إقتراح للحكومة وولاة الولايات ... [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     لمحة من قرافاب الزمن السمح [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     ماليزيا [ الكاتب : احمد محمد صالح بادي - آخر الردود : احمد محمد صالح بادي - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     مين تانى اليغنى غنانا فى النقع... [ الكاتب : عمر محمد علي ترتوري - آخر الردود : احمد محمد صالح بادي - ]       »     المنتدى يا حليلو [ الكاتب : احمد محمد صالح بادي - آخر الردود : احمد محمد صالح بادي - ]       »     بعدما كنا نتصدق بالاكل جرينا خ... [ الكاتب : احمد محمد صالح بادي - آخر الردود : احمد محمد صالح بادي - ]       »     نفّـــــــاج: [ الكاتب : عمر محمد نور - آخر الردود : عمر محمد نور - ]       »     رحل مامان [ الكاتب : سيف الدين محمد الامين - آخر الردود : سيف الدين محمد الامين - ]       »     مصر درب الساقي [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     رحماك ولطفك ربى بالسودان، الكا... [ الكاتب : احمد محمد صالح بادي - آخر الردود : احمد محمد صالح بادي - ]       »     قالوا تكوس في الغرق تلقى المطف... [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     لا لأكياس البلاستيك .. ونعم لل... [ الكاتب : علي محمد أحمد (أبورنس) - آخر الردود : عبد المنعم عبد الرحيم حضيري - ]       »     ما كتب عن الراحل المقيم مامان [ الكاتب : عبد المنعم عبد الرحيم حضيري - آخر الردود : عمر محمد نور - ]       »     "زينه وعاجباني مع تحيات عمر تر... [ الكاتب : عمر محمد علي ترتوري - آخر الردود : عمر محمد علي ترتوري - ]       »     أحلام و حطام [ الكاتب : ودسوار - آخر الردود : عبد الرحمن (عطبرة) - ]       »     مالك ديمه صارِّيْ الوَّشْ؟! مش... [ الكاتب : احمد محمد صالح بادي - آخر الردود : احمد محمد صالح بادي - ]       »     وا مغستي على الجيران...، وا شر... [ الكاتب : احمد محمد صالح بادي - آخر الردود : احمد محمد صالح بادي - ]       »     ما الذي تريده مصر من السودان [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     فى حسيب رقيب علينا، من رقبتنا ... [ الكاتب : احمد محمد صالح بادي - آخر الردود : احمد محمد صالح بادي - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > المنتدى الأدبي > مكتبة لبنى محمد وداعة
 
 

الإهداءات

إضافة رد
 
أدوات الموضوع انواع عرض الموضوع
 
 
  #1  
قديم 10-10-13, 09:53 PM
الصورة الرمزية لبني محمد وداعة
لبني محمد وداعة غير متواجد حالياً
مراقب
 





افتراضي فطور العيد

التومه قامت من صباحآ بدري مشت اتسوكت وصلت الصبح حاضر وطوالي شدت الشاي في النار ودخلت علي البيوت تكنس وتفرش وطلقت البخور وهي تسمع في الجامع ...
الله اكبر ....الله اكبر ...لااله الا الله ...الله اكبر وللله الحمد
الحاجه والحاج والطاهر اخوها قعدو لي الشاي بي بسكويت المكنه الماخمج شربو شايهم ومشو اتوضو وكل واحد فيهم شال مصلايتو ومرقو علي صلاة العيد فوووق جمب مقابر ود عجل ...
العيد بعملوه جمب المقابر... هناك الناس كلهم صغار وكبار والحريم يبيعو في الحاجات والشفع يلعبو ويجرو جاي وجاي ...وبعد الصلاة قامو يتسالمو ويباركو لي بعض في العيد ...
كل سنه وانتو طيبين ...العيد مبارك علينا وعليكم ...السنه الجايه حاج والسنه الجايه حاجه والسنه الجايه بالتيمان انشاءالله ...
بعد داك كل زول نزل علي اهلو ...
الحاج جاء داخل علي ناس بيتهم سلام هوي سلم علي التومه انشاءالله يابتي الله يديك الفي مرادك
اهلا ابوي انشاءالله السنه الجايه حاج ...
الحاجه جاءت متاخره شويه باقي لفت علي الجيران ومشت علي امونه بت ابراهيم عشان في الحبس
الحاج والطاهر مشو طوالي علي الزريبه جرو خروفهموالطاهر رقد الخروف علي جمبتو وقال بسم الله والله اكبر وضبح الخروف ...في الساعه ديك يجو الرجال والحريم داخلين تواتيل تواتيل يباركو في العيد والحاج يحلف عليهم يانس اقعدو افطرو معانا
لا والله ماشين نضبح
كدي قولو خير ضوقو الكرامه
لا خلاص ضقناها بي الجرم السمح ده
الحاجه مشت طواااالي غيرت هدومه ولبست لبس خمسه الوقت داك الطاهر علق الخروف يسلخ فيه
دخلت الحاجه علي المخزن مرقت الكانون والصاج والشوايه وحوض البلاستيك للكمونيه والسكاكين
الطاهر والحاج بدو يقطعو في اللحمه جاء عليهم عمهم واولاده ومرتو باقي بضبحو معاهم فطور وحقتهم غدا
عمي عمي ضبحتو الخروف
اييي ضبحناهم
ساعة ضبحتو مابكا
لا مابكا
ليه السكين دي ماحاره
ياولد خلاص امشي العب مع اخوانك ماتنجض عمك
خليه يامحمد احمد انت ماك عارف الشفع اصلهم يسالو من اي شي
التومه ولعت النار وجهزت صاجه ومرت عمهم مشت علي اللحمه تغسل فيها والحاجه منهمكه مع نضافة الكمونيه عشان هي بتظبط المراره تمام وكمان بت عمهم مشت حلت الشطه وقطعت البصل الابيض وكل زول عرف مهمتو وختو اللحمه في النار وريحت الشيه ضربت ...
بعد ما اللحمه نجضت الحاجه قالت لي التومه التومه يابنيتي ماتنسي تسوي حق ناس بتول
سمح يمه ماني ناسياه ...عشان ماقاعدين يضبحو سوتلهم الشيه واللحمه النيه وحبيبت مراره وكوركت لي ود عمها الكبير
سعيد سعيد تعال ودي الفطور ده لي ناس بتول
بلاهي الولد جاء جاري فرحان فرح متل التكنو مدنه هديه ليه هو ولفح الصينيه واخوه الصغير جاري وراهو
اديني انشيل معاك
لالالع مابديك بتكشحو
والله مابكشحو ابوي قولو خليني اشيل معاك
انت مابتقدر تشيل امشي معاه افتحلو الباب ..عشان تجو سريع للفطور
طنطن ومارضي لكن برضو اقتنع بي فتح الباب باعتباره مشاركه
سوو الفطور صينيتين وقعدو الرجال براهم والجاء عليهم جاء والحريم براهم
فطرو ومشت التومه جابت الشربوت من تحت الزير وكبتلهم الشربوت وخلاص الجماعه حيلهم برد لكن لازم يضبحو حقت العم قامو الرجال طلعو لافوق ياالله ياالله يجرجرو في كرعينهم سبقو الحريم مشو طوالي ضبحو وقطعو لحمتهم ...بلا يسمعو من بعيد صوت شايلو الهواء يمشي ويجي
الحي الله والدائم الله وباقي الصوت مايجي
الحاج ياساتر ياساتر ...
الطاهر ياابوي بس ما يكون ده حاج احمد جد ناس عثمان
كدي اسكت انسمع الصايح
الحي الله والدائم الله ...الحي الله والدائم الله حاج احمد ود عثمان راح في حق الله الحقو الصلاه ...

من مواضيعي :

توقيع :
قايل عليك شدة وتزول ماقايلك انت علي سفر
آخر تعديل لبني محمد وداعة يوم 10-10-13 في 11:42 PM.
رد مع اقتباس
 
 
 
 
قديم 10-10-13, 10:34 PM   #6
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: فطور العيد



آخر تعديل لبني محمد وداعة يوم 10-10-13 في 11:46 PM.
  رد مع اقتباس
 
 
 
 
قديم 11-10-13, 10:23 PM   #10
قريرابي مميز
 
الصورة الرمزية مصعب الرشيد محمد الحسن





مصعب الرشيد محمد الحسن غير متواجد حالياً

من مواضيعي :
افتراضي رد: فطور العيد

الاخت لبنى
لك التحية
تصوير اكتر من رائع للعيد بالكلام و بالصور , خليتينا من هسي قعدنا نتجرس لكن البكية ماجلنها لي يوم العيد زاتو , خصوصا انه العيد الجاي دا تاني عيد ضحية لي برا السودان وتالت عيد ضحية برا القرير . المرة الاولى عيدت في الخرطوم و دي كانت حاجة جديدة على و كنت مجبور اماني بكيت بكا ,هههه, اما التاني كنا في مصر في 2007 كنا في رحلة علمية تبع الجامعة يعني دا مرا عادي من غير جُرس , اما المرة دي في السعودية شكلو ح يكون اصعب واحد فيهم .
كل سنة والجميع بخير و ان شاء الله يعود علينا بالخير و الصحة و العافية .


توقيع :
كل دمعة شوق بتنزل من عيونك يا سحابة
فيها إحساس إني منك وإنت من حزن الغلابه
وكل غنوة ريد حنينة طالعه من جوف الربابه
فيها نيلنا ولون نخيلنا وعز بلدنا وطيب ترابا
  رد مع اقتباس
 
 
 
 
قديم 13-10-13, 11:34 PM   #11
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: فطور العيد

اقتباس:
المشاركة الأصلية كتبت بواسطة مصعب الرشيد محمد الحسن مشاهدة المشاركة
الاخت لبنى
لك التحية
تصوير اكتر من رائع للعيد بالكلام و بالصور , خليتينا من هسي قعدنا نتجرس لكن البكية ماجلنها لي يوم العيد زاتو , خصوصا انه العيد الجاي دا تاني عيد ضحية لي برا السودان وتالت عيد ضحية برا القرير . المرة الاولى عيدت في الخرطوم و دي كانت حاجة جديدة على و كنت مجبور اماني بكيت بكا ,هههه, اما التاني كنا في مصر في 2007 كنا في رحلة علمية تبع الجامعة يعني دا مرا عادي من غير جُرس , اما المرة دي في السعودية شكلو ح يكون اصعب واحد فيهم .
كل سنة والجميع بخير و ان شاء الله يعود علينا بالخير و الصحة و العافية .
اهلا مصعب وكل سنه وانتو طيبين من غير بكا والله في العيد الزول كان ما بعيد من اهلو ببكي خليه البعيد انشاءالله ربنا يرد غربتكم وانتو بالف خير

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »08:40 PM.


Powered by vBulletin® Version 2018
.Copyright ©2000 - 2018, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل