المنتدى يا حليلو [ الكاتب : احمد محمد صالح بادي - آخر الردود : احمد محمد صالح بادي - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     بعدما كنا نتصدق بالاكل جرينا خ... [ الكاتب : احمد محمد صالح بادي - آخر الردود : احمد محمد صالح بادي - ]       »     نفّـــــــاج: [ الكاتب : عمر محمد نور - آخر الردود : عمر محمد نور - ]       »     رحل مامان [ الكاتب : سيف الدين محمد الامين - آخر الردود : سيف الدين محمد الامين - ]       »     مصر درب الساقي [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     رحماك ولطفك ربى بالسودان، الكا... [ الكاتب : احمد محمد صالح بادي - آخر الردود : احمد محمد صالح بادي - ]       »     قالوا تكوس في الغرق تلقى المطف... [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     لا لأكياس البلاستيك .. ونعم لل... [ الكاتب : علي محمد أحمد (أبورنس) - آخر الردود : عبد المنعم عبد الرحيم حضيري - ]       »     ما كتب عن الراحل المقيم مامان [ الكاتب : عبد المنعم عبد الرحيم حضيري - آخر الردود : عمر محمد نور - ]       »     "زينه وعاجباني مع تحيات عمر تر... [ الكاتب : عمر محمد علي ترتوري - آخر الردود : عمر محمد علي ترتوري - ]       »     أحلام و حطام [ الكاتب : ودسوار - آخر الردود : عبد الرحمن (عطبرة) - ]       »     مالك ديمه صارِّيْ الوَّشْ؟! مش... [ الكاتب : احمد محمد صالح بادي - آخر الردود : احمد محمد صالح بادي - ]       »     وا مغستي على الجيران...، وا شر... [ الكاتب : احمد محمد صالح بادي - آخر الردود : احمد محمد صالح بادي - ]       »     ما الذي تريده مصر من السودان [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     فى حسيب رقيب علينا، من رقبتنا ... [ الكاتب : احمد محمد صالح بادي - آخر الردود : احمد محمد صالح بادي - ]       »     أوعى تكبْ الموْيهْ فوق طين، وق... [ الكاتب : احمد محمد صالح بادي - آخر الردود : احمد محمد صالح بادي - ]       »     تأمّلات.. [ الكاتب : عمر محمد نور - آخر الردود : عمر محمد نور - ]       »     وداعاً عام 2017 {عمر ترتوري}". [ الكاتب : عمر محمد علي ترتوري - آخر الردود : عمر محمد علي ترتوري - ]       »     على قدر لحافك مِدْ أقدامك، وبا... [ الكاتب : احمد محمد صالح بادي - آخر الردود : احمد محمد صالح بادي - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > المنتدى الأدبي > مكتبة / عبد المنعم عبد الرحيم حضيري
 
 

الإهداءات

إضافة رد
 
أدوات الموضوع انواع عرض الموضوع
 
 
قديم 24-12-13, 09:10 AM   #41
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: الحوش

اقتباس:
المشاركة الأصلية كتبت بواسطة مصعب الرشيد محمد الحسن مشاهدة المشاركة
شكرا مجددا
ولعلي ذكرت بانها رائعة كدكي , و في الحقيقة ليس لي مصدرا محددا لمعلومتي غير اني سمعتها تقريبا بالقاء الشاعر كدكي تقريبا في قناة الشروق او السودان لا اذكر .
شكرا للتصويب عم عبد المنعم .
تحياتي .


يا دكتور ياخي عادي زي الزبادي وكلنا قعد نخطئ أحياناً ولكن الغلط مرجوع

كلماتك الملونات بالوردي دييل علي ترجى الشيوخ درماس ود النقي

ليك التحية يا غالي


توقيع :
إذا فتحــت أبواب خيــر فأقبلــوا
موائــد أهــل الله خيــر الموائــــد

*******************
آخر تعديل عبد المنعم عبد الرحيم حضيري يوم 24-12-13 في 01:43 PM.
  رد مع اقتباس
 
 
 
 
قديم 24-12-13, 09:19 AM   #42
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: الحوش

اقتباس:
المشاركة الأصلية كتبت بواسطة ود حمرى مشاهدة المشاركة
ليلي أنا الله الليل الليل ليلي أنا الرايقة هوي
يامهير ميس الاكله حب *** عوده لا خبزاً لا هو كب
لو نجر لو صابنه صب *** صنعة السيد حكمة الرب
ساقت الديس برد المهب *** فرت الأبيض بلا الشب
مت لا كرعي وانطرب *** جا الفقير قالي انت وتب
جاب دوايتو وفي اللوح كتب *** قتله اقيف يا شيخ العرب
رايقة مدي الموية اشرب *** ويقنيني القول انخرب
يابا وراق يا ود الصعب *** يا الدويحية اهل القبب
يا رجال الله تقولوا كب *** تقلعوا الميجر من صنب
تقلعوا النصراني الكعب *** فشان انط الحوش دردرب
ما بقول للمفتاح كرب *** داير اشوف أم عكشاً دهب
ما بخليك ان انضرب *** إلا سيفاً ياخدني تب
_______________
اســع مو اخير القفيــل من جِنِس دا ..!!


ياخي وين إنت من زمان

القصيدة واحدة من أروع القصائد التي تحمل عبق الزمن الجميل

في فترة من الفترات .... كان القاعد فوق قوز وماسك طمبورو يغنيها .... والراكب حمارتو مندلي يغنيها .... والحش قشو وراكب فوق بطيحيو يغنيها .... والماشي بالشارع ساكت يغنيها .... وفي اللعوب يمكن تتغنى 3 أو 4 مرات في اليوم ..... يعني كانت أغنية الموسم .....

ولكن يبقالي فيها بعض الأبيات الناقصة زي .... والعكاكيز فوقي ربرب ....بعد ... داير أنط الحوش دردرب


كتر خيرك كتير

  رد مع اقتباس
 
 
 
 
قديم 24-12-13, 09:21 AM   #43
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: الحوش

اقتباس:
المشاركة الأصلية كتبت بواسطة السر البشير مشاهدة المشاركة
والله يا حضيري صياد ماهر ... عرفت تمسك الراجل .. وما دام الراجل بيمسكو من لسانو .. أنا أثني هذا المطلب .. يجب أن يحدثنا ميرغني النقي عن حوش سيدي وحوش العمدة ... ما دام جاب سيرتهن بي لسانو ... بس دقيقة خلو اليمرق من محله دا ...
تحياتي


نجدد الدعوة عبر مشاركتك هذه لود النقي

مشكور أبو السارة

  رد مع اقتباس
 
 
 
 
قديم 24-12-13, 03:24 PM   #44
مراقب
 
الصورة الرمزية ود حمرى





ود حمرى غير متواجد حالياً

من مواضيعي :
افتراضي رد: الحوش

اقتباس:
المشاركة الأصلية كتبت بواسطة ود حمرى مشاهدة المشاركة

يابا وراق يا ود الصعب *** يا الدويحية اهل القبب
يا رجال الله تقولوا كب *** تقلعوا الميجر من صنب
تقلعوا النصراني الكعب *** فشان انط الحوش دردرب
ما بقول للمفتاح كرب *** داير اشوف أم عكشاً دهب
ما بخليك ان انضرب *** إلا سيفاً ياخدني تب

يــا زعيم .. سلامــات

ياخ عليك الله فسِّر .. وما تقصِّر ..!!

النصرانى قالعنو مالو ..؟
وعــلاقتو بالحوش شنــو .؟؟


توقيع :
طين جِروفي المِنِّي روَّحْ .. شـــالو هـدَّام الدمِيري
ما بكاهو قِليبي منَّحْ .. شانْ هو يوم بِطلع جزيري

،،حِمِّيدْ،،
  رد مع اقتباس
 
 
 
 
قديم 24-12-13, 03:50 PM   #45
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: الحوش

اقتباس:
المشاركة الأصلية كتبت بواسطة ود حمرى مشاهدة المشاركة
ليلي أنا الله الليل الليل ليلي أنا الرايقة هوي
يامهير ميس الاكله حب *** عوده لا خبزاً لا هو كب
لو نجر لو صابنه صب *** صنعة السيد حكمة الرب
ساقت الديس برد المهب *** فرت الأبيض بلا الشب
مت لا كرعي وانطرب *** جا الفقير قالي انت وتب
جاب دوايتو وفي اللوح كتب *** قتله اقيف يا شيخ العرب
رايقة مدي الموية اشرب *** ويقنيني القول انخرب
يابا وراق يا ود الصعب *** يا الدويحية اهل القبب
يا رجال الله تقولوا كب *** تقلعوا الميجر من صنب
تقلعوا النصراني الكعب *** فشان انط الحوش دردرب
ما بقول للمفتاح كرب *** داير اشوف أم عكشاً دهب
ما بخليك ان انضرب *** إلا سيفاً ياخدني تب
_______________
اســع مو اخير القفيــل من جِنِس دا ..!!
اقتباس:
المشاركة الأصلية كتبت بواسطة ود حمرى مشاهدة المشاركة
يــا زعيم .. سلامــات

ياخ عليك الله فسِّر .. وما تقصِّر ..!!

النصرانى قالعنو مالو ..؟
وعــلاقتو بالحوش شنــو .؟؟


النصراني الكعب ... إن بقى غفيراً ما بينوم ولا بيغفل مو ليهو حق إن طالب بقلعو .... وعلاقتو بالحوش إنو صاحب الحوش ... والله أعلم

ومهما كان المعنى المراد .....فمجرد المطالبة بقلع الميجر والنصراني من صنب (مروي) يعتبر وعي سياسي متقدم جداً عند أهلنا في ذلك الزمن.

عموماً القصيدة كما أسلفت تراثية بحتة ولها إضافات ومقاطع أخرى كثيرة غير التي كتبت هنا ... من ضمنها المقاطع الآتية:

يا مهيرة حمد الملك
يا الأبوك رباك بالضحك
وعمرو ما ضربك زعلكم
الله هوي ليلي أنا.....

إن شاء الله طوكر تشرب لنا
المعرّس يلقى الجنى
والعزب يملوهو حنة
الله هوي ليلي إنا

يا مهيرة فارس اللعوب.. ..
تلى ايدك ورفرفى التوب .........
لقى...... شلاخك للهبوب .........
وكان لقيتك مانى مغلوب
الله هوي ليلي أنا

وغيرها كثير

  رد مع اقتباس
 
 
 
 
قديم 24-12-13, 04:19 PM   #46
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: الحوش

المزيرة

هي صورة أخرى من الصور الراتبة في الحوش

كانت قديماً عبارة عن مجموعة أزيار بعضها مغروس في الأرض وبعضها على حمالات معدنية كلها مرصوصة تحت شجرة النيم في الحوش وبما أن المكان حولها يكون رطباً فدائماً ما تجد (الجداد) له حفر كثيرة حور المزيرة ... ويكون السعن أو السقو معلقاً (أحياناً) في ساق النيمة أو في شعبة من شعب الراكوبة المدعمة لظل النيمة.

ثم تطورت المزيرة وصارت بناءً قائماً بذاته به صبة أسمنت تقوم مقام الحمالة في المزيرة القديمة ثم إتخذت لها موقعاً مميزاَ داخل الحوش يجذبك إليه صورة الأزيار المتراصة والمغطى بعضها بقطع من الخيش لزوم زيادة التبريد وكذلك كبابي الموية ذات الأيادي (ألمونيا وطلس)... وأهم شيئ يميز المزيرة هو شجرة أو اشجار الحناء القريبة منها والتي تعطر الجو بأريجها الفواح.

  رد مع اقتباس
 
 
 
 
قديم 24-12-13, 06:39 PM   #47
قريرابي ذهبي





عمر محمد نور غير متواجد حالياً

من مواضيعي :
افتراضي رد: الحوش

قبل وقت ليس ببعيد كانت السماء صافية في مشهد افتقدته لسنين عددا
وكنت مستلقياً وبصري موجه الي..التريّي،،وبنات نعش والعقرب..ومجر الكبش،،وغيرها وتتسلل من بينها من وقت لآخر طائرة عابرة علي خط الملاحة الجوي الشمالي الشرقي،،
والنسيم عليل والقدم تتحسس ،،،صقط الفراش،،،فكسرت حاجز الصمت والتأمل رسالة نصية عبر الهاتف المحمول،،،تهنئة أول دقائق العام الميلادي الجديد تتبعها ثواني معدودات،،والمرسل عزيز،،
وكان هذا،،،،،
ودّعتْ سنة الحواري مقفّي فارقت الضواحي
التهلْ طوفان سعادة وخيرا في كل النوّاحي
ياولوف خلق الله هجعت وانت برضك زي صاحي
متلي ألم الذكري ينتحْ وللا جرحك نِدْ جراحي
ليْ سنين ياخوّة ادودر،،مرّة اشرّك ومرّة احاحي
لاقبضت افرح واهلل،،لا قدرت ارجع مراحي
ازرع السمي بين نجومو أتمّو بالأطراف نقاحي
يقلع الحظ الزرعتو وشمشو توقد في نجاحي
والحواس الخمسة شاكي،،حدّوا وين ياناس نواحي
سجني جُوآي شايلو حايم قولي كيف اطلق سراحي
وكترة الشكوات مذلّة وماني ريّاد للنباحي
بلا عزا المؤمن شكيتو للقريب يلقي انشراحِ
قصدو شك الطّاب معاهو يضربوا للهم بالمزاحِ

كان في بالي ان يكون ذلك في بوست للعام الجديد،،ولكن بما أن الوقت ليس ببعيد وهذا الحوش..المبردح،،،حوش خالي فحبّذت الإتكائة فيه واصطفيت صاحبه وزواره بما جادت به القريحة،،،علّه ينال استحسانكم،،،
وعذرا ان لم أطرق باب الحوش القدامي،،،كوْ،،كوْ،،،،هييي اللااا جوّة،،،طيبين،،ندخل،،هييييي؟؟
....هو انت وصلت نص الحوش،،،،،،،
طيب الله اوقاتكم بكل خير موشّح
وانت ومن معك في حوشك المبردح

آخر تعديل عمر محمد نور يوم 26-04-15 في 04:04 PM.
  رد مع اقتباس
 
 
 
 
قديم 24-12-13, 07:10 PM   #48
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: الحوش

اقتباس:
المشاركة الأصلية كتبت بواسطة عمر محمد نور مشاهدة المشاركة
قبل وقت ليس ببعيد كانت السماء صافية في مشهد افتقدته لسنين عددا
وكنت مستلقياً وبصري موجه الي..التريّي،،وبنات نعش والعقرب..ومجر الكبش،،وغيرها وتتسلل من بينها من وقت لآخر طائرة عابرة علي خط الملاحة الجوي الشمالي الشرقي،،
والنسيم عليل والقدم تتحسس ،،،صقت الفراش،،،وتقطع حاجز الصمت والتأمل رسالة نصية عبر الهاتف المحمول،،،تهنئة أول دقائق العام الميلادي الجديد تتبعها ثواني معدودات،،والمرسل عزيز،،
وكان هذا،،،،،
ودّعتْ سنة الحواري مقفّي فارقت الضواحي
التهلْ طوفان سعادة وخيرا في كل النوّاحي
ياولوف خلق الله هجعت وانت برضك زي صاحي
متلي ألم الذكري ينتحْ وللا جرحك نِدْ جراحي
ليْ سنين ياخوّة ادودر،،مرّة اشرّك ومرّة احاحي
لاقبضت افرح واهلل،،لا قدرت ارجع مراحي
ازرع السمي بين نجومو أتمّو بالأطراف نقاحي
يقلع الحظ الزرعتو وشمشو توقد في نجاحي
والحواس الخمسة شاكي،،حدّوا وين ياناس نواحي
سجني جُوآي شايلو حايم قولي كيف اطلق سراحي
وكترة الشكوات مذلّة وماني ريّاد للنباحي
بلا عزا المؤمن شكيتو للقريب يلقي انشراحِ
قصدو شك الطّاب معاهو يضربوا للهم بالمزاحِ

كان في بالي ان يكون ذلك في بوست للعام الجديد،،ولكن بما أن الوقت ليس ببعيد وهذا الحوش..المبردح،،،حوش خالي فحبّذت الإتكائة فيه واصطفيت صاحابه وزواره بما جادت به القريحة،،،علّه ينال استحانكم،،،
وعذرا ان لم أطرق باب الحوش القدامي،،،كوْ،،كوْ،،،،هييي اللااا جوّة،،،طيبين،،ندخل،،هييييي؟؟
....هو انت وصلت نص الحوش،،،،،،،
طيب الله اوقاتكم بكل خير موشّح
وانت ومن معك في حوشك المبردح


حلف بالله يا عمر إنك ظالم نفسك وظالمنا معاك

ياخي دا كلام يحبس الكلام في الحلق .... قافية وتسلسل سلس جميل راقي حنين .... لكين يا ود أختي كت مدكن الدرر دي كلها وين .... يا خي بالله عليك تواصل والله شعرك دا يا عمر إن ما ساواك مع الكبار ما ينقصك منهم .... ما شاء الله تبارك الله.

القصيدة بكل روعتا وجمالا أدت الدليل القاطع على أن الحوش والرقدة في الحوش مصدر إلهام واسع وجميل وأعجبني جداً قولك: ازرع السمي بين نجومو أتمّو بالأطراف نقاحي

وعلى هامش القصيدة الجميلة نقول لسليمان ومعاهو لبنى أقرو البيت دا: ليْ سنين ياخوّة ادودر،،مرّة اشرّك ومرّة احاحي

والحوش حوشك تدخل بلا تقول للكشر( للمفتاح) كرب

تحياتي وكتر خيرك كتير

  رد مع اقتباس
 
 
 
 
قديم 25-12-13, 11:28 PM   #49
عضو مجلس الادارة





أم مؤيد غير متواجد حالياً

من مواضيعي :
افتراضي رد: الحوش

سلام ياناس الحوش!
لمن كنا في حي الشاطئ كان الحوش صغووووووووووير وكنا نقشو ونجري علي جدول بشير ننقل الموية ونرش ونتنافس في الشغلانيي دي!
وبعد رحلنا حي السوق الحيشان مربوع كامل يعني حلة كاملة !
وبدينا ننشل في الموية من البير ونرش والحال في حالو لامن زهجنا خلينا الرش قبلنا علي المليس بالشوالة الملياني رملة
وكانت واحدي من الجيران تقولنا خلاس كويتن حوشكن

  رد مع اقتباس
 
 
 
 
قديم 26-12-13, 12:36 PM   #50
مراقب
 
الصورة الرمزية محمد إبنعوف محمد طه





محمد إبنعوف محمد طه غير متواجد حالياً

من مواضيعي :
افتراضي رد: الحوش

سلام اهل الحوش جميعا
بتونس مرة مع البواب - في القاهرة - قام سألني : بتسكنو في شقق زي حالاتنا كدة ولا ايه ؟
فقمت وصفت شكل بيوتنا بي حيشانا المبردحة ، فقام الراجل قال : فلل يعني !
وعليه ومنذ ذلك الحين اي زول يسألني بقول اننا ساكنين في فلل . واي زول عندو راي مخالف يوصف الفيلا ويوصف بيوتنا ويوريني الفرق شنو - خاصة بعد دخول الكهرباء والمكيفات .


توقيع :
اطلق عواصفك الكبرى مدوية = فقد طمى الخطب حتى غاصت الركب
لا يبلغ المجد شعب في مراجعه =يستأسد الذئب أو يسترأس الذنب
  رد مع اقتباس
 
 
 
 
قديم 26-12-13, 12:51 PM   #51
مراقب
 
الصورة الرمزية محمد إبنعوف محمد طه





محمد إبنعوف محمد طه غير متواجد حالياً

من مواضيعي :
افتراضي رد: الحوش

سمحة يا الروضة بلودا وين
في الاراك علولا حوشين
كل حوشا فيهو بابين
وكل بابا فيهو كبدين
وكل كبدا فيهو دقلين
وكل دقلا فيهو كشرين
وكل كشرا ماسكو فارسين
وكل فارسا جنبو سيفين
وكل سيفا جنبو كلبين
يا الرويضة اماتك اتنين
تدخل آ باتوري بي وين ؟؟

  رد مع اقتباس
 
 
 
 
قديم 29-12-13, 09:37 AM   #52
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: الحوش

اقتباس:
المشاركة الأصلية كتبت بواسطة أم مؤيد مشاهدة المشاركة
سلام ياناس الحوش!
لمن كنا في حي الشاطئ كان الحوش صغووووووووووير وكنا نقشو ونجري علي جدول بشير ننقل الموية ونرش ونتنافس في الشغلانيي دي!
وبعد رحلنا حي السوق الحيشان مربوع كامل يعني حلة كاملة !
وبدينا ننشل في الموية من البير ونرش والحال في حالو لامن زهجنا خلينا الرش قبلنا علي المليس بالشوالة الملياني رملة
وكانت واحدي من الجيران تقولنا خلاس كويتن حوشكن

أم مؤيد

أيدك الله بالتوفيق والقبول

مشكورة وكتر خيرك كتير

التجريف (كوي الحوش) ..... كان بيدي الحوش منظر جميل ومريح للنفس

  رد مع اقتباس
 
 
 
 
قديم 29-12-13, 09:39 AM   #53
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: الحوش

اقتباس:
المشاركة الأصلية كتبت بواسطة محمد إبنعوف محمد طه مشاهدة المشاركة
سلام اهل الحوش جميعا
بتونس مرة مع البواب - في القاهرة - قام سألني : بتسكنو في شقق زي حالاتنا كدة ولا ايه ؟
فقمت وصفت شكل بيوتنا بي حيشانا المبردحة ، فقام الراجل قال : فلل يعني !
وعليه ومنذ ذلك الحين اي زول يسألني بقول اننا ساكنين في فلل . واي زول عندو راي مخالف يوصف الفيلا ويوصف بيوتنا ويوريني الفرق شنو - خاصة بعد دخول الكهرباء والمكيفات .


نعم حيشانا ...فلل وكمان أوسع من فلل البندر

تسلم ولك التحية

  رد مع اقتباس
 
 
 
 
قديم 29-12-13, 09:47 AM   #54
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: الحوش

اقتباس:
المشاركة الأصلية كتبت بواسطة محمد إبنعوف محمد طه مشاهدة المشاركة
سمحة يا الروضة بلودا وين
في الاراك علولا حوشين
كل حوشا فيهو بابين
وكل بابا فيهو كبدين
وكل كبدا فيهو دقلين
وكل دقلا فيهو كشرين
وكل كشرا ماسكو فارسين
وكل فارسا جنبو سيفين
وكل سيفا جنبو كلبين
يا الرويضة اماتك اتنين
تدخل آ باتوري بي وين ؟؟

غايتو الباتوري صعبا على نفسو تصعيب شديد

وبعد كل الحواجز دي داير يدخل ؟؟؟؟

الجميل هو التوثيق للكلمات القديمة الكبد والدقل والكشر بس المحيرني جداً هو الدقلين في الكبد ديل .... غايتو سيد الحوش دا مادام حريص كدي ومتفسل للدرجة دي ضمّة ما كان يسويلو باب.

قصيدة حلوة ..... حولا بيغادي مع رفيقاتا إن بقت ماها هناك.

آخر تعديل عبد المنعم عبد الرحيم حضيري يوم 29-12-13 في 05:28 PM.
  رد مع اقتباس
 
 
 
 
قديم 29-12-13, 01:04 PM   #55
مقرر مجلس الادارة
 
الصورة الرمزية زهير محمد سليمان





زهير محمد سليمان غير متواجد حالياً

من مواضيعي :
افتراضي رد: الحوش

اقتباس:
المشاركة الأصلية كتبت بواسطة عمر محمد نور مشاهدة المشاركة
قبل وقت ليس ببعيد كانت السماء صافية في مشهد افتقدته لسنين عددا
وكنت مستلقياً وبصري موجه الي..التريّي،،وبنات نعش والعقرب..ومجر الكبش،،وغيرها وتتسلل من بينها من وقت لآخر طائرة عابرة علي خط الملاحة الجوي الشمالي الشرقي،،
والنسيم عليل والقدم تتحسس ،،،صقط الفراش،،،فكسرت حاجز الصمت والتأمل رسالة نصية عبر الهاتف المحمول،،،تهنئة أول دقائق العام الميلادي الجديد تتبعها ثواني معدودات،،والمرسل عزيز،،
وكان هذا،،،،،
ودّعتْ سنة الحواري مقفّي فارقت الضواحي
التهلْ طوفان سعادة وخيرا في كل النوّاحي
ياولوف خلق الله هجعت وانت برضك زي صاحي
متلي ألم الذكري ينتحْ وللا جرحك نِدْ جراحي
ليْ سنين ياخوّة ادودر،،مرّة اشرّك ومرّة احاحي
لاقبضت افرح واهلل،،لا قدرت ارجع مراحي
ازرع السمي بين نجومو أتمّو بالأطراف نقاحي
يقلع الحظ الزرعتو وشمشو توقد في نجاحي
والحواس الخمسة شاكي،،حدّوا وين ياناس نواحي
سجني جُوآي شايلو حايم قولي كيف اطلق سراحي
وكترة الشكوات مذلّة وماني ريّاد للنباحي
بلا عزا المؤمن شكيتو للقريب يلقي انشراحِ
قصدو شك الطّاب معاهو يضربوا للهم بالمزاحِ

كان في بالي ان يكون ذلك في بوست للعام الجديد،،ولكن بما أن الوقت ليس ببعيد وهذا الحوش..المبردح،،،حوش خالي فحبّذت الإتكائة فيه واصطفيت صاحابه وزواره بما جادت به القريحة،،،علّه ينال استحانكم،،،
وعذرا ان لم أطرق باب الحوش القدامي،،،كوْ،،كوْ،،،،هييي اللااا جوّة،،،طيبين،،ندخل،،هييييي؟؟
....هو انت وصلت نص الحوش،،،،،،،
طيب الله اوقاتكم بكل خير موشّح
وانت ومن معك في حوشك المبردح
يا سلاااااااااااااااااام عليك يا عمر ..
انا بكتب ليك بشعور صادق بأنك قلم رائع ولكنك كما ذكر حضيري ظالم نفسك .. لازم تكتب لينا يا عمر .. انت بالجد رائع .. وصراحة انا لاحظت ذالك من نقاشي معك في الواتس اب وقلت لسليمان انه عمك عمر ده من مفرداته الشوية دي يبدو انه زول كتّاب .. الزول بيتعرف من اول سطر .. وللا شنو


توقيع :
زهير اب سوار
  رد مع اقتباس
 
 
 
 
قديم 29-12-13, 08:46 PM   #56
قريرابي ذهبي





عمر محمد نور غير متواجد حالياً

من مواضيعي :
افتراضي رد: الحوش

[quote=زهير محمد سليمان;265771]يا سلاااااااااااااااااام عليك يا عمر ..
انا بكتب ليك بشعور صادق بأنك قلم رائع ولكنك كما ذكر حضيري ظالم نفسك .. لازم تكتب لينا يا عمر .. انت بالجد رائع .. وصراحة انا لاحظت ذالك من نقاشي معك فيالواتس اب وقلت لسليمان انه عمك عمر ده من مفرداته الشوية دي يبدو انه زول كتّاب .. الزول بيتعرف من اول سطر .. وللا شنو[/quote

تاهت بصائرنا وأبصارنا حتي أصبحت أفقية تلاحق أضواء المدينة الصناعية وكدنا أن ننسي النجوم والقمر ونحن محشورون من بين جدران الشقق والغرف متلحفّون ومتدثّرون،،طوال العام،،صيفاً من برد المكيّف وشتاءاً من زمهرير الصحراوي القارس،،وافتقدنا تلك المتعة الطبيعية في ،،،الحيشان،،ليلاً،،وكثيراً مايكون ذلك المشهد محرّكاً للمخزون،،وبارك اللّه في الزّعيم،،منقّب المناجم وباحث الدرر النفيسة والكنوز،،
،أمضيتُ ليلي مُحدق العينين أستجدي النّجوم السامرة،،
فتسلّلتْ ثُلل النجوم واغفلتني رهين نفسٍ ،،،آمرة
متأملاً مترقّباً ضوء الصباح بكل مااحتوته الذّاكرة!

.................................................. ....
.................................................. ...
.................................................. ...
كيف وكيف لي وقد إعتلاني ذو إنتسابٍ عائدٍ للعاسرة!
شكري وتحياتي ،،،أب سوار،،الإزيرق،،
وعذرا،،،،لعدم التلوين،،

]

آخر تعديل عمر محمد نور يوم 29-12-13 في 11:40 PM.
  رد مع اقتباس
 
 
 
 
قديم 30-12-13, 10:05 AM   #57
عضو مجلس الادارة
 
الصورة الرمزية ميرغني النقي





ميرغني النقي غير متواجد حالياً

من مواضيعي :
افتراضي رد: الحوش

اقتباس:
المشاركة الأصلية كتبت بواسطة محمد إبنعوف محمد طه مشاهدة المشاركة
سمحة يا الروضة بلودا وين
في الاراك علولا حوشين
كل حوشا فيهو بابين
وكل بابا فيهو كبدين
وكل كبدا فيهو دقلين
وكل دقلا فيهو كشرين
وكل كشرا ماسكو فارسين
وكل فارسا جنبو سيفين
وكل سيفا جنبو كلبين
يا الرويضة اماتك اتنين
تدخل آ باتوري بي وين ؟؟
التحية لك أخي محمد ابنعوف يا رائع
تقدر تقول لي الراجل دا عندو كم كلب
مودتي


توقيع :
أنا شاعرٌ ما قال بيتاً واحداً = وقصائدي غضبٌ وجرحٌ دامي
حطمتُ أسناني جميعاً عندما = حاولتُ يوماً أن أفكّ لجامي
  رد مع اقتباس
 
 
 
 
قديم 30-12-13, 10:07 AM   #58
عضو مجلس الادارة
 
الصورة الرمزية ميرغني النقي





ميرغني النقي غير متواجد حالياً

من مواضيعي :
افتراضي رد: الحوش

اقتباس:
المشاركة الأصلية كتبت بواسطة عبد المنعم عبد الرحيم حضيري مشاهدة المشاركة
غايتو الباتوري صعبا على نفسو تصعيب شديد

وبعد كل الحواجز دي داير يدخل ؟؟؟؟

الجميل هو التوثيق للكلمات القديمة الكبد والدقل والكشر بس المحيرني جداً هو الدقلين في الكبد ديل .... غايتو سيد الحوش دا مادام حريص كدي ومتفسل للدرجة دي ضمّة ما كان يسويلو باب.

قصيدة حلوة ..... حولا بيغادي مع رفيقاتا إن بقت ماها هناك.
بالمناسبة يا زعيم أنا شفت الدقلين في الكبد، واحد تحت وواحد فوق زي الكوالين في باب الحديد.
وغالباً الدقلين بي يكونو في حيشان التمر.
لك التحية وجاييك لي حوش سيدي

  رد مع اقتباس
 
 
 
 
قديم 30-12-13, 04:12 PM   #59
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: الحوش

اقتباس:
المشاركة الأصلية كتبت بواسطة ميرغني النقي مشاهدة المشاركة
التحية لك أخي محمد ابنعوف يا رائع
تقدر تقول لي الراجل دا عندو كم كلب
مودتي
الكلاب المع سيوف القطع 16

مجموع كلاب الدقل في كل الكبادي (جمع كبد) كم؟؟؟

  رد مع اقتباس
 
 
 
 
قديم 01-01-15, 03:49 PM   #60
قريرابي ذهبي





عمر محمد نور غير متواجد حالياً

من مواضيعي :
افتراضي رد: الحوش


أطال اللّه أعماركم،،عامرة بالطّاعات والخير الوفير،،،

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »09:39 PM.


Powered by vBulletin® Version 2018
.Copyright ©2000 - 2018, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل