دفتر الحضور اليومي [ الكاتب : عبد المنعم عبد الرحيم حضيري - آخر الردود : درماس - ]       »     دعواتكم بالشفاء للأخ مــامــا... [ الكاتب : درماس - آخر الردود : درماس - ]       »     فوائد ودرر [ الكاتب : فتح الرحمن احمد - آخر الردود : فتح الرحمن احمد - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     استراحة ما بعد الظهيرة [ الكاتب : أم مؤيد - آخر الردود : علي محمد أحمد (أبورنس) - ]       »     "العافى زيها مافى والطبيب السو... [ الكاتب : عمر محمد علي ترتوري - آخر الردود : عمر محمد علي ترتوري - ]       »     عُــــدنا ***والعـــــود ‘ن شا... [ الكاتب : احمد عبدالله جقلاب - آخر الردود : عمر محمد نور - ]       »     انا استجبت للنداء [ الكاتب : ابراهيم على كرار - آخر الردود : عمر محمد نور - ]       »     وأخيرا .. الجميلابي .. حرا طلي... [ الكاتب : علي محمد أحمد (أبورنس) - آخر الردود : ابراهيم على كرار - ]       »     أصلي ما كان في مُرادي يوم أفار... [ الكاتب : ابراهيم على كرار - آخر الردود : درماس - ]       »     عفواً سونا.. بقلم الأستاذ [ الكاتب : عمر محمد نور - آخر الردود : عبد المنعم عبد الرحيم حضيري - ]       »     أول رواية عربية تبنى بمفاهيم ا... [ الكاتب : عمر قرافى - آخر الردود : عبد المنعم عبد الرحيم حضيري - ]       »     ابو ابو رنس.... ابو شيبة ... س... [ الكاتب : عبد المنعم عبد الرحيم حضيري - آخر الردود : عبد المنعم عبد الرحيم حضيري - ]       »     الدوام لله الزلال بنت الشمال [ الكاتب : ابراهيم الصيني - آخر الردود : ابراهيم الصيني - ]       »     هل إستنوق الجمل ،،، أم ماذا [ الكاتب : درماس - آخر الردود : درماس - ]       »     غلبني من اندهاشي اطلع.. بقلم ا... [ الكاتب : عمر محمد نور - آخر الردود : عمر محمد نور - ]       »     آجماعة وينن ،،،، [ الكاتب : درماس - آخر الردود : احمد عثمان بشير - ]       »     المتواجدون [ الكاتب : درماس - آخر الردود : أم مؤيد - ]       »     كـُـلـُــنـْـكـَـاكـُــولْ [ الكاتب : درماس - آخر الردود : درماس - ]       »     الكوراك والكواريك . [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > المنتدى الأدبي > مكتبة لبنى محمد وداعة
 
 

الإهداءات

إضافة رد
 
أدوات الموضوع انواع عرض الموضوع
 
 
قديم 06-05-12, 04:31 PM   #21
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: سوًي الجبنه يابنيه

دي ست جبنه حبشيه لكن طبعا ماها خجيجي


توقيع :
قايل عليك شدة وتزول ماقايلك انت علي سفر
  رد مع اقتباس
 
 
 
 
قديم 06-05-12, 11:14 PM   #22
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: سوًي الجبنه يابنيه

اقتباس:
المشاركة الأصلية كتبت بواسطة عبد الرحمن (عطبرة) مشاهدة المشاركة
سلام حلبة . . .
و الله مبالغة لكن .. انا اتخيلت روحي قاعد وسط اللمة الحلوة دي عديل و زي ما قال اخوي ابو رنس ريحة البن شاميها مع الجماعة الحلوين ديل . . . اتقريفت عديل كدي الاجيب لي قهوة من الولية القاعدي برا ديييك و ساواله شويويلات فوق عيدان و الكراسي مرصوصة و البن فوق القلاية ...
واصلي بدون فواصل و نازلين على الجرف مع ناس الشويويل و المناجل شوقتينا للبلد و ريحة الجروف
يديك العافية ...
كل الود
تسلم ياعبدالرحمن لكن ماتصدق كلام ابورنس ده وتمشي وراه ...يشم شنو ؟ هو عندو زكمه ماقاعد يشم

  رد مع اقتباس
 
 
 
 
قديم 06-05-12, 11:17 PM   #23
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: سوًي الجبنه يابنيه

اقتباس:
المشاركة الأصلية كتبت بواسطة آدم حسن آدم
غايتو قعدته سمحي تب، لكن ما بتتبلعلي ما عارف حكايتي معاها شنو....

لبنى ما تتقطعي...
وخجيجي ورفيقتة اليختن السبروق، باقي فيهو شي كدي قعد يخرش الحلِق...


حباب آدم حبابك بلا فرز ...ايي والله القعدة سمحي خلاص والعجب العجيب السبروق بالقراصة والبصل حاجة ماتدي الجمبك

آخر تعديل لبني محمد وداعة يوم 07-05-12 في 11:42 PM.
  رد مع اقتباس
 
 
 
 
قديم 07-05-12, 01:57 AM   #24
عضو مجلس الادارة





أم مؤيد غير متواجد حالياً

من مواضيعي :
افتراضي رد: سوًي الجبنه يابنيه

يديك العافية يا لبنى ىارائعة ياليتني كنت شاعرة عشان أرد ليك رد يليق بمقام قهوة خجيجي انا جربت اكتب شعر في التمانينات في جامعة القاهرة واحدي من بنات البندر استفزتني لمن قاعدين نتعارف قت ليها أنا من القرير قالت لي القرير دي شنو كمان وقعدت عصرت مخي لامن طلعت لي قصيدي تقطع المصارين لكين أدت الغرد

  رد مع اقتباس
 
 
 
 
قديم 07-05-12, 04:00 AM   #25
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: سوًي الجبنه يابنيه

اقتباس:
المشاركة الأصلية كتبت بواسطة لبني محمد وداعة مشاهدة المشاركة
دي ست جبنه حبشيه لكن طبعا ماها خجيجي


متأكدة إنها ست شاي يا لبنى .. يعني ما لصقوا ليها الجبنة وعدتها دي لصيق فوتوشوب وكدة ؟؟؟؟؟؟؟؟؟؟؟؟


توقيع :
إذا فتحــت أبواب خيــر فأقبلــوا
موائــد أهــل الله خيــر الموائــــد

*******************
  رد مع اقتباس
 
 
 
 
قديم 07-05-12, 05:23 AM   #26
عضو مجلس الادارة





أم مؤيد غير متواجد حالياً

من مواضيعي :
افتراضي رد: سوًي الجبنه يابنيه

الله يديك العافية يالبنى الموضوع رائع بس ياريت كنت شاعرة عشان أرد لك رد يناسب جبنة خجيجي السمحي دي انا مرة حاولت أكون شاعرة في التمانينات في جامعة القاهرة واحدي خرتومي استفزتني قاعدين نتعارف قت ليها أنا من القرير قالت لي القرير دي شنو كمان؟ مشيت أعصر في مخي لامن نزل لي قصيدي تقطع المصارين بقولا ليكم مرة تاني

  رد مع اقتباس
 
 
 
 
قديم 07-05-12, 11:32 AM   #27
قريرابي ماسي
 
الصورة الرمزية اشتياق القرير





اشتياق القرير غير متواجد حالياً

من مواضيعي :
افتراضي رد: سوًي الجبنه يابنيه

أشوفه ومن بعيد قاصاهو دربي
تجيب لي البن تختوا السمحى جنبي
تقولي أكب اقولها اي كبي
تقولي طبق اقولها لا تحسبي
انا بريد بُناً تسوي انتى وتجيبي
وظريف بُناً تقعدى انتى وتهبي
وسمح بناً تغسلي ليه كبابي

غايتو يا لبنى شهيتينا البن وجينا نشرب بكريى ونتنى


توقيع :
يا وطن عز الشدايد
  رد مع اقتباس
 
 
 
 
قديم 07-05-12, 12:34 PM   #28
قريرابي ذهبي
 
الصورة الرمزية محمد سليمان كارة





محمد سليمان كارة غير متواجد حالياً

من مواضيعي :
افتراضي رد: سوًي الجبنه يابنيه

لبنى اعلك بخير
والله مبالغة عديل كده بس الله يهون كل قاسى حتى لو كان مستحيل

  رد مع اقتباس
 
 
 
 
قديم 07-05-12, 01:10 PM   #29
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: سوًي الجبنه يابنيه

اقتباس:
المشاركة الأصلية كتبت بواسطة درماس
الله يديكي العافي .. سرد جميل لواقع عايشناهو في زمن جميل .
وأنا أتاريني ماني غلطان يومي الكتبت ( قمت من الصباح البلد واقفالي قدامي)
أتاريكي إنتي ممكونة مادام باريتها من الصلاة خير من النوم لامن وصلتيها حيضان الملاح .


حباب درماس الراجل الكلس ...
والله ماك براك كلنا الشوق كاتلنا ....كدي اقعد بيجاي انكبلك فنجان جبينة تعدلبها خطوتك

آخر تعديل محمد إبنعوف محمد طه يوم 07-05-12 في 02:31 PM.
  رد مع اقتباس
 
 
 
 
قديم 07-05-12, 01:20 PM   #30
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: سوًي الجبنه يابنيه

اقتباس:
المشاركة الأصلية كتبت بواسطة محمد يونس مشاهدة المشاركة
والله يا لبنى حلقتي بنا في عالم الخيال والقريفة وتوهتينا معاك بجبنه الصباح دي انتي اظنك كنتي نايمة خرمانة جبنه عشان كدي اجدتي تصوير المشهد ده والله يعين شرابين الجبنه معاك الليلي خليتيهم كل واحد مشى يفتش له جبنه يشربا والمرتو قالتلو ماني فاضي اسويها ليك هسع وهاك يا نقة وكواريك وجوطة غايتو عملتيها فيهم وماريحتيهم خاصة ناس فلان دييييلك الانتي عارفهم :d
اصلا يامحمد سبحان الله انا حياة البلد وطبيعته بتعجبني لدرجة اني في حاجات كتيرة مابكون حاضراها لكن علي حسب خيالي لروعة وجمال الطبيعة في القرير بتخيله ...ناس فلان ديلك فالهم عليهم

آخر تعديل محمد إبنعوف محمد طه يوم 07-05-12 في 02:33 PM.
  رد مع اقتباس
 
 
 
 
قديم 07-05-12, 01:23 PM   #31
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: سوًي الجبنه يابنيه

اقتباس:
المشاركة الأصلية كتبت بواسطة ود حمرى


ياسلااااااااااام ياروعة المشهد ...العنقريب والا الازيار المنديات ديل والله عاد ياهو مكان شراب الجبنة

آخر تعديل محمد إبنعوف محمد طه يوم 07-05-12 في 02:33 PM.
  رد مع اقتباس
 
 
 
 
قديم 07-05-12, 01:26 PM   #32
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: سوًي الجبنه يابنيه

اقتباس:
المشاركة الأصلية كتبت بواسطة فتح الرحمن احمد مشاهدة المشاركة
مشكوره اخت لبني علي هذا السرد الممتع
ومع اني لست من رواد القهوة ولكن
واصلت القصة لا نهايتها
و لي ناس السودان نديهم الجبنه دي


ولي ناس السعودية نديهم الجبنة دي
(من غير سكر بي تمر ساهي !! ماهم مكتفين من السكريات وحركة مافي من مكيف
البيت لي مكيف العربية :d

انا زاتي يافتح الرحمن ماني بالحيل علي الجبنة لكن بس بتعجبني طقوسه وجمال جلساته

آخر تعديل محمد إبنعوف محمد طه يوم 07-05-12 في 02:34 PM.
  رد مع اقتباس
 
 
 
 
قديم 07-05-12, 02:36 PM   #33
مراقب
 
الصورة الرمزية محمد إبنعوف محمد طه





محمد إبنعوف محمد طه غير متواجد حالياً

من مواضيعي :
افتراضي رد: سوًي الجبنه يابنيه

انا شخصيا الجبنة ماني من ناسها - خاصة جبنة تسويها انتي وتغسل اديك كبابيها - لكن فترتيني بالتاء المربوطة ( لي يومين اعدّل )


توقيع :
اطلق عواصفك الكبرى مدوية = فقد طمى الخطب حتى غاصت الركب
لا يبلغ المجد شعب في مراجعه =يستأسد الذئب أو يسترأس الذنب
  رد مع اقتباس
 
 
 
 
قديم 07-05-12, 03:26 PM   #34
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: سوًي الجبنه يابنيه

اها من محلها داك لبست توبه وربطتلها شيتاً في خلالة التوب وصرتو اتقول علي وديعات والله اعلم و هناك في حوشهم في قفيفة فيها تميراتن صُفر شالت منهن في كويرية ومرقت علي الشارع وهي تكورك بي صوت عالي ...سعاد ...ياسعاد قالتلها هوي قالتلها امرقاكي ...
لاقته سعاد علي الشارع ومن شدة ماها مستعجلي توبه مالبستو سمح نصو جاراهو بالواطة ومرقن باقي عندهن جبنة وونسي بسونها بعد الفطور ...
ماشات في الشارع وياديك الونسي شي قطيعي وشي شمارات وشي خبارات ادتن خجيجي لي سعاد ماسمعت بيهن ...ماشااااااات والونسي دي في السماء وبي صوت عالي الا الفيها القطيعة بي صوت واطي وهن في الحال ده لاقتن ام الحسين من الشارع اللافوق وكمان كملت عليهن الحكاية....
دخلن علي البيت والتلاتة بي صوت واحد ...سلام عليكم ...سلام جاكم
اللمة عند بنت احمد عندها برندة طوييييييييييلة وبي ركائز تشيلها 9 عناقريب ماشاءالله وبااردي الهواء داخلها من هنا ومن هناك باباته براهن 3 ومن علي الجهة اليمين قايمة شجرة تمر كبيرة وتحته مزيرة فيها 4 ازيار وزيرين مدفونات في الواطة زي حقات ودحمري ديلك والبراميل 2 حقات حديد مليانات لي خشمهن ومغطيات ومن فوق للغطاء الجك قاعد والمزيرة والله شدة ما الازيار ساقطات تحلف تقول فيها مكيف هي اصلها حقت طين لكن سمحة وتحت واحد من الازيار بت احمد خاتاله شوالة فيها خضار وبامية وسلطة وبالجمبة منقاياتن صفففففففففر والنقاع شغال طق طق طقطق طق (ما شاء الله) الحريمات اتلملمن مافضلت مرة بتول وفاطني وناديي ورقيي وفتحيي وبت حسن وبت الحاج و ام الحسن وسامية وكتار اصلن لامن مابتحسبن وقعدن ماشاءالله البرندة دي من كواريكن دايري تطيير فر ...
بت احمد طبعا اخر بسطة داخلي ومارقي تلقط في عدت الجبنة وتجيب وتهبش دي بي كلمة وترد علي ديك جهزت عدتها كلها من البمبر والكانون والهبابة والقلاية والشرقرق والكمشة والفندك واليد والفناجين والسكر والمعلقة والمبخر وجبنة الطين الماخمج والوقاية وعلبة بخور التيمان والبخور الحلو ختتن كلهن في طربيزة زي الصندوق من الخشب وكوركت في بت ابراهيم ...هي ماخلاص قومي علي جبنتك دي نارك دي ماهبدت بت ابراهيم قامت وهي تقول غايتو دي نجاض مابتخليله زول يقول شي عليك الله يابخيتي تعالي جمبي جاي تميلي الكلام ده وقامت وراها بخيتي وانتكت في العنقريب القريب للبمبروتاني رمن راسن سوا وقرقر وقرقر ..
بيغادي في طرف البرندة من لاغادي قاعدات خجيجي وسعاد واحلام بت الملوك وبت علي وام عزام وبت نوري في الودع ( ماقلتلكم قبيل الصرتو خجيجي ده ودع ) قاعدات اصلن ماواعيات بالدنيا خجيجي تكضبلهن ساااااكت وهن فرحانات في الودع حمدك ...الودع حمدك والشيل التقيل ده شنو ؟ لااقوليك هدوم لااقولك مواد غذائية يازولة كان ماباقيلي كضب دي شيلة جاياكم في بيتكم وسعاد تشيلك الزغروتة وايوووووووي ايووووي وتتمها بي ضحكة وكلهن يضحكن ...بت ابراهيم مابتحب الشمارات ...هيييي مالك في شنو ؟ قالولك جاك عريس ؟
اما عاد جماعة الطاب البيجاي ديل اصلن ماجايبات للدنيا خبر في طابن ده مفرشات برش السعف وقاعدات فيه والباقيات جمبهن راجيات الدور يجيهن ...
بت احمد دي عندها شافع مسلط خلاص مشي علي الزريبة ومرق الحميل وزاكيهو بالحوش الحمل يجري ويبرطع وهو وراهو وامو تكوركلو ياولد المرض اليازاك والله الليلي ماتدخل الحمل ده شوف اسويلك شنو ؟ سمح سمح يا محُمد اصبر لامن ابوك يجي ومحُمد طبعا ولا شغال بيها كتير ماعارفه من محلها داك مابتقوم وكل يوم قاعدي تقولو كدي ...لكن صحي محُمد مضُر هو والحمل حفرو الحوش كله يايمة الكانت الرملة دي نضيفة ومواسية بالشوال جارنها ...
تعالي تعالي يا ليلي شيلي البن ده لفلفيه علي الحريمات ديل وتقوم ليلي وتلف بيه عليهن كلهن يشمنو وتجيبو ليها راجع ويلا تخت الفندك والمدق وتكب البن والجنزبيل وتدق ...الدق طبعا بي نغمة الجك جك جك الجك ...الدغفلي قلبي اتقطع الدغفلي قلبي اتقطع وتاني تقلب الايقاع اسرع شوية ...يا اللوري تشيل منو بلا بنات نوري تشيل منو ؟
ومويته في الشرقرق تقول ياليل وتكب البن وتجهز فناجينه وتكب الجبنة البكر للحريم وتبدا تجهز في التني باقي الا يتنن الجبنة ...شربن جبنتن ديك بي تميرات خجيجي الصفر الماخمج وكمان التومي جايباله ترمس سممممممممح من حاجة الرويضة اكلن تمام واتونسن وضحكن لامن الضهر أذن وقامن علي حيلن قالن ماشات ...لملمن العدِّي و قشقشن الواطة من حصحاص التمر وقِرْف الترمس وضايرلها المكان سمح ومشت سعاد وفاطني شربلهن ميهيتن ساااااقطي من المزيرة ودنقرت فاطني شالتلها منقايي في طرفه دايري تمشي تاكله بي مزاج ومرقن وكلهن سعادة ...
الجبنة من اكتر القعدات المحببة للحريم بالذات لكن شكل القعدات بختلف من الجنوب للشمال للغرب للشرق ...اها بمشي واجيكم واشرحلكم حق كل منطقة براها ...ودعتكم الله وبجيكم صادي

آخر تعديل محمد إبنعوف محمد طه يوم 08-05-12 في 11:13 AM.
  رد مع اقتباس
 
 
 
 
قديم 07-05-12, 03:38 PM   #35
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: سوًي الجبنه يابنيه





آخر تعديل لبني محمد وداعة يوم 08-05-12 في 12:41 AM.
  رد مع اقتباس
 
 
 
 
قديم 08-05-12, 12:24 AM   #37
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: سوًي الجبنه يابنيه

الجبنه في غير السودان عندها انواع واستخدامات ومسميات مختلفه لكن في السودان ياها يا الجبنه يا القهوه ...كدي انشوف بره بعملو منها شنو وبسموهن شنو ؟

منقــــــــــــــــــــــــــــــــــــــول
القهوة التركيه
المقادير
فنجانين ماء
ملعقة صغيرة سكر (او بدون حسب الرغبة)
ملعقتين صغيرتين من البن قهوة مع هال مطحون او بدون
الطريقة
ضعي الماء في ركوة صغيرة و أضيفي السكر والبن وحركي على نار معتدلة الحرارة
عندما تغلي القهوة خففي النار واغلي لمدة دقيقة مع رفع الركوة واعادتها
قدمي القهوة التركية ساخنة


قهوة تركية بالكاكاو
كوبين حليب مراعي + ملعق صغيره كاكاو + ملعقتين صغيرتين قهوة تركيةنخليها تغلي وتصفى عند التقديم في اكواب وممكن نضربها في الخلاط الكهربائي اذا حبينا تكون لها رغوه

القهوة الخليجية
المقادير
فنجانين بن قهوة مقلية بدرجه فاتحه وخشنه
ملعقتين صغيرتين هيل
نصف ملعقة صغيرة زعفران
ملعقتين طعام ماء ورد
لتر ماء
الطريقة
يغلى الماء ثم تضاف القهوه وتغلى ثلاث مرات
وتترك جانبا لدقائق حتى ينزل التفل في قاع الاناء
ضعي الهال والزعفران وماء الورد في الدله واسكبي فوقها القهوة

كابوتشينو
المقادير:
علبة حليب نستلة مركز- 4اكواب ماء مغلي – علبة قشطة – 1/2ملعقه صغيره كاكاو -1/2 ملعقه صغيره نسكافي
توضع في الخلاط وتخفق جيدا حتى تتكون رغوة كثيفة ثم تصب في اكواب ويزين الوجة بالنسكافي


كابتشينو2
المقادير
!- فنجان قهوه سـكر
2- فنجان قهوه نسكافيـه
3- فنجان قهوه مـــــاء
الطريقة
توضع في خلاط البيض الى ان تصبح رغــوه
يغلى حليب ( اي حليب باستثناء الصافي واذا ثبت المراعي) حسب الرغبة
_ يوضع مقدار ملعقة من الرغوة في كل كوب ثم يصب الحليب المغلي من الاعلى ( يعنى من ارتفاع بسيط عن الكوب
ثم على الوجه قليل من بودره الكاكاو او قليل من النسكافيه

رغوة الكابتشينو
المقادير:
فنجان نسكافيه
فنجان سكر
فنجان ماء بارد
الطريقه:
توضع المقادير مع بعض وتضرب بالخلاط الكهربائي لين تصبح عندي الرغوة واقدمها مع الحليب بعد التسخين
( هذي الخلطة تجمد في الفريزر وتستخدم وقت اللزوم)


القهوة الفرنسية
ايس كريم فانيللا ( سيحيها على نار هادئة الى ان تسخن قبل الغليان ) سيحي ما يكفي نصف كوب
2-3 ملعقتين صغار كوفي ميت
ملعقة نسكافيه
مكسرات ( لوز+ كاجو+ فستق+ فول سوداني او اي مكسرات تحبيها) قطعيها قطع صغيرة
نصف كوب ماء مغلي

اضعي ( كوفي ميت+ نسكافيه) في كوب ثم اضيفي الايس كريم و اخلطي جيدا
اضيفي الماء المغلي مع التقليب وفي النهاية اضيفي المكسرات


قهوة المارس
1ملعقه متوسطه نسكافه+2ملعقه متوسطه كوفي ميت+1مارس الحجم الكبير+كاس ماء مغلي+سكر حسب الرغبه.تخلط جميع المقادير بخلاط الكاس الكهرائي ثم يجمل بمبشور كاكاو فليك.ملاحظ:ممكن استبدال المارس ب جالكسي كراميل أوكاكاو أولكر المربعات أواي نكهه
خليط شراب الموكا بالتوفي .


الشكولتةالساخنة
المكونات:
- 3 كوب لبن.
- 13 كوب شيكولاته مفرومه ( نصف محلاة)
- 1 ملعقة طعام سكر أبيض.
- 12 ملعقه صغيرة قرفة.
- بيضه واحدة.
الطريقه:
1- ضعى اللبن في المايكرويف وقومى بتسخينه على المستوى العالى لمدة دقيقتين
ثم قومى بمزجه مع الشيكولاته والسكر والقرفة في إناء صغير. تخفق البيضة
حتى تنعم ثم تضاف إلى خليط الشيكولاته.

2- أعيدى الخليط إلى المايكرويف وشغليه لمدة 3 أو 4 دقائق على المستوى العالى
أو حتى يصبح ذو رغوة كثيفة ( كونى حذرة ولا تترك الخليط حتى درجة الغليان)
ثم قومى بصبه في 3 أقداح.. ويمكن تزيين الوجه برش القرفة على حسب الرغبة


خليط الكــــاكاو الساخن .
8ملاعق ونصف كوب حليب بودرة + كوب ونصف مبيض القهوة بودرة + 3 أكواب كاكاو بودرة + كوب ونصف سكر ناعم .
تخلط المقادير كلها وتحفض في وعاء زجاجي محكم .
لعمل الشراب .. يخلط نصف كوب من الخليط السابق مع كوب ونصف الكوب ماء مغلي . وممكن زياده السكر حسب الرغبه


قهوة موكا
المقادير:

ـ 5 ملاعق من قهوة نسكافيه
ـ ملعقة سكر بني ناعم
ـ نصف لتـر مـن الحـليب الكـامل الدسم
ـ قطعة شكولاته سوداء مفتتة لأجزاء صغيرة
ـ كوب من الكريمة الكاملة الدسم
ـ قطع ثلج للتقديم.
طريقة التحضير:
1 ـ ضعي القهوة في الابريق مع نصف لتر من الماء المغلي والسكر حركي المقادير جيدا ثم اتركيها جانبا لتبرد
2 ـ في انتظار ذلك ضعي الحليب والشكولاته في حلة متوسطة حتى تذوب الشكولاته تماما ضعي هذا الخليط في وعاء مقعر، ثم اضيفي اليه القهوة
3 ـ حركي المقادير جيدا، ثم اتركيها تبرد في الثلاجة لساعة كاملة ضعي قطع الثلج في أربع كؤوس من كؤوس التقديم
4 ـ أعيدي خلط المقادير من جديد جيدا، ثم وزعيها داخل أكواب التقديم، وقبل تقديمها للضيوف زينيـها بالكريمة الكـاملة الدسم.


شراب الموكـا بالقرفه .
كوب نسكافه + كوبين من خليط الكاكاو السابق ذكرة + كوبين من منيض القهوة + ملعقه صغيرة قرفه + ملعقه صغيرة جوزة الطيب + كوب ونصف سكر .
تخلط المقادير وتحفظ .
لعمل الشراب ... 4 ملاعق صغيرة مع كوب ماء مغلي .


نسكافي خيااال
المقادير والطريقه :
لكل كوب ماء ساخن ملعقة صغيرة نسكافي و2 ملعقه صغيره سكر تخلط في نفس الكوب
مع 2ملعقه صغيره ماء ساخن وتخلط جيدا حتى يصبح الخليط فاتح قليلا ثم يصب عليه الماء المغلي ويحرك بسرعة
نضع على وجة كل كوب قليل من الكريمة وبواسطة عود خشب تحرك الكريمة على الوجة حتى تمتزج وتاخذ شكل دائري ذو لونين متداخلين


نسكافيه جديد روعه
المقادير :
لكوب واحد
1 ملعقه شاي نسكافيه
2 ملعقة شاي كوفي ميت
رشة قرفه
1 مارس ونقطعه 3-4 قطع
ماء مقدار كوب مغلي
كاكاو مبشور او جالكسي للزينة
الطريقه :
ضعي في الابريق (النسكافيه - الكوفي ميت - الفرقه - وقطعتين من المارس - الماء المغلي)،، وقلبيها على النار الى ان يذوب المارس..

في الكوب نضع باقي المارس.. ونصب عليه الكوفي ..ونزينها بالكاكاو او الجالكسي اذا اردتي

  رد مع اقتباس
 
 
 
 
قديم 10-05-12, 02:58 PM   #39
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: سوًي الجبنه يابنيه

اقتباس:
المشاركة الأصلية كتبت بواسطة أم مؤيد
يديك العافية يا لبنى ىارائعة ياليتني كنت شاعرة عشان أرد ليك رد يليق بمقام قهوة خجيجي انا جربت اكتب شعر في التمانينات في جامعة القاهرة واحدي من بنات البندر استفزتني لمن قاعدين نتعارف قت ليها أنا من القرير قالت لي القرير دي شنو كمان وقعدت عصرت مخي لامن طلعت لي قصيدي تقطع المصارين لكين أدت الغرد

ام مؤيد ياراقيه كونو احساساتك الشعريه تتحرك في لحظة غيره علي البلد دي براها كفايه واجمل من كدي مافي لكن عليك الله كدي اعصري مخك تاني واذكريها لينا عشان مصارينا كمان تتقطع انا بمشي اسوي ليك جبنه تظبط ليك راسك عشان تذكريها....

  رد مع اقتباس
 
 
 
 
قديم 10-05-12, 03:07 PM   #40
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: سوًي الجبنه يابنيه

اقتباس:
المشاركة الأصلية كتبت بواسطة عبد المنعم عبد الرحيم حضيري مشاهدة المشاركة
متأكدة إنها ست شاي يا لبنى .. يعني ما لصقوا ليها الجبنة وعدتها دي لصيق فوتوشوب وكدة ؟؟؟؟؟؟؟؟؟؟؟؟
كيف متاكده انها ست شاي ؟ هي ست جبنه اول شي وتاني شي امكن تكون لصقوا ليها وكدي لكن المهم انها ماخجيجي ام فستانآ مكشكش ديك ...عليك الله ياعبد المنعم رائك شنو في جبنته دي ؟ والله دي كان لموا فيها ناس كدي من جمبها ما يقومو....( انا ماقلت ودابنعوف ولا سليمان )

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »01:23 AM.


Powered by vBulletin® Version 2017
.Copyright ©2000 - 2017, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل