دفتر الحضور اليومي [ الكاتب : عبد المنعم عبد الرحيم حضيري - آخر الردود : درماس - ]       »     دعواتكم بالشفاء للأخ مــامــا... [ الكاتب : درماس - آخر الردود : درماس - ]       »     فوائد ودرر [ الكاتب : فتح الرحمن احمد - آخر الردود : فتح الرحمن احمد - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     استراحة ما بعد الظهيرة [ الكاتب : أم مؤيد - آخر الردود : علي محمد أحمد (أبورنس) - ]       »     "العافى زيها مافى والطبيب السو... [ الكاتب : عمر محمد علي ترتوري - آخر الردود : عمر محمد علي ترتوري - ]       »     عُــــدنا ***والعـــــود ‘ن شا... [ الكاتب : احمد عبدالله جقلاب - آخر الردود : عمر محمد نور - ]       »     انا استجبت للنداء [ الكاتب : ابراهيم على كرار - آخر الردود : عمر محمد نور - ]       »     وأخيرا .. الجميلابي .. حرا طلي... [ الكاتب : علي محمد أحمد (أبورنس) - آخر الردود : ابراهيم على كرار - ]       »     أصلي ما كان في مُرادي يوم أفار... [ الكاتب : ابراهيم على كرار - آخر الردود : درماس - ]       »     عفواً سونا.. بقلم الأستاذ [ الكاتب : عمر محمد نور - آخر الردود : عبد المنعم عبد الرحيم حضيري - ]       »     أول رواية عربية تبنى بمفاهيم ا... [ الكاتب : عمر قرافى - آخر الردود : عبد المنعم عبد الرحيم حضيري - ]       »     ابو ابو رنس.... ابو شيبة ... س... [ الكاتب : عبد المنعم عبد الرحيم حضيري - آخر الردود : عبد المنعم عبد الرحيم حضيري - ]       »     الدوام لله الزلال بنت الشمال [ الكاتب : ابراهيم الصيني - آخر الردود : ابراهيم الصيني - ]       »     هل إستنوق الجمل ،،، أم ماذا [ الكاتب : درماس - آخر الردود : درماس - ]       »     غلبني من اندهاشي اطلع.. بقلم ا... [ الكاتب : عمر محمد نور - آخر الردود : عمر محمد نور - ]       »     آجماعة وينن ،،،، [ الكاتب : درماس - آخر الردود : احمد عثمان بشير - ]       »     المتواجدون [ الكاتب : درماس - آخر الردود : أم مؤيد - ]       »     كـُـلـُــنـْـكـَـاكـُــولْ [ الكاتب : درماس - آخر الردود : درماس - ]       »     الكوراك والكواريك . [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > المنتدى الأدبي > مكتبة لبنى محمد وداعة
 
 

الإهداءات

إضافة رد
 
أدوات الموضوع انواع عرض الموضوع
 
 
  #1  
قديم 02-01-13, 10:32 PM
الصورة الرمزية لبني محمد وداعة
لبني محمد وداعة غير متواجد حالياً
مراقب
 





افتراضي الحي الله والدائم الله

وررررووووك..... وررووووك الحي الله والدائم الله ....الحي الله والدائم
محُمد ود سعيد ودابراهيم طه راح في حق الله ...الحقوا الصلاه ...
ولدا لي ابنعوف في حمارتو راكب وكمان ولد ودحمري راكبين الحمير وطالعين في الصايح
امونه تفرك في ملاحه وتصنت في الصايح يجيها مره قريب وعند الاسم يمشي بعيد وساعة خلاص حرق روحه ختت المفراكه في الحله وقامت علي حيله مرقت في الحوش وغزت ايده في نصها ووقفت دايره توقع الاسم والمات منو ؟ سمعت الاسم لكن برضو ماعرفت الزول منو ...
كوركت بتول بالحيطه ...
امونه امونه هوي
اهلا بتول ...المات ده ضمة الله ماعرفتو
واي ماعرفتو... مالك مابتعرفيه محُمد ودسعيد ولد فاطني بت الصادق وقبل تكمل كلامه ختفتو منها
وااب علي وااب علي اصبري اصبري عرفتو واامقستي مالوالجاهو شنو؟
قالو ليه كم يوم مورود ودوهو كريمه ورقدوهو هناك لكن اظنو واااشريري مابقي طيب وحالتو سمعت قالوا مسفرنو بلد لافوق
اي والله واشريري اختو التومه بت سعيد اها خلاص امرقاكي انلاقي العربيات
سمح انا ماعندي شي ..
امونه ..ماشه وتتمتم ...سبحاااااااااااااان الله حي دائم لايموت ...خربانه ام منايا قش
وفي حلة بي تحت ....
واييبوي واييبوي وااااااب علي يامحُمد وااب علي من الجاك وغباك وااب علي ياالصغير وجاهل وااب علي ياحبيبي وياطبيقي
الطاهر ياولد البكاء ده وين ...( نفيسي تسال في ولده )
الطاهر رمي جركانتو من ايدو ومسك سروالو بي ايدو وحفيان فرد جريه وامه بي وراه جاره توبه نصو في الواطه ونصو في جسمه وقبل تصل الباب لاقاها الطاهر من هناك ...يم يم يم ( ونفسو قايم لامن ماقادر يتكلم
اها ياالخرابه المات منو ؟
قالو ده اخو عشه الكان راقد في المستشفي
لاحوله ولاقوة الا بالله ...متين مات
قالوا هسي دي لكن هي ركبوها في عربية ود ابراهيم وفاااااااااااتت
وفي الساعه ديك يجي حاج احمد داخل وخابي خب ومستعجل ياوليه طلعيلي جلابيتي والعكاز وفي اقل من الدقيقه كان حاج احمد اتوضا ولبس جلابيته ويلف في العمه في استعجال شديد يجيهو صوت من لابره حاج احمد حاج احمد ..امرق انحصل العربيه دي
جاي جاي خلاص مرقت ...
وفي بيت البكاء ...
يجن داخلات كوته كوته ومع ناس البيت والجيران ...
وااب علي وااب علي ..ياالحبيب اللبن الحليب ...وااب علي ياحليل اخوكم وياحليل ابوكم وياحليل ....وياحليل وياحليل ....
والرجال واقفين علي حيلهم منتظرين الجنازه تمرق وهم في حزن وصمت شديد يجيهم واحد من هناك الفاتحي ياناس والجماعه كلهم يرفعو معاه الفاتحي ويباريهم واحد واحد احسن الله عزاكم وجبر الله كسركم ...
وهناك اخو المرحوم بارك في الواطه ويجعر بي اعلي مافيه صوت واصحابه واقفين جمبه ويصبرو فيه ...يازول يازول الكلام ده عيب عليك ده امر الله وحصل عندك اعتراض عندك ....استغفر وارجع عشان تقيف في واجبك ...ابو المرحوم مقعدنو في كرسي وتاكل راسو في ايدينه وايدينو في العصايه غازيها في الواطه ( ياولدي الناجح ياولدي النافعني ...استغفر الله وسمح حكم الله ) ياحاج سعيد ماتعزبو ولدك طول عمرو بار بيكم وبي اهلو وبي جيرانو ...ابوهو يهمهم بي صوت ضعييييف وحزين ايي صحي
خلاص شيلو الفاتحه وادعي الله يرحمه ويغفر ليه وبعد حاج سعيد مايستغفرويصبر شويه تجيه السره اخت حاج سعيد ...واااب علي وااب علي ياسعيد اخوي واااب علي من محُمد واب علي
في اللحظه ديك مرقت الجنازه وكل الرجال جوا عليها جاي وكلهم برددوا بصوت واحد ( لااله الا اله ..لااله الا الله ) وساروا في منظر حزين وهم لافين وشوشهم بالعمم وبعضهم منهار تمامآ ماقادرين يمشو ...
الحريمات جاريات وراء الجنازه اخواته وبنات خالاتو الا السرير ودسيداحمد ماخلاهم شاكلن ودفرن وجري لحق الجماعه ...بعد ما دفنو وجابو العنقريب وجو خاتلهم المويه الساقطي بالجرادل والكيزان وفرشو المفارش ...الحريم رجعن بيوتن وكل واحده فيهن طلعت عموده وغسلتو والعندهن من الاكل سونو في العمود وحتي الرجال كمان شالوا الغديات ورجعو بيت البكاء وكمان الصباح من شاي الصباح لي الجبنه وكل باقي اليوم ...
امونه وبتول جايات راجعات في الشارع ...امونه لي بتول :- انتي يادي امو دي باقيلي فوتت ماله بتسوي كدي قعدت في الصينيه معانا اكلت زيييينتي وقامت ..
هي اكلت شنو هي امبارح قالوا بليل مرقت الدهن اتمسحت ومسحت الحريموالمشن الصباح يصبحن عليها حلفن قالن لقنها تشرب في الشاي وتقرض في عيشته ( انا ماشفتو الضيق قدامي لكن هن قالنو )
هي يايمه امكن الله صبره ....
امكن ...

من مواضيعي :

توقيع :
قايل عليك شدة وتزول ماقايلك انت علي سفر
آخر تعديل لبني محمد وداعة يوم 03-01-13 في 12:10 PM.
رد مع اقتباس
 
 
 
 
قديم 03-01-13, 08:17 AM   #2
عضو مجلس الادارة
 
الصورة الرمزية ميرغني النقي





ميرغني النقي غير متواجد حالياً

من مواضيعي :
افتراضي رد: الحي الله والدائم الله

صباح الخير وكل عام وأنت والأهل بخير بت سمح الزي
بالرغم من أن المشهد حزين إلا أن روعة الأسلوب وطريقة السرد وطلاوة التعابير تجعلني أقول أمتعتينا.
داومي على الحضور قدر الإمكان لأن غيابك موحش ولحضورك ألق جميل.
لك التحايا وأجمل الأماني


توقيع :
أنا شاعرٌ ما قال بيتاً واحداً = وقصائدي غضبٌ وجرحٌ دامي
حطمتُ أسناني جميعاً عندما = حاولتُ يوماً أن أفكّ لجامي
  رد مع اقتباس
 
 
 
 
قديم 03-01-13, 08:36 AM   #3
قريرابي ذهبي
 
الصورة الرمزية محمد عثمان سرالختم





محمد عثمان سرالختم غير متواجد حالياً

من مواضيعي :
افتراضي رد: الحي الله والدائم الله

اسلوب رائع وسرد متفرد وغزارة من الكلمات التراثية عشنا معها وتخيلنا الماضى والايام التى عشناه هناك وذكرتنا بالحنية والترابط اتمنى ان تدوم

  رد مع اقتباس
 
 
 
 
قديم 03-01-13, 09:01 AM   #4
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: الحي الله والدائم الله

جبر الله كسركم .... وشفى كَسرتِكم التي في دواخلكم ...

كسرة جديدة: الكسيق عند منو؟؟؟؟


توقيع :
إذا فتحــت أبواب خيــر فأقبلــوا
موائــد أهــل الله خيــر الموائــــد

*******************
  رد مع اقتباس
 
 
 
 
قديم 03-01-13, 09:44 AM   #5
قريرابي ماسي
 
الصورة الرمزية الجميلابي





الجميلابي غير متواجد حالياً

من مواضيعي :
افتراضي رد: الحي الله والدائم الله

أصبحنا بي الله

لبني مالك علينا بي جنس زي ده من أول الصباح


توقيع :
إن غبت عن المآقي .. فروحك ستظل حاضرة أبداً بيننا .. أيها الحبيب مجاهد الرفاعي
  رد مع اقتباس
 
 
 
 
قديم 03-01-13, 10:50 AM   #6
مراقب
 
الصورة الرمزية ود حمرى





ود حمرى غير متواجد حالياً

من مواضيعي :
افتراضي رد: الحي الله والدائم الله

تزوغى .. وتجى تخمينا بى قصصك الطويلة دى ..
تميتا بى اخر نفس غايتو
ياخى تانى عليك الله قسِِميها لى اجزاء .. بقينا نمل من القراية الطويلة ..!!

حمداً لله على السلامة ..


توقيع :
طين جِروفي المِنِّي روَّحْ .. شـــالو هـدَّام الدمِيري
ما بكاهو قِليبي منَّحْ .. شانْ هو يوم بِطلع جزيري

،،حِمِّيدْ،،
  رد مع اقتباس
 
 
 
 
قديم 03-01-13, 01:25 PM   #7
قريرابي فضي
 
الصورة الرمزية محمد احمد التويم





محمد احمد التويم غير متواجد حالياً

من مواضيعي :
Arrow رد: الحي الله والدائم الله

شكرا العزيزة لبني بالرغم من ان هذا المشهد وبمعظم تفاصيله قد عايشه الجميع لانه ثرات ويدل علي انه كان هناك رباط وثيق بين الاهل ولكن هذه القصة ذكرتني بحادثة ارتبطت في ذهني من زمن بعيد وبعيد جدا حينما كنت صغيرا في اجازة بالقرير صحبت عمتي الحرم ابراهيم لزيارة مريضة لااذكرها الان ولكن عند وصولنا الي بيت تلك المريضة كانت قد انتقلت الي الرفيق الاعلي وكان هناك شخص واقف بالقرب من حمارة الجماعة مشوا عليه وقالوا ليه اركب المرة ماتت وكان الصائح كنت اعتقد حسب صغر سني ان الصائح هذا هو شخص محدد يقوم بهذا الدور لذلك كنت محتارا كيف عرف ذلك الصائح بان هذه المرأة سوف تموت لذلك حضر بحماره في تلك اللحظة ؟
تحياتي لبني

  رد مع اقتباس
 
 
 
 
قديم 03-01-13, 01:47 PM   #8
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: الحي الله والدائم الله

شكيت العوج لي الله ... يا و ليه مالك علينا قالو ليك ناقصين بكا
تخيلي أقرأ و أقرأ لقيت دموعي جاريات الله يفتح علي أمو هي الصبرتني
لو ما كدي كان جعرت و تاني البسكتني ما كان اتعرف . . .
بالله شوفي لينا حاجة مفرحة و أسرديها بي نفس الطريقة دا بقى دين عليك
عشان تبدلي الدموع المرقت دي .... غايتو دا مشهد حزين
لا بشكر اقول سردك جميل و لا شي جاتك نيله ...
ما تطولي الغيبة يا حلبة

  رد مع اقتباس
 
 
 
 
قديم 03-01-13, 09:09 PM   #9
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: الحي الله والدائم الله

اقتباس:
المشاركة الأصلية كتبت بواسطة ميرغني النقي مشاهدة المشاركة
صباح الخير وكل عام وأنت والأهل بخير بت سمح الزي
بالرغم من أن المشهد حزين إلا أن روعة الأسلوب وطريقة السرد وطلاوة التعابير تجعلني أقول أمتعتينا.
داومي على الحضور قدر الإمكان لأن غيابك موحش ولحضورك ألق جميل.
لك التحايا وأجمل الأماني
حبابك عشره بلا كشره ...
زيارتك لينا في بيت البكاء نردها ليك في الافراح ...
تسلم كتير بس قول الله يستر الجهاز معاي


توقيع :
قايل عليك شدة وتزول ماقايلك انت علي سفر
  رد مع اقتباس
 
 
 
 
قديم 03-01-13, 09:10 PM   #10
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: الحي الله والدائم الله

اقتباس:
المشاركة الأصلية كتبت بواسطة محمد عثمان سرالختم مشاهدة المشاركة
اسلوب رائع وسرد متفرد وغزارة من الكلمات التراثية عشنا معها وتخيلنا الماضى والايام التى عشناه هناك وذكرتنا بالحنية والترابط اتمنى ان تدوم
انشاااااااااااااءالله وربنا يدوم المحبه في الله

  رد مع اقتباس
 
 
 
 
قديم 03-01-13, 09:29 PM   #11
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: الحي الله والدائم الله

اقتباس:
المشاركة الأصلية كتبت بواسطة عبد المنعم عبد الرحيم حضيري
جبر الله كسركم .... وشفى كَسرتِكم التي في دواخلكم ...

كسرة جديدة: الكسيق عند منو؟؟؟؟


بارك الله فيك والدوام لله وحده ...
ابو المرحوم قال ماداير كسيق لكن ناس الحله ماخلوه بيجاي بيجاي سوولهم كشف براهم وادوهو لي خال المرحوم عشان يصرف منه علي الفراش...

  رد مع اقتباس
 
 
 
 
قديم 04-01-13, 10:51 PM   #12
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: الحي الله والدائم الله

اقتباس:
المشاركة الأصلية كتبت بواسطة الجميلابي مشاهدة المشاركة
أصبحنا بي الله

لبني مالك علينا بي جنس زي ده من أول الصباح
اصبحنا بي الله واتكلنا عليك ياالله .....
مالازم الموت علينا حق ولازم الزول يتزكرو والا ننشغل بالحياه بس ...

  رد مع اقتباس
 
 
 
 
قديم 05-01-13, 11:51 AM   #13
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: الحي الله والدائم الله

اقتباس:
المشاركة الأصلية كتبت بواسطة ود حمرى مشاهدة المشاركة
تزوغى .. وتجى تخمينا بى قصصك الطويلة دى ..
تميتا بى اخر نفس غايتو
ياخى تانى عليك الله قسِِميها لى اجزاء .. بقينا نمل من القراية الطويلة ..!!

حمداً لله على السلامة ..
هسه عليك الله طويله قصصي والا قصص ودعطبره ؟
تمل من القرايه ...قراية شنو ؟ اصلك قاعد تقراء في الجامعه
اسعدني جدا قرايتك للقصه ...

  رد مع اقتباس
 
 
 
 
قديم 10-01-13, 12:16 AM   #14
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: الحي الله والدائم الله

اقتباس:
المشاركة الأصلية كتبت بواسطة محمد احمد التويم مشاهدة المشاركة
شكرا العزيزة لبني بالرغم من ان هذا المشهد وبمعظم تفاصيله قد عايشه الجميع لانه ثرات ويدل علي انه كان هناك رباط وثيق بين الاهل ولكن هذه القصة ذكرتني بحادثة ارتبطت في ذهني من زمن بعيد وبعيد جدا حينما كنت صغيرا في اجازة بالقرير صحبت عمتي الحرم ابراهيم لزيارة مريضة لااذكرها الان ولكن عند وصولنا الي بيت تلك المريضة كانت قد انتقلت الي الرفيق الاعلي وكان هناك شخص واقف بالقرب من حمارة الجماعة مشوا عليه وقالوا ليه اركب المرة ماتت وكان الصائح كنت اعتقد حسب صغر سني ان الصائح هذا هو شخص محدد يقوم بهذا الدور لذلك كنت محتارا كيف عرف ذلك الصائح بان هذه المرأة سوف تموت لذلك حضر بحماره في تلك اللحظة ؟
تحياتي لبني
تشكر وانت دائمآ مميز بكلماتك مميز بمشاركاتك مميز باختيارك للرد المتفرد

  رد مع اقتباس
 
 
 
 
قديم 10-01-13, 12:19 AM   #15
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: الحي الله والدائم الله

اقتباس:
المشاركة الأصلية كتبت بواسطة عبد الرحمن (عطبرة) مشاهدة المشاركة
شكيت العوج لي الله ... يا و ليه مالك علينا قالو ليك ناقصين بكا
تخيلي أقرأ و أقرأ لقيت دموعي جاريات الله يفتح علي أمو هي الصبرتني
لو ما كدي كان جعرت و تاني البسكتني ما كان اتعرف . . .
بالله شوفي لينا حاجة مفرحة و أسرديها بي نفس الطريقة دا بقى دين عليك
عشان تبدلي الدموع المرقت دي .... غايتو دا مشهد حزين
لا بشكر اقول سردك جميل و لا شي جاتك نيله ...
ما تطولي الغيبة يا حلبة
الحمد لله الدموع النزلت انت ماعارف الدموع بتغسل العوينات ( البركه فينا وفيكم )
شكرا كتير عبد الرحمن ويديك العافيه

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »01:18 AM.


Powered by vBulletin® Version 2017
.Copyright ©2000 - 2017, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل