاركة الأصلية كتبت بواسطة عبد المنعم عبد الرحيم حضيري مشاهدة المشاركة
أرنبو

أفتح طرفك



6/
مملكة الدفار
:


كما سبق أن ذكرنا أن ممالك الشايقية أربع ممالك بالإضافةإلى مشيخة السوراب هذه هي إدارات الشايقية التي قامت في منطقة مروي والمملكة السادسه في منطقة مروي هي مملكة الدفار وتقع في الجزء الشمالي من المنطقة وتمتد من الباسا غرباً والأراك شرقاً وجنوباً وحتى دنقلا العجوز والغابة شمالاً وهي مملكةالبديرية الدهمشية ومؤسسها هو السيد بدير بن سامر (سمير) بن مسمار بن سرار.

ويقال إن كلمة دُقَار مشتقه من كلمة دفرة وهو نبات غزير من فصيلةالنجيلة كان ينمو في هذه المنطقة ، وقد كانت حاضرة المملكه هي بلد الدفار . ثمإمتدت إلى بلدة أبكر وقد تشابكت الحضارتان عمرانياً وصارت مدينه واحده هي عاصمةالمملكه . وقد أنجب السيد بدير أربعة أولاد ثلاثه منهم ذريتهم منتشره في أقاليم السودان المختلفه خاصة كردفان أما الإبن الأصغر هو محمد دهمش بن بدير الذي بويعب الخلافه وقد سميَّ دهمش لأنه كان ذو جذبة روحانيه .

وجاء في كتاب الصحائح التاريخيه من العهود الدفارية إنه تزوج بنت السيدغلام الله الحسينى . وأنجبت له إبنه صلاح والذي يعرف بسالا وهي كلمة نوبيه معناهاصلاح وعندما توفي السيد محمد دهمش دفن بالقرب من دنقلا العجوز . وتولى الخلافة من بعده إبنه صلاح ، وبعد وفاته بويع بالخلافه إبنه محمد ثم بويع من بعده الملك موسىالأكبر ثم بويع من بعده السيد صلاح ثم بويع من بعده السيد أرباب نصر الله ثم بويع من بعده إبنه السيد أبيض ثم بويع من بعده إبنه السيد حماد ثم بويع من بعده إبنه السيد محمد الأمين . ثم بويع من بعده إبنه موسى الأصغر وكان للسيد موسى الأصغر خمسة أولاد هم السيد عابد والسيد شاطر والسيد سعد والسيد أسد والسيد حماد الملقب بضريس وإنتهت الدولة الدفارية في القرن التاسع الهجري ولم يبقى إلا نحاسها الذي مازال عندذرية السيد حماد .


جماجم كورتي

للشاعر / محمد بادي


جماجم كورتي فوق رأس الجبل بتشابي ماعرفت رقاد

وكل عضم شرب من دمه بتق حزمة ، من خيرةالولاد

لهيب الشوق على الجنيات مع التركاوي يوم هبرالزناد

البارود عبق برقن سيوف العزة والدق كان سداد

نقر النحاس والخيل صهيلن سّمع الناس البعاد

دفر ولاد شايق بروق سوداننا كانو زمانه فوق صدرالبلاد

الباشا لم أعوانه فوق البرج إتلفت متل فرق الجراد

فتحو المدافع والدخاخين إترخت شربت جبال كورتي السواد

مرقت مهيرة مع الصباح تشبه شمس الميعاد

نضمت حديث إتباشروبوا أخوانها حالاً شبو فوق سرج الجواد

غلي فيهم الدم القديم الصيحة جات الله أكبر يا جهاد

رقصت خيولن فوق لهيب النار صاح الباشا قال : ماهن شداد

والحربة تهرد في حشا الترك القلاد

شاقوني ساعة جلبو النفوس والموت شراهم جملة ما خبر العداد

شاقوني ساعة كتبو التواريخ بالدم العباسي وآ ،مآساتي

أكتب في التواريخ بالمداد




تسلم يا الغالي الزعيم
و الله وضحت الرؤية بالنسبة لتوزع الاخوة الثلاثة الى بعض بقاع السودان
و دا الكان محيرني لأني كنت عايز أعرف هل اتوا من الغرب أم ذهب اسلافنا الى هناك
مشكور كتير يا الغالي امتعتنا و نورت العقل أفادك الله و زادك حباً في حبيبنا محمد علية الصلاة و اتم التسليم
نطالب بالمزيد دون اختصارات حبيبنا
عاطر التحايا

كسرة:::
انا مصر اعرف من دلاك على منتدى القرير و ما تقول ليا هرمنا و بتاع اظن دي ما بتكون نسيتها انتهى

  رد مع اقتباس
 
 
 
 
قديم 06-04-11, 03:56 PM   #35
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: السنجك

اقتباس:
المشاركة الأصلية كتبت بواسطة عبد الرحمن (عطبرة) مشاهدة المشاركة
تسلم يا الغالي الزعيم
و الله وضحت الرؤية بالنسبة لتوزع الاخوة الثلاثة الى بعض بقاع السودان
و دا الكان محيرني لأني كنت عايز أعرف هل اتوا من الغرب أم ذهب اسلافنا الى هناك
مشكور كتير يا الغالي امتعتنا و نورت العقل أفادك الله و زادك حباً في حبيبنا محمد علية الصلاة و اتم التسليم
نطالب بالمزيد دون اختصارات حبيبنا
عاطر التحايا

كسرة:::
انا مصر اعرف من دلاك على منتدى القرير و ما تقول ليا هرمنا و بتاع اظن دي ما بتكون نسيتها انتهى
كتر خيرك كتير

وإن شاء الله نقدم لكم المزيد بس ساعدونا.

تحياتي

كبيت الزوغة تاني ههههههههههها

  رد مع اقتباس
 
 
 
 
قديم 06-04-11, 04:13 PM   #36
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: السنجك

اقتباس:
المشاركة الأصلية كتبت بواسطة عبد المنعم عبد الرحيم حضيري مشاهدة المشاركة
كتر خيرك كتير

وإن شاء الله نقدم لكم المزيد بس ساعدونا.

تحياتي

كبيت الزوغة تاني ههههههههههها


ههههههههههه
مافي مشكلة كان حيين بنتلاقى face to face
اظن ما بيكون عندك طريقة زوغة
غايتو بيكون جابك صديقي و ابو نسب المستقبل صديقي و حليفي سيد عقرب
و استلم المهر عدد 2 دفار تلج لا فيهو شق لا طق و معاهو (بلنجة) دحين بتعرف البلنجة ؟؟

عاطر التحايا

  رد مع اقتباس
 
 
 
 
قديم 09-04-11, 11:46 AM   #37
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: السنجك

اقتباس:
المشاركة الأصلية كتبت بواسطة عبد الرحمن (عطبرة) مشاهدة المشاركة
ههههههههههه
مافي مشكلة كان حيين بنتلاقى face to face
اظن ما بيكون عندك طريقة زوغة
غايتو بيكون جابك صديقي و ابو نسب المستقبل صديقي و حليفي سيد عقرب
و استلم المهر عدد 2 دفار تلج لا فيهو شق لا طق و معاهو (بلنجة) دحين بتعرف البلنجة ؟؟

عاطر التحايا


البلنجة في الزمن القدييييييييم كانت آلة - على ما أعتقد - لتكسير راس السكر (زمن السكر بالراس وليس بالرطل أو الكيلو) - وتم إستخدام المفردة حديثاً لتعني (بونية) أو أم دلدوم.

والله أعلم

  رد مع اقتباس
 
 
 
 
قديم 10-04-11, 12:01 PM   #38
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: السنجك

اقتباس:
المشاركة الأصلية كتبت بواسطة عبد المنعم عبد الرحيم حضيري مشاهدة المشاركة
البلنجة في الزمن القدييييييييم كانت آلة - على ما أعتقد - لتكسير راس السكر (زمن السكر بالراس وليس بالرطل أو الكيلو) - وتم إستخدام المفردة حديثاً لتعني (بونية) أو أم دلدوم.

والله أعلم

و الله كويس ما طلعت سمبرتو بالله انت من زمن البلنجة تهي تهي تهي
انا غايتو حبوبتي حكت على البلنجة و راس السكر
و عندنا ايامي في السوق الشعبي عطبرة عمنا محمد احمد الدنقلاوي عليه رحمة الله
عنده كشك بتاع بارد مشروبات غازية و طبعا الزملاء كلهم من الجزيرة ناس تمبول
فابتكروا حكاية لذيذة كدا الواحد لما خلاص ينوي يتأهل يعمل المرطبات جنب كشك عمنا محمد احمد و طبعا علاقتنا مع العم محمد بقت حلوة شديد و هو ذول يحب الونسة هو دنقلاوي ظريف كييييف،،، تعرف مرة بتونس معاه و براك عارف شلاقتي و كان بنحضر لمناسبة واحد من الزملاء جبنا البرميل و التلج قمت قلت ليه ما عندك بلنجة نكسر بيها التلج دا علشان ننزل قزاز البارد ضحك و قال ليا البلنجة شفتها وين يا ولدي و سرح بعييييد قلت ليه و الله يا حاج سامع حبوبتي طوالي تقول بلنجة و راس سكر و حكاية زي كدا تاني يوم لقيتو ليك واقف جنب دكاني و شايل ظرف كبير طبعا اتكيفت قلت نخليه يونس معي و اتفضل يا حاج زارتنا الملائكة و جبت ليهو شاي ذولك طلع حاجة اسطوانية كدة و قال ليا دا راس السكر الانت سمعت بيهو هدية من واحد من ناس الختمية جابها ليه من الحج و مكتوب التاريخ في الظرف 1948 تقريبا ولا 1943 ما عارف لكن انت بتكون كسرت رؤوس سكاكر زي كسير التلج الفي البوست حق الموبايلات بعد ما زرزروك

  رد مع اقتباس
 
 
 
 
قديم 11-04-11, 12:22 AM   #39
قريرابي
 
الصورة الرمزية عادل ابوالقاسم عثمان





عادل ابوالقاسم عثمان غير متواجد حالياً

من مواضيعي :
افتراضي رد: السنجك

الخال عبدالمنعم حضري .. لك التحيه
علاقة المدناب والحضيراب هي علاقة اولاد خالات غير علاقة الرجال حسب ماعرفت من الوالد محمد الحسن نعيم ( رحمه الله ) طبعا خبير في الانساب وامه عائشة بنت مصطفى ود ادريس
هو والحضيراب اولاد خالات حيث ان والدة الحضيراب هي جمال بنت مصطفى ود ادريس وهم والمدناب اولاد عمومه وخالات وايضا توجد علاقة بين المدناب والعكوداب وايضا توجد علاقة بين اهلنا اولاد كرار والعريجاب وناس ود دافوري والقرونه في القلعه وسوراب اوسلي والاود عبدالباسط بالكدرو و وادي بشارة و ومديسيسه و ود حامد علاقة رحم وهم ابناء عمومة وتوجد معلومات كثيره عند الخال الرشيد محمد الحسن نعيم عن علاقة السوراب في بعضهم البعض في منطقة القرير
لك التحية ولكل ابناء السوراب عامه والقرير خاصه ونحن كلنا اهل في القرير وابناء عمومه ولكن فقط معلومات عامه يجب توضيحها
وتحية للأخ ابن العم ابوالقاسم عكود ولكل ابناء القرير الاوفياء

  رد مع اقتباس
 
 
 
 
قديم 11-04-11, 09:56 AM   #40
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: السنجك

اقتباس:
المشاركة الأصلية كتبت بواسطة عبد الرحمن (عطبرة) مشاهدة المشاركة
و الله كويس ما طلعت سمبرتو بالله انت من زمن البلنجة تهي تهي تهي
انا غايتو حبوبتي حكت على البلنجة و راس السكر
و عندنا ايامي في السوق الشعبي عطبرة عمنا محمد احمد الدنقلاوي عليه رحمة الله
عنده كشك بتاع بارد مشروبات غازية و طبعا الزملاء كلهم من الجزيرة ناس تمبول
فابتكروا حكاية لذيذة كدا الواحد لما خلاص ينوي يتأهل يعمل المرطبات جنب كشك عمنا محمد احمد و طبعا علاقتنا مع العم محمد بقت حلوة شديد و هو ذول يحب الونسة هو دنقلاوي ظريف كييييف،،، تعرف مرة بتونس معاه و براك عارف شلاقتي و كان بنحضر لمناسبة واحد من الزملاء جبنا البرميل و التلج قمت قلت ليه ما عندك بلنجة نكسر بيها التلج دا علشان ننزل قزاز البارد ضحك و قال ليا البلنجة شفتها وين يا ولدي و سرح بعييييد قلت ليه و الله يا حاج سامع حبوبتي طوالي تقول بلنجة و راس سكر و حكاية زي كدا تاني يوم لقيتو ليك واقف جنب دكاني و شايل ظرف كبير طبعا اتكيفت قلت نخليه يونس معي و اتفضل يا حاج زارتنا الملائكة و جبت ليهو شاي ذولك طلع حاجة اسطوانية كدة و قال ليا دا راس السكر الانت سمعت بيهو هدية من واحد من ناس الختمية جابها ليه من الحج و مكتوب التاريخ في الظرف 1948 تقريبا ولا 1943 ما عارف لكن انت بتكون كسرت رؤوس سكاكر زي كسير التلج الفي البوست حق الموبايلات بعد ما زرزروك

مع إنك صغير في السن (قياساً علينا)

إلا أنك كبير في مخزونك الثقافي (ترباية حبوبات)

تحياتي

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »09:22 PM.


Powered by vBulletin® Version 2018
.Copyright ©2000 - 2018, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل