المنتدى يا حليلو [ الكاتب : احمد محمد صالح بادي - آخر الردود : احمد محمد صالح بادي - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     بعدما كنا نتصدق بالاكل جرينا خ... [ الكاتب : احمد محمد صالح بادي - آخر الردود : احمد محمد صالح بادي - ]       »     نفّـــــــاج: [ الكاتب : عمر محمد نور - آخر الردود : عمر محمد نور - ]       »     رحل مامان [ الكاتب : سيف الدين محمد الامين - آخر الردود : سيف الدين محمد الامين - ]       »     مصر درب الساقي [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     رحماك ولطفك ربى بالسودان، الكا... [ الكاتب : احمد محمد صالح بادي - آخر الردود : احمد محمد صالح بادي - ]       »     قالوا تكوس في الغرق تلقى المطف... [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     لا لأكياس البلاستيك .. ونعم لل... [ الكاتب : علي محمد أحمد (أبورنس) - آخر الردود : عبد المنعم عبد الرحيم حضيري - ]       »     ما كتب عن الراحل المقيم مامان [ الكاتب : عبد المنعم عبد الرحيم حضيري - آخر الردود : عمر محمد نور - ]       »     "زينه وعاجباني مع تحيات عمر تر... [ الكاتب : عمر محمد علي ترتوري - آخر الردود : عمر محمد علي ترتوري - ]       »     أحلام و حطام [ الكاتب : ودسوار - آخر الردود : عبد الرحمن (عطبرة) - ]       »     مالك ديمه صارِّيْ الوَّشْ؟! مش... [ الكاتب : احمد محمد صالح بادي - آخر الردود : احمد محمد صالح بادي - ]       »     وا مغستي على الجيران...، وا شر... [ الكاتب : احمد محمد صالح بادي - آخر الردود : احمد محمد صالح بادي - ]       »     ما الذي تريده مصر من السودان [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     فى حسيب رقيب علينا، من رقبتنا ... [ الكاتب : احمد محمد صالح بادي - آخر الردود : احمد محمد صالح بادي - ]       »     أوعى تكبْ الموْيهْ فوق طين، وق... [ الكاتب : احمد محمد صالح بادي - آخر الردود : احمد محمد صالح بادي - ]       »     تأمّلات.. [ الكاتب : عمر محمد نور - آخر الردود : عمر محمد نور - ]       »     وداعاً عام 2017 {عمر ترتوري}". [ الكاتب : عمر محمد علي ترتوري - آخر الردود : عمر محمد علي ترتوري - ]       »     على قدر لحافك مِدْ أقدامك، وبا... [ الكاتب : احمد محمد صالح بادي - آخر الردود : احمد محمد صالح بادي - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > المنتدى الأدبي > مكتبة / عبد المنعم عبد الرحيم حضيري
 
 

الإهداءات

إضافة رد
 
أدوات الموضوع انواع عرض الموضوع
 
 
قديم 17-09-13, 11:51 AM   #41
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة علي محمد أحمد (أبورنس) مشاهدة المشاركة
العزيز .. عادل

-------------------------------

هناك اشاعة .. بتأجيل رفع الدعم إلى موازنة 2014 ، البعض يقول أن السبب في ذلك التقديرات الأمنية ..

الجهات الأمنية التي قامت بهذه التقديرات ، بالتأكيد .. سمعت وقرأت واطلعت على ما ينشر بالمنتديات ، فإن كان لهذه الحكومة شيء من حكمة ، فعليها أن تنتبه وتحذر من هذه الموجة العاتية من التصريحات التي أصبح يجاهر بها الجميع ، فعلو أصوات المواطنين تنديدا .. يعني ذهاب الخوف أو قل .. أنهم ( وصلوا الحد ) .. والجميع يعلم ما بعد ذلك عند المواطن السوداني ..



هؤلاء القوم مردوا على الكذب والنفاق وإستدراج الناس وتمرير سياساتهم الإقتصادية المذلة للناس على دفعات .... فإن أعلنوا التأجيل للموازنة القادمة .... فدا نفهمه من باب إذا لم تستطع مقاومة الرياح فإنثني حتى تمر .... حتى إذا هدأت حدة الإحتجاج عادوا وفرضوا ما يريدون.
البلد ليس لها موارد كما قال عكود وبالتالي لابد لهم من الإستمرار في فرض الجبايات والمكوس ورفع الدعم عن ماهو غير مدعوم أصلاً .... إذاً التلويح بدحرجة القرار إلى الموازنة القادمة هو جس نبض لقبوله أو رفضه من ناحية ومن ناحية أخرى تثبيته رسمياُ في الموازنة القادمة.

أتفق معك في أن أصوات الناس بدأت تعلوا وأن ذلك أخافهم قليلاً.

تحياتي


توقيع :
إذا فتحــت أبواب خيــر فأقبلــوا
موائــد أهــل الله خيــر الموائــــد

*******************
  رد مع اقتباس
 
 
 
 
قديم 17-09-13, 12:01 PM   #42
قريرابي ذهبي
 
الصورة الرمزية السر البشير





السر البشير غير متواجد حالياً

من مواضيعي :
افتراضي رد: العصيان المدني الجديد

[center
الأخ عادل أرجو الرجوع إلى مداخلتي ... كلامي واضح وأنا سميت الأسماء باسمها ( الاخوان المسلمين كتنظيم ) لأنهم هم من يتحكم في السودان منذ 23 عام ... وهم من يتكلم عن الثوابت والخطوط الحمر والأطر التي تحدد ما يقال وما لا يقال .. رغم أنهم كانوا يتكلمون لوحدهم لمدة 15 سنة قبل أن يسمحوا ببعض الحريات للآخرين...
وأصلاً مداخلتي ما كانت موجهة لي أشخاص ... وإنما لتنظيم..

تحياتي
...[/center]


توقيع :
نقولك يا وطنا نشـــــــــــــيد
نشيلك في الحضر والبــــيد
وانت تغني لينا شديــــــــــد
تضم جنة فيها شهـــــــــــيد
وكت نستنشقك راحة
وكت نستنثرك واحة
وتمرق يابا تتدرج قريب وبعيد
واضان العالمين تسمع
  رد مع اقتباس
 
 
 
 
قديم 17-09-13, 01:01 PM   #43
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة عبد المنعم عبد الرحيم حضيري
هؤلاء القوم مردوا على الكذب

الكــــــــذب .. الفاضـــــح

الواحد تشوفو ماشي قدامك عريان .. ويحلف ليك إنو لابس !!!


يعني انت من الغيظ .. اما تكتلو .. أو تفجر نفسك




  رد مع اقتباس
 
 
 
 
قديم 17-09-13, 01:32 PM   #44
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة علي محمد أحمد (أبورنس) مشاهدة المشاركة

الكــــــــذب .. الفاضـــــح

الواحد تشوفو ماشي قدامك عريان .. ويحلف ليك إنو لابس !!!


يعني انت من الغيظ .. اما تكتلو .. أو تفجر نفسك





غايتو ..... مرضتني مرض يا شيخ علي ..... أشوفو بس أشوفو يشيلني حال عديل كدة .... وإستراتجية الدفاع الجوي بالنظر دي حاجة عجيبة خالص ..... براءة إختراع علمي جديد تسجل عالمياً بإسمه .... دا ما وزير دفاع ..... دا خروف جعجاع ... إن هبشتو قال باااااااااااع وإن خليتو سوالك أوجــــــــ الصمنضقل ــــــــاع....

  رد مع اقتباس
 
 
 
 
قديم 17-09-13, 02:09 PM   #45
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة عبد المنعم عبد الرحيم حضيري
غايتو ..... مرضتني مرض يا شيخ علي .....


عليك الله .. السودان ما بقى همله .. لما يكون دا وزير دفاعو؟!

قبل يومين .. حضرت لقاء عاملو عمر الجزلي مع الأمير محمد الفيصل .. وتحدث عن مؤتمر القمة العربية الذي انعقد بالخرطوم عام ١٩٦٧ .. في عهد الحكوم الائتلافية والمحنك السياسي محمد أحمد محجوب .. وعرف المؤتمر بـ ( قمة الخرطوم ذات اللاآت الثلاث )

بصراحة شعرت .. بالدرك الوصل ليهو السودان ، بعد أن كان رياديا وله دور فاعل عربياً وأفريقياً وكان من الممكن أن يذهب إلى أبعد من ذلك

  رد مع اقتباس
 
 
 
 
قديم 17-09-13, 02:31 PM   #46
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة علي محمد أحمد (أبورنس) مشاهدة المشاركة


عليك الله .. السودان ما بقى همله .. لما يكون دا وزير دفاعو؟!

قبل يومين .. حضرت لقاء عاملو عمر الجزلي مع الأمير محمد الفيصل .. وتحدث عن مؤتمر القمة العربية الذي انعقد بالخرطوم عام 1967 .. في عهد الحكوم الائتلافية والمحنك السياسي محمد أحمد محجوب .. وعرف المؤتمر بـ ( قمة الخرطوم ذات اللاآت الثلاث )

بصراحة شعرت .. بالدرك الوصل ليهو السودان ، بعد أن كان رياديا وله دور فاعل عربياً وأفريقياً وكان من الممكن أن يذهب إلى أبعد من ذلك



المقارنة معدومة بين الكريزما للسياسين في الستينات وبين المتنطعين الآن .. لا يوجد أصلاً مجال ولا يصح أن نضع هؤلاء في كفة ميزان مع أولئك الجهابذة ..... ياخي ديل طلعوا أي كلام .... زي ما قال عادل إمام .....

كتر خيرك كتير

  رد مع اقتباس
 
 
 
 
قديم 21-09-13, 12:30 PM   #47
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: العصيان المدني الجديد

اللهم قيض لنا من خلقك من يقودنا إلى ما فيه صلاح أنفسنا وبلادنا

اللهم لا تسلط علينا بذنوبنا من لا يخافك فينا ولا يرحمنا

اللهم إنا نبرأ إليك من ما يجترحه حكامنا ونعوذ برحمتك ان نكون معذبين بهم

اللهم طهر قلوبنا من كل غل وحقد حتى على من ظلمنا وقيض لنا أمر رشد تعزنا به وتصلح لنا به أحوالنا ظاهراً وباطناً.

اللهم أعنّا على ذكرك وشكرك وإستخدم كل ذرة من ذرات أجسادنا وقلوبنا وأرواحنا للقيام بواجب الذكر والشكر لك وأغفر لنا ما إجترحنا من ذنب وأختم بالصالحات أعمالنا ونجنا من القوم الظالمين ..إنك ولي ذلك والقادر عليه

وصلي اللهم على سيدنا محمد وآله وصحبه وسلم.

  رد مع اقتباس
 
 
 
 
قديم 22-09-13, 03:13 AM   #48
قريرابي مميز
 
الصورة الرمزية مصعب الرشيد محمد الحسن





مصعب الرشيد محمد الحسن غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة عبد المنعم عبد الرحيم حضيري مشاهدة المشاركة
اللهم قيض لنا من خلقك من يقودنا إلى ما فيه صلاح أنفسنا وبلادنا

اللهم لا تسلط علينا بذنوبنا من لا يخافك فينا ولا يرحمنا

اللهم إنا نبرأ إليك من ما يجترحه حكامنا ونعوذ برحمتك ان نكون معذبين بهم

اللهم طهر قلوبنا من كل غل وحقد حتى على من ظلمنا وقيض لنا أمر رشد تعزنا به وتصلح لنا به أحوالنا ظاهراً وباطناً.

اللهم أعنّا على ذكرك وشكرك وإستخدم كل ذرة من ذرات أجسادنا وقلوبنا وأرواحنا للقيام بواجب الذكر والشكر لك وأغفر لنا ما إجترحنا من ذنب وأختم بالصالحات أعمالنا ونجنا من القوم الظالمين ..إنك ولي ذلك والقادر عليه

وصلي اللهم على سيدنا محمد وآله وصحبه وسلم.
والله تابعت البوست كله ومن المغصة الماسكانه على الجماعة ديل _خصوصا البيقول زيادة الاسعار محمدة, في فيديو ابو رنس_ غلبني اكتب حاجة , لكن في النهاية لقيت الدعاء الجميل دا , و اجمل حاجة انه نقول
اللهم آميـــــــــــــــــــــــــــــــــــــــــــن.


توقيع :
كل دمعة شوق بتنزل من عيونك يا سحابة
فيها إحساس إني منك وإنت من حزن الغلابه
وكل غنوة ريد حنينة طالعه من جوف الربابه
فيها نيلنا ولون نخيلنا وعز بلدنا وطيب ترابا
  رد مع اقتباس
 
 
 
 
قديم 22-09-13, 09:55 AM   #49
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة مصعب الرشيد محمد الحسن مشاهدة المشاركة
والله تابعت البوست كله ومن المغصة الماسكانه على الجماعة ديل _خصوصا البيقول زيادة الاسعار محمدة, في فيديو ابو رنس_ غلبني اكتب حاجة , لكن في النهاية لقيت الدعاء الجميل دا , و اجمل حاجة انه نقول
اللهم آميـــــــــــــــــــــــــــــــــــــــــــن.


أهلين بالدكتور

المغصة ... مغصة تشق .... هل تعلم يا دكتور أن إبليس عليه لعنة الله عندما طرد من رحمة الله كان مبسوط جداً .... تخيل .... وعندما سئل لم أنت فرح هكذا والمفروض أن تكون حزيناً قال لقد أفردني الله بخلعة لم يعطها غيري .... تخيل .... فمن قال أن زيادة الأسعار محمدة .... لعله من هذا الباب بطريقة أو بأخرى.

تحياتي

  رد مع اقتباس
 
 
 
 
قديم 22-09-13, 11:12 AM   #50
عضو مجلس الادارة
 
الصورة الرمزية ميرغني النقي





ميرغني النقي غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة عبد المنعم عبد الرحيم حضيري مشاهدة المشاركة

البلد ليس لها موارد كما قال عكود وبالتالي لابد لهم من الإستمرار في فرض الجبايات والمكوس ورفع الدعم عن ماهو غير مدعوم أصلاً .... إذاً التلويح بدحرجة القرار إلى الموازنة القادمة هو جس نبض لقبوله أو رفضه من ناحية ومن ناحية أخرى تثبيته رسمياُ في الموازنة القادمة.
تحياتي

هل سأل أحدكم نفسه لماذا البلد ليس لها موارد؟
وما هي الإجابة التي توصل لها؟
وكيف يكون للبلد موارد إذا كانت موارد البلد الرئيسية هي الزراعة، والمزارع الذي يقوم بهذه المهنة يدخل السجن في يوم الحصاد؟
لماذا لا نعفي هؤلاء المزارعين من هذه الجبايات الثقيلة التي هدت كاهلهم وأفلستهم وجعلتهم يهجرون مشاريعهم إلى وسائل رزق أخرى ونكتفي فقط بالضرائب الشرعية فقط كالزكاة مثلاً؟
هل يعقل أن تكون هنالك مؤسسات وشركات كسوداتل وجياد وسكر كنانة مثلاً معفية من الضرائب بينما الموظف الذي يعمل في هذه المؤسسات يدفع ضريبة؟
وماذا وضعت الدول في جيب المواطن حتى تمد يدها لتدخلها فيه؟
هل هو ذلك الراتب الشهري الذي لا يكفيه قوت خمسة أيام بالكثير؟
هنالك الكثير والكثير بعد الإجابات على هذه الأسئلة الحائرة.
مودتي

كسيرة: البوست دا حقو تصدرو للاتجاه المعاكس.


توقيع :
أنا شاعرٌ ما قال بيتاً واحداً = وقصائدي غضبٌ وجرحٌ دامي
حطمتُ أسناني جميعاً عندما = حاولتُ يوماً أن أفكّ لجامي
  رد مع اقتباس
 
 
 
 
قديم 22-09-13, 11:34 AM   #51
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة ميرغني النقي مشاهدة المشاركة

هل سأل أحدكم نفسه لماذا البلد ليس لها موارد؟
وما هي الإجابة التي توصل لها؟
وكيف يكون للبلد موارد إذا كانت موارد البلد الرئيسية هي الزراعة، والمزارع الذي يقوم بهذه المهنة يدخل السجن في يوم الحصاد؟
لماذا لا نعفي هؤلاء المزارعين من هذه الجبايات الثقيلة التي هدت كاهلهم وأفلستهم وجعلتهم يهجرون مشاريعهم إلى وسائل رزق أخرى ونكتفي فقط بالضرائب الشرعية فقط كالزكاة مثلاً؟
هل يعقل أن تكون هنالك مؤسسات وشركات كسوداتل وجياد وسكر كنانة مثلاً معفية من الضرائب بينما الموظف الذي يعمل في هذه المؤسسات يدفع ضريبة؟
وماذا وضعت الدول في جيب المواطن حتى تمد يدها لتدخلها فيه؟
هل هو ذلك الراتب الشهري الذي لا يكفيه قوت خمسة أيام بالكثير؟
هنالك الكثير والكثير بعد الإجابات على هذه الأسئلة الحائرة.
مودتي

كسيرة: البوست دا حقو تصدرو للاتجاه المعاكس.

مرحلة الأسئلة دي أظننا يا ميرغني إتخطيناها .... يعني بالعربي كدي قنعنا من خيراً فيهم .... وكل ما تشرق شمس الأوضاع ماشية للأسوأ.... يبقى حقو الناس يكونوا عمليين ولا يوجد هنالك مستحيل أمام إرادة الشعوب.

  رد مع اقتباس
 
 
 
 
قديم 22-09-13, 11:48 AM   #52
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: العصيان المدني الجديد

اقتباس:
مركز أخبار السودان اليوم :

شهد حي الديم في الخرطوم ظهر اليوم وعقب صلاة الجمعة ومن مسجد الختمية خروج مظاهرة كان قوامها سكان الحي, وكان امام المسجد قد تحدث في خطبته الثانيه عن الظلم الواقع في حق الشعب وحالة الكفاف التي يعاني منها الشعب السوداني وعن الفساد الذي عم البلاد.
وقد قام المتظاهرون بحرق اوراق الشجر واغلقوا المداخل الى الحي . وعقب ذلك انتشرت قوات الامن في المنطقة بعد أن كانت قد وصلت اليها وهي تقود عربات بدون أرقام وكانوا يحملون معهم طفايات الحرائق من ماركة (تي أو تو) أما الشرطة فلم تحضر الا بعض مضي وقت طويل.).
ووفقا لرواية بعض سكان الحي أنهم كانوا قد شاهدوا عربات الامن تجوب شوارع الحي يوم الاربعاء 18 سبتمبر حيث كانوا يقومن بتجميع اطارات السيارات من الشوارع.
سكان الحي يتوقعون مساء حملة اعتقالات للشباب الذين شاركوا كما خبروا ذلك من قبل.

  رد مع اقتباس
 
 
 
 
قديم 22-09-13, 12:04 PM   #53
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: العصيان المدني الجديد

الخرطوم 17 سبتمبر 2013- إنفجرت الأوضاع في ضاحية الجريف شرقي الخرطوم عصر الاثنين ،لتشهد مظاهرات وصفت بإنها الاعنف على مر تاريخ المنطقة إستمرت حتى ساعات متأخرة من الليل.

واقدم المتظاهرين وقوامهم من الشباب المحتجين على مقتل أحد أفراد المنطقة بيد رجال الشرطة على حرق مركز الشرطة ، وتهشيم عدد من العربات التابعة لها ، وبحسب شهود عيان تحدثوا لـ"سودان تربيون" أن الشرطة تمادت في العنف وإقتحمت منازل المواطنين بشكل عشوائي واعتقلت العشرات ممازاد الامر توترا.

وكانت شرطة قسم الجريف شرق نظمت حملة كبرى مساء امس الاول استهدفت اماكن الخمور البلدية بشاطئ النيل الازرق اسفرت عن ضبط عددا من المتهمين ، بينهم شاب يدعى (م م ع)- (25) سنة يقيم بالحى ، وقالت مصادر ان الشرطة ابلغت ذويه بإنتحاره غير ان التقرير الطبي اكد وفاته بالضرب ، مما فجر موجه عارمة من الغضب بالمنطقة.

وطالب المتظاهرين بسقوط الحكومة ورددوا هتافات مناوئة للشرطة ، داعين إلى القصاص من القتلة بحسب هتافاتهم ، وتوقع عدد من ابناء المنطقة تحدثوا لـ"سودان تربيون" استمرار الاحتجاجات اليوم الثلاثاء مالم تتدخل الجهات الرسمية وتقدم المتورطين في الجريمة إلى المحاكمة العادلة وكشف ملابسات مقتل الشاب .

وقال " ع ،ع " أن عدد من مسؤولي شرطة ولاية الخرطوم هرعوا إلى قسم الجريف كما انهم تحدثوا إلى بعض اعيان المنطقة ، وطالبوهم بتهدئة الموقف واعدين بإتخاذ الاجراءات القانونية اللازمة حال ثبوت الحادثة .

وبحسب ذات الشاب الذى تحدث بالهاتف مع "سودان تربيون" ان الاهالي طالبوا المسؤولين بالافراج عن ابنائهم الذين اعتقلتهم الشرطة في الاحتجاجات فوراً ومن ثم بدء الحوار حول مقتل الشاب لافتاً إلى انه حتى الساعة الثانية من فجر اليوم الثلاثاء لم يفرج عن المحتجزين والذين قدر عددهم بالعشرات ووصف الوضع في المنطقة بالمحتقن.


مظاهرات أم دوم العام الماضي

وكان شهر أبريل الماضي شهد مواجهات عنيفة بين الشرطة والمواطنين في منطقة ام دوم القريبة من الجريف ادت إلى مقتل طالب ووعدت حكومة الخرطوم بالتحقيق في مقتله وتقديم الجناة للمحاكمة واندلعت مظاهرات ام دوم على خلفية بيع أراضي تخص المواطنين لمستثمر سعودي .

  رد مع اقتباس
 
 
 
 
قديم 22-09-13, 12:29 PM   #54
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة علي محمد أحمد (أبورنس) مشاهدة المشاركة


واصل يا أبو علوة .... عسى ولعل ... السما متعّل ..... والمطرة قرررررررررررربت.

تحياتي

  رد مع اقتباس
 
 
 
 
قديم 22-09-13, 12:58 PM   #55
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: العصيان المدني الجديد

اليوم في الثامنة مساءً يعقد مؤتمر صحفي لرئيس الجمهورية بخصوص الأوضاع الإقتصادية

ود حمري وأبو رنس عليكم بالمتابعة والإفادة

  رد مع اقتباس
 
 
 
 
قديم 22-09-13, 01:22 PM   #56
مراقب
 
الصورة الرمزية ود حمرى





ود حمرى غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة عبد المنعم عبد الرحيم حضيري مشاهدة المشاركة
اليوم في الثامنة مساءً يعقد مؤتمر صحفي لرئيس الجمهورية بخصوص الأوضاع الإقتصادية
ود حمري وأبو رنس عليكم بالمتابعة والإفادة
يمين انا عندى عشرة وست ما اخليها للبوم دا ..

شان يقوللنا .. قبل الانقاذ الناس ما كانت بتعرف الهوت دوق .. والكلام الفارغ دا ..!!
بالله دا منطق رئيس دا ..



يـا قلبى لا تحزن ..!!

؛؛ إنا لله و إنا إليه راجعون ؛؛


توقيع :
طين جِروفي المِنِّي روَّحْ .. شـــالو هـدَّام الدمِيري
ما بكاهو قِليبي منَّحْ .. شانْ هو يوم بِطلع جزيري

،،حِمِّيدْ،،
  رد مع اقتباس
 
 
 
 
قديم 22-09-13, 01:31 PM   #57
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة ود حمرى مشاهدة المشاركة
يمين انا عندى عشرة وست ما اخليها للبوم دا ..

شان يقوللنا .. قبل الانقاذ الناس ما كانت بتعرف الهوت دوق .. والكلام الفارغ دا ..!!
بالله دا منطق رئيس دا ..



يـا قلبى لا تحزن ..!!

؛؛ إنا لله و إنا إليه راجعون ؛؛

إنت عشرة الويست دي ما جنبها تلفزيون ..... إن شاء الله الليلي يسيكوك وفي قبولك كمان قول آمين

ماهو عشان زي التصريحات دي دايرنكم تحضروا ... يمكن المرة دي يقول القراصة بعد الإنقاذ بقت بالباكمبودر!!!!!!!

  رد مع اقتباس
 
 
 
 
قديم 22-09-13, 02:46 PM   #58
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة عبد المنعم عبد الرحيم حضيري
اليوم في الثامنة مساءً يعقد مؤتمر صحفي لرئيس الجمهورية بخصوص الأوضاع الإقتصادية

قبل يومين مشيت بنك الدم عشان اتبرع لزميلة لينا بالدم ، كدي .. قبل ما أواصل يا أستاذ عبد المنعم النحكيلك ، زميلتنا دي حصل ليها تشخيص خطأ وبناء على التشخيص عملوا ليها عملية منظار ، قبل العملية كانت متحركة ومباشرة شغلها تمام التمام .. آها .. عملت العملية حالتها بقت في النازل وبقت تتغيب كتير من الشغل ، لما راجعت الدكاترة وما عرفوا الحاصل ليها شنو قامت سافرت القاهرة .. وهناك اكتشفت انها مصابة بالسرطان وأنه انتشر وبقت ما تفنع فيهو العملية .. وحسب تعليلهم لسبب الانتشار ،، هي عملية المنظار !!!! لأنو حسب ما فهمت ما كان المفروض يعملو ليها عملية المنظار مع وجود السرطان الذي كان ممن الممكن احتوائه لو أن التشخيص الأولي كان سليم !!!

المهم .. بعد الحصل دا .. وبقت في الأمر الواقع ، وبدت عملية العلاج الكيميائي .. وبعد ما عملت كم جلسة بالصدفة طبيب (مصري) زائر عرضوها عليهو قالو امكن يلقو عندو علاج للسرطان .. فاجأهم بانو قال ليهم .. كدي السرطان خلوهو هسع .. تراها قعد تاخد في العلاج .. هسع الزولة دي عندها نقص في الصفائح الدموية ، وسألهم باستغراب .. مافي دكتور متابع حالتها ؟ اجابوهو .. والله كل ما نعمل جلسة العلاج الدكتور براجع أوراقها .. لكن أصلو ما فحص عليها !!!

الحاصل زميلتنا دي .. دخلت في حالة اغماء ورقدوها العناية المركزة ولازالت بالمستشفى الكويتي .. طبعاً وقفو ا منها العلاج الكيميائي .. وبقوا داب المشكلة التانية .. أسأل الله لها الشفاء وأن يخرج أسرتها من هذه المحنة .. هي أم لثلاث بنات توفي عنها زواجه قبل سبع سنوات حسب معلوماتي !!

آها .. النرجع لموضوع الدم .. واحدة ، ما بعرفها متخرجه جديدة .. أم البنات كلهن حجمهن بقى صغير ما بعرفو ، كشفت على الضغط عندي وقالت لي .. انت ما بنفع تتبرع بالدم ! سألتها ليه ؟ قالت لي .. ضغطك مرتفع ، سألتها مرتفع كتير؟ قالت لي لا .. بس ما ينفع تتبرع !! غايتو قبلت بالأمر الواقع .. وطلعت انتظرت بره .. الجماعة الجيت معاهم سألوني .. ليه ما دخلت عشان اتبرع .. قلت ليهم الدكتورة قالت ضغطي مرتفع .. واحد قاعد منتظر دورو .. قال لي .. هو اليومين ديل في سوداني ضغطو ما مرتفع ؟!!!!!:d ..


----------------،،،،،،،،---------------


هسع دحين .. يا شيخ عبد المنعم .. أنا حموني من التبرع بالدم ، عشان ضغطي مرتفع ، تجي انت تقولي احضر خطاب البشير؟!

  رد مع اقتباس
 
 
 
 
قديم 22-09-13, 03:07 PM   #59
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة علي محمد أحمد (أبورنس) مشاهدة المشاركة
قبل يومين مشيت بنك الدم عشان اتبرع لزميلة لينا بالدم ، كدي .. قبل ما أواصل يا أستاذ عبد المنعم النحكيلك ، زميلتنا دي حصل ليها تشخيص خطأ وبناء على التشخيص عملوا ليها عملية منظار ، قبل العملية كانت متحركة ومباشرة شغلها تمام التمام .. آها .. عملت العملية حالتها بقت في النازل وبقت تتغيب كتير من الشغل ، لما راجعت الدكاترة وما عرفوا الحاصل ليها شنو قامت سافرت القاهرة .. وهناك اكتشفت انها مصابة بالسرطان وأنه انتشر وبقت ما تفنع فيهو العملية .. وحسب تعليلهم لسبب الانتشار ،، هي عملية المنظار !!!! لأنو حسب ما فهمت ما كان المفروض يعملو ليها عملية المنظار مع وجود السرطان الذي كان ممن الممكن احتوائه لو أن التشخيص الأولي كان سليم !!!

المهم .. بعد الحصل دا .. وبقت في الأمر الواقع ، وبدت عملية العلاج الكيميائي .. وبعد ما عملت كم جلسة بالصدفة طبيب (مصري) زائر عرضوها عليهو قالو امكن يلقو عندو علاج للسرطان .. فاجأهم بانو قال ليهم .. كدي السرطان خلوهو هسع .. تراها قعد تاخد في العلاج .. هسع الزولة دي عندها نقص في الصفائح الدموية ، وسألهم باستغراب .. مافي دكتور متابع حالتها ؟ اجابوهو .. والله كل ما نعمل جلسة العلاج الدكتور براجع أوراقها .. لكن أصلو ما فحص عليها !!!

الحاصل زميلتنا دي .. دخلت في حالة اغماء ورقدوها العناية المركزة ولازالت بالمستشفى الكويتي .. طبعاً وقفو ا منها العلاج الكيميائي .. وبقوا داب المشكلة التانية .. أسأل الله لها الشفاء وأن يخرج أسرتها من هذه المحنة .. هي أم لثلاث بنات توفي عنها زواجه قبل سبع سنوات حسب معلوماتي !!

آها .. النرجع لموضوع الدم .. واحدة ، ما بعرفها متخرجه جديدة .. أم البنات كلهن حجمهن بقى صغير ما بعرفو ، كشفت على الضغط عندي وقالت لي .. انت ما بنفع تتبرع بالدم ! سألتها ليه ؟ قالت لي .. ضغطك مرتفع ، سألتها مرتفع كتير؟ قالت لي لا .. بس ما ينفع تتبرع !! غايتو قبلت بالأمر الواقع .. وطلعت انتظرت بره .. الجماعة الجيت معاهم سألوني .. ليه ما دخلت عشان اتبرع .. قلت ليهم الدكتورة قالت ضغطي مرتفع .. واحد قاعد منتظر دورو .. قال لي .. هو اليومين ديل في سوداني ضغطو ما مرتفع ؟!!!!!:d ..


----------------،،،،،،،،---------------


هسع دحين .. يا شيخ عبد المنعم .. أنا حموني من التبرع بالدم ، عشان ضغطي مرتفع ، تجي انت تقولي احضر خطاب البشير؟!



أبو نواس قال لمن لامه في شرب الخمر:

دع عنك لومي فإن اللوم إغراء ..... وداوني بالتي كانت هي الداء

فأسع كدي جرب أحضر المؤتمر دا وعلى حسب نظرية أبا نواس يمكن ينزل بدل يرتفع.... ما معروف ..... والأرضة جربت الحجر.

ألف سلامة لزميلتكم ونسأل الله لها الشفاء العاجل من كل مرض وسقم ..... عندنا علاج بلدي ناجع جداً وبينفع للأثنين الصفائح الدموية والسرطان وهو الكبريت وموجود قريب منك (مجمع سيدنا علي بن أبي طالب - السادة البرهانية) جوار السوق الشعبي لديهم صيدلية لمثل هذه الأدوية ... بس المشكلة ما بينفع بعد أن يأخذ المريض علاج كيماوي أو مع زول عندو إرتفاع في ضغط الدم .... فإنت اصل هناك وأسأل المسئول عن الصيدلية وأشرح له الوضع فإن أشار عليك بأخذه خذه لها عسى أن يكون فيه شفاء لها.

  رد مع اقتباس
 
 
 
 
قديم 23-09-13, 09:38 AM   #60
عضو مجلس الادارة
 
الصورة الرمزية ميرغني النقي





ميرغني النقي غير متواجد حالياً

من مواضيعي :
افتراضي رد: العصيان المدني الجديد

اقتباس:
المشاركة الأصلية كتبت بواسطة عبد المنعم عبد الرحيم حضيري مشاهدة المشاركة

مرحلة الأسئلة دي أظننا يا ميرغني إتخطيناها .... يعني بالعربي كدي قنعنا من خيراً فيهم .... وكل ما تشرق شمس الأوضاع ماشية للأسوأ.... يبقى حقو الناس يكونوا عمليين ولا يوجد هنالك مستحيل أمام إرادة الشعوب.
كيف نكون اتخطيناها يا زعيم والمسئول كل يوم يلعلع في وسائل الإعلام نحن ما عندنا موارد جاعلاً منها مبرراً لرفع الأسعار وقصوره التام.
ليه ما نسأله وين مواردنا اللما جيت لقيت قدامك، وديتا وين.
السؤال دا لازم يستصحب البحث عن الحلول.
شكراً لك

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »08:09 PM.


Powered by vBulletin® Version 2018
.Copyright ©2000 - 2018, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل