دفتر الحضور اليومي [ الكاتب : عبد المنعم عبد الرحيم حضيري - آخر الردود : درماس - ]       »     دعواتكم بالشفاء للأخ مــامــا... [ الكاتب : درماس - آخر الردود : درماس - ]       »     فوائد ودرر [ الكاتب : فتح الرحمن احمد - آخر الردود : فتح الرحمن احمد - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     استراحة ما بعد الظهيرة [ الكاتب : أم مؤيد - آخر الردود : علي محمد أحمد (أبورنس) - ]       »     "العافى زيها مافى والطبيب السو... [ الكاتب : عمر محمد علي ترتوري - آخر الردود : عمر محمد علي ترتوري - ]       »     عُــــدنا ***والعـــــود ‘ن شا... [ الكاتب : احمد عبدالله جقلاب - آخر الردود : عمر محمد نور - ]       »     انا استجبت للنداء [ الكاتب : ابراهيم على كرار - آخر الردود : عمر محمد نور - ]       »     وأخيرا .. الجميلابي .. حرا طلي... [ الكاتب : علي محمد أحمد (أبورنس) - آخر الردود : ابراهيم على كرار - ]       »     أصلي ما كان في مُرادي يوم أفار... [ الكاتب : ابراهيم على كرار - آخر الردود : درماس - ]       »     عفواً سونا.. بقلم الأستاذ [ الكاتب : عمر محمد نور - آخر الردود : عبد المنعم عبد الرحيم حضيري - ]       »     أول رواية عربية تبنى بمفاهيم ا... [ الكاتب : عمر قرافى - آخر الردود : عبد المنعم عبد الرحيم حضيري - ]       »     ابو ابو رنس.... ابو شيبة ... س... [ الكاتب : عبد المنعم عبد الرحيم حضيري - آخر الردود : عبد المنعم عبد الرحيم حضيري - ]       »     الدوام لله الزلال بنت الشمال [ الكاتب : ابراهيم الصيني - آخر الردود : ابراهيم الصيني - ]       »     هل إستنوق الجمل ،،، أم ماذا [ الكاتب : درماس - آخر الردود : درماس - ]       »     غلبني من اندهاشي اطلع.. بقلم ا... [ الكاتب : عمر محمد نور - آخر الردود : عمر محمد نور - ]       »     آجماعة وينن ،،،، [ الكاتب : درماس - آخر الردود : احمد عثمان بشير - ]       »     المتواجدون [ الكاتب : درماس - آخر الردود : أم مؤيد - ]       »     كـُـلـُــنـْـكـَـاكـُــولْ [ الكاتب : درماس - آخر الردود : درماس - ]       »     الكوراك والكواريك . [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > المنتدى الأدبي > مكتبة لبنى محمد وداعة
 
 

الإهداءات

إضافة رد
 
أدوات الموضوع انواع عرض الموضوع
 
 
  #1  
قديم 09-02-13, 09:47 PM
الصورة الرمزية لبني محمد وداعة
لبني محمد وداعة غير متواجد حالياً
مراقب
 





افتراضي عديل المدآرس

يااااااااربي بلقالي ملاح اخضر بي تحت كدي انقوم اندله اشوف الحاصل شنو ؟
قامت من عنقريبه يالطيف يالطيف ولبست توبه وشالت قفته واندلت وهي في مشيها داك لاقته امونة
حاجة فاطني : امونة سلام
حبابك الحاجي
حاجة فاطني اندلت وجابت الملاح وجاءت طالعي بي درب الحفير التحت لاقاها ولد عبدالله البقولولو محُمد كوركتلو حاجة فاطني .
انت ياالمسنوح مالك مامشيت مع الوليدات علي المدرسة
انا تعبان وعندي وجع ضهر من شيل التراب والطين
نان يايابا هم الببنولكم ديل مابتعبو ؟ والا بصلحو في المدرسة لي رقبتن
طبعا طنطن الكلام ماعجبو ...ماشي اجيبلي مرهم امسحو في ضهري وبمشي عليهم
حاجة فاطني فركت ملاحه وعاست قراصته وقطعت بصلته وسوتلها شعيرية وختتن كلهن في العمود وتنضف فيه .....تسمع صوت اسماعين من بعيد يم يماا
هوي ابوي تعال شيل الفطور جاهز
اسماعين باقي شغال مع الاولاد في المدرسة وجاء عليه حالة ...لابس الفنيلة والسروال الطويل مليان طين والكرعين الله لاوراك منظرن ....
اسماعين الليلي الشاي علي منو ؟
ناس ابنعوف
والجبنة ؟
ناس التومي بت الرشيد
امش يايابا الله يديكم العافي ويخضر ضراعكم
طبعا ده نفير عاملنو عشان يصلحو المدارس ما شاء الله ناس البلد كبار وصغار حريم ورجال بنات وولاد كلهم مشاركين فيه والاكل عاملنو علي البيوت واحدين عليهم الفطور وواحدين عليهم الغداء وواحدين الشاي والجبنة والمويي الساقطي ....
شال فطورو وقام جاري جري
بعد الفطور غسلتلها تمرات وشالتن في الكورية والموية الساقطي في الحفاظة وقامت علي المدرسة ...
من داخل المدرسة :-
ما شاء الله الرجال فطروا ولموا الفرشات والبنيات شالن العدي مشن هناااااك في ركن المدرسة يغسلن العدي والوليدات جابو القهوة والشاي وقعدو يكبو فيهن لي الجماعة ...الحريم والله ماقصرن يلمن في الوسخ في الشوالات ويضايرن في المكان
احمد ود محجوب شايل كباية شايو ومتكي علي صفحتو في الفرشه: ياولد الطاهر كب الموية فوق الطين ده فشان يتبلَّ لامن نقوم عليه . والتلاميذ ماشاءالله يجيبو في الطوب من برة يجو اتنين ماشين واتنين جايين والببالغ فيهم شايلو تلاتة طوبايات والضحك شارطهم غايتو مسونو شي لعب وشي ضحك لكن برضو شغالين ...والاساتذة والله كان تشوفوهم الاستاذ بالعراقي والسروال ماتقولو داك الافندي الشايل الكتاب والطبشيرة داك ...
لكن والله الجماعة شغالين قامو بعد شربو شايهم المشي علي طينو والطلع في سقالتو والمشي يجيب الموية بالجوز والله يديهم العافي وهم في تعبهم داك واحدين يغنوا وواحدين يمدحو وحُمَّد خير ود عبدالله يحكيلهم في القصص ويموتوا من الضحك وشابكنو الله يجازي محنك يا حُمَّد خير ...
ومعاهم ولادن كتار كدي باقيلي جايين من لافوق غايتو لابسلهم قميصات وبناطلين هم من ولاد البلد لكن مااظنهم ساكنين هنا مشت ستنا تجيبلها مويي من جمب الماسورة لقت ود عبادي سالته انت يا ود عبادي دحين الولاد اللمبارح جو بي الهايس ديل وطوااااالي نزلو معاكم في الشغل ديل منو ؟ ديل ديييييييييل ياستي ولدا لي حمد سعيد ود دفع الله وولدا لي شرف الدين وديلك من القوز ...من القوز ولاد منو ؟
مابتعرفيهم ياستنا عليك الله ماتنجضيني بالكلام الكتير انا راجني بالمويي
عليييييك الله ولاد منو؟
واحد يقولولو ود ابنعوف وواحد يقولولو ودحمري وديلك من حي السوق ناس عثمان ود محمد ود عثمان وابدقيني ده اسمو عمر قرافي ...اها عرفتيهم
بري يايابا ولا سمعتبن الا باقيلي ود محمد عثمان ده زي البعرفو دحين ماهو اخو عبود الفنان
بسسسسسسس ياهو زاتو كتلتيهو كتلي والباقين ديل كلهم من اولادنا ما شاء الله عليهم كلهم جايين فشان كلام المدارس ده وكمان القروش دي كللللللللها دافعنها هم
هم منو ؟ عليك الله هم منو ؟
ود عبادي ياولد انت المويي دي مشيت تجيبه من الحفير ؟
جايي جايي
عليك الله وريني هم منو وامش ؟
ديل ولادنا المغتربين في بلاد بره لموا القروش ورسلوها كتااااار معاهم قالوا ناس ولداً للشيخ اسمه عمر ومامان ود المدير وناس ود جقلاب ودرماس وبدوي عكود وود حضيري وواحد اسمه ود النقي ومعاهم قالو ود عكود البقولولو ابو القاسم وكمان واحد من المحارقة اسمه محُمد وود نفيسي وود يونس وكمان بابكر ود حسين يازولة الناس ديل كتار مابقدر احسبهم ليك هم اصلهم قالوا بلمهم شي كدي يااااااربي اسمه شنو؟ بجيبوهو في الشي الزي التلفزيون ده ايييي اييي عرفته اللابتوب في كلام بقولولو منتدي القرير ....
بلالالالالالالالالاهي هو اصلو ياهو كدي
اييي ياهو كدي ود عبادي شال جركانتو وقبل ماشي لي غادي وهي شالت جردله وماشي رجع كوركلها
ستنا ستنا ...
هوووي
اسمعي بعد يومين من المدارس ماتتصلح وتبقي سممممممحيي قالوا ناس التلفزيون بجو يصورونا كلنا ويجيبونا في التلفزيون ...
في ضمتك قالو كدي
ايي قالو كدي اليوم داك امشي غيري توبك الفريد ويحيد ده عشان يصوروك ...
ستنا فرحانيي ...واحلالنا واحلالنا
ودعبادي ماشي ويضحك عليها ..الله ينعلك ياالبومي عاملي وشك الشين ده والله يصوروك الا التلفزيون كهربتو تقطع ...
ستنا جرت جري وتشت الشمار لي البنيات وكلهن فرحن وضحكن واتشجعن لي الشغل زيادي ....وساعة خلاص لمن عدتن وراجعات علي بيوتن ...ستنا كوركت لي السرة
السرة بكرة الصباح بجيك تختيلي مشطتاً سمحي عشان بصوروني في التلفزيون ...
سمح الله يحينا والموت يخلينا ويجعلنا من ناس الصباح

من مواضيعي :

توقيع :
قايل عليك شدة وتزول ماقايلك انت علي سفر
آخر تعديل لبني محمد وداعة يوم 11-02-13 في 04:47 PM.
رد مع اقتباس
 
 
 
 
قديم 09-02-13, 10:25 PM   #4
عضو مجلس الادارة
 
الصورة الرمزية عمر الشيخ محمد حسن





عمر الشيخ محمد حسن غير متواجد حالياً

من مواضيعي :
افتراضي رد: عديل المدآرس

لك التحية إبنة عمتى وللأسرة

ماشاء الله عليك خيال وآسع وملكة إبدآعية فى صياغة الدرآما وتصور حى لشخوص من الوآقع المُعاشلما يُمكن أن يحدُث لحُلُم نتمنى أن يتحقق .. ولذلك أتمنى أن تستمرى فى مثل هذه الكتابات التى تُبشر بميلآد كاتب نصوص دآرمية يمكن أن يتم تمثيلها على خشبة المسرح ومشوآر الألف ميل يبدأ بخطوة وها أنت قد بدأت هذه الخطوة ونحن نُشجعك على الإستمرآر .. الله يديك العافية ..
كسرة :
أرجو أن تُضيفى لهذا النص الدرآمى يوم وصول قافلة العديل من الخرطوم وعلى رأسهم الأستاذ / طارق الأمين ومعه شباب الهيلآهوب والفنانيين التشكيليين وإستقبال أهل القرير لهم رجالاً ونساءاً شيباً وشباباً وأطفالاً وبدآية عملهم فى الطلآء والتزيين للمدآرس بمصحابة الغناء والموسيقى وذلك كى تكتمل اللوحة..
مشكورة على هذا الإبدآع .. تحياتى ..


توقيع :

جس الطبيب خافقي
و قال لي : هل هنا الألم ؟ قلت له : نعم ..
فشق بالمشرط جيب معطفي و أخرج القلم !!!
هز الطبيب رأسه !!! و مال وابتسم و قال لي : ليس سوى قلم !!!!
فقلت : لا يا سيدي !! هذا يدٌ و فم .. رصاصةٌ و دم ..
وتهمةٌ سافرةٌ .. تمشي بلا قدم ..







  رد مع اقتباس
 
 
 
 
قديم 10-02-13, 10:32 AM   #5
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: عديل المدآرس

اقتباس:
المشاركة الأصلية كتبت بواسطة عمر الشيخ محمد حسن مشاهدة المشاركة
لك التحية إبنة عمتى وللأسرة

ماشاء الله عليك خيال وآسع وملكة إبدآعية فى صياغة الدرآما وتصور حى لشخوص من الوآقع المُعاشلما يُمكن أن يحدُث لحُلُم نتمنى أن يتحقق .. ولذلك أتمنى أن تستمرى فى مثل هذه الكتابات التى تُبشر بميلآد كاتب نصوص دآرمية يمكن أن يتم تمثيلها على خشبة المسرح ومشوآر الألف ميل يبدأ بخطوة وها أنت قد بدأت هذه الخطوة ونحن نُشجعك على الإستمرآر .. الله يديك العافية ..
كسرة :
أرجو أن تُضيفى لهذا النص الدرآمى يوم وصول قافلة العديل من الخرطوم وعلى رأسهم الأستاذ / طارق الأمين ومعه شباب الهيلآهوب والفنانيين التشكيليين وإستقبال أهل القرير لهم رجالاً ونساءاً شيباً وشباباً وأطفالاً وبدآية عملهم فى الطلآء والتزيين للمدآرس بمصحابة الغناء والموسيقى وذلك كى تكتمل اللوحة..
مشكورة على هذا الإبدآع .. تحياتى ..
تشكر ياود الخال
اصلا الفكره عندي لكن قلت بعد ما الناس تبدا في تحقيق هذا الامل الماصعب ولما تجي قريب من المرحله النهائيه ...
الله يديكم العافيه ويخضر ضراعكم

  رد مع اقتباس
 
 
 
 
قديم 10-02-13, 12:36 PM   #7
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: عديل المدآرس




آخر تعديل لبني محمد وداعة يوم 11-02-13 في 05:03 PM.
  رد مع اقتباس
 
 
 
 
قديم 11-02-13, 07:27 AM   #8
قريرابي ماسي
 
الصورة الرمزية الجميلابي





الجميلابي غير متواجد حالياً

من مواضيعي :
افتراضي رد: عديل المدآرس

و الله خطيره يا لبنى ... التقول حاضره زمن التركية ( ماشاء الله )

---------------------------------------------------------------------------

اقتباس:
المشاركة الأصلية كتبت بواسطة لبني محمد وداعة مشاهدة المشاركة

غايتو أكان ده ياهو فطور (أم العريس ) أقصد عديل المدارس يانا الماشين عليهم تب


توقيع :
إن غبت عن المآقي .. فروحك ستظل حاضرة أبداً بيننا .. أيها الحبيب مجاهد الرفاعي
  رد مع اقتباس
 
 
 
 
قديم 11-02-13, 12:01 PM   #9
مراقب
 
الصورة الرمزية محمد إبنعوف محمد طه





محمد إبنعوف محمد طه غير متواجد حالياً

من مواضيعي :
افتراضي رد: عديل المدآرس

انت يا سليمان لبنى دي ما عندها مكتبة ليه ؟؟؟؟ !!!!


توقيع :
اطلق عواصفك الكبرى مدوية = فقد طمى الخطب حتى غاصت الركب
لا يبلغ المجد شعب في مراجعه =يستأسد الذئب أو يسترأس الذنب
  رد مع اقتباس
 
 
 
 
قديم 11-02-13, 01:56 PM   #10
الادارة الفنـــــية
 
الصورة الرمزية ابوالقاسم عكود





ابوالقاسم عكود غير متواجد حالياً

من مواضيعي :
افتراضي رد: عديل المدآرس

والله يا لبنة مبدعة رسمي .

الله يعدل المدارس ويعدل الحال ....

لكن عواستك عينة .... ما تقولي لي .


توقيع :
وللأوطان في دم كل حر
يد سلفت ودين مستحق
  رد مع اقتباس
 
 
 
 
قديم 11-02-13, 03:29 PM   #11
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: عديل المدآرس

اقتباس:
المشاركة الأصلية كتبت بواسطة الجميلابي مشاهدة المشاركة
و الله خطيره يا لبنى ... التقول حاضره زمن التركية ( ماشاء الله ):d

---------------------------------------------------------------------------


غايتو أكان ده ياهو فطور (أم العريس ) أقصد عديل المدارس يانا الماشين عليهم تب
التركيه وما قبل التركيه ....
انت بس طوالي تبقي قايم وان علي الفطور بنسويهو ليك

  رد مع اقتباس
 
 
 
 
قديم 11-02-13, 05:11 PM   #12
المشرف العام
 
الصورة الرمزية سليمان عبد الله محمد نور





سليمان عبد الله محمد نور غير متواجد حالياً

من مواضيعي :
افتراضي رد: عديل المدآرس

اقتباس:
المشاركة الأصلية كتبت بواسطة محمد إبنعوف محمد طه مشاهدة المشاركة
انت يا سليمان لبنى دي ما عندها مكتبة ليه ؟؟؟؟ !!!!

شوفي بتاع اللخابت ده يا لبنى ..
والله يا لبنى ما يغفل مجهودك الا عميان ..
ربنا يوفقك ويعدلها عليك شقيش ما تقبلي ..
كتر الف خيرك


توقيع :



  رد مع اقتباس
 
 
 
 
قديم 12-02-13, 09:18 AM   #13
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: عديل المدآرس

اقتباس:
المشاركة الأصلية كتبت بواسطة محمد إبنعوف محمد طه مشاهدة المشاركة
انت يا سليمان لبنى دي ما عندها مكتبة ليه ؟؟؟؟ !!!!
انت ياسليمان مابترد علي ود ابنعوف ده مالك ؟

  رد مع اقتباس
 
 
 
 
قديم 12-02-13, 10:27 AM   #14
قريرابي مميز
 
الصورة الرمزية هناء الياس





هناء الياس غير متواجد حالياً

من مواضيعي :
افتراضي رد: عديل المدآرس

والله يالبني ماشالله عليك ماقصرتي معانا خااااااااااااااااااالص ان شالله في ميزان حسناتك جد القصه حلوه والصوره روعه شديد لو في زياده ما بناباها من الصور


توقيع :
رغم العلم اطور لاكين مافي علي الاطلاق دكتور يفحص وجع الريده ويدي مسكن للاشواق
  رد مع اقتباس
 
 
 
 
قديم 12-02-13, 09:07 PM   #15
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: عديل المدآرس

اقتباس:
المشاركة الأصلية كتبت بواسطة ابوالقاسم عكود مشاهدة المشاركة
والله يا لبنة مبدعة رسمي .

الله يعدل المدارس ويعدل الحال ....

لكن عواستك عينة .... ما تقولي لي .
اي ابداع واي روعه اقتبستها منكم ومن هذا البيت الانيق (المنتدي )
وعواستي لازم تكون عينة دي ماحاجه فاطنه وطبعا عواست اماتنا زمان مازي هسه بتاعت البوتجاز وصاج الكهرباء ده ....

  رد مع اقتباس
 
 
 
 
قديم 13-02-13, 09:51 AM   #16
قريرابي ماسي
 
الصورة الرمزية محمد خليفة حمد محيريق





محمد خليفة حمد محيريق غير متواجد حالياً

من مواضيعي :
افتراضي رد: عديل المدآرس

مبدعة مبدعة مبدعة ورائعة يا لبنى .. أعملى حسابك واتبخرى باللبان الضكر الجماعة ديل ما يسحروك . ومنى أنا ما شاء الله والصلاة على النبى وعينى باردى مانى حاسد


توقيع :
محمد خليفة حمد.... Mohamed khalifa hamed
  رد مع اقتباس
 
 
 
 
قديم 13-02-13, 01:00 PM   #17
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: عديل المدآرس

اقتباس:
المشاركة الأصلية كتبت بواسطة سليمان عبد الله محمد نور

شوفي بتاع اللخابت ده يا لبنى ..
والله يا لبنى ما يغفل مجهودك الا عميان ..
ربنا يوفقك ويعدلها عليك شقيش ما تقبلي ..
كتر الف خيرك


ده احييييييي عليه

  رد مع اقتباس
 
 
 
 
قديم 13-02-13, 08:50 PM   #18
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: عديل المدآرس

اقتباس:
المشاركة الأصلية كتبت بواسطة هناء الياس مشاهدة المشاركة
والله يالبني ماشالله عليك ماقصرتي معانا خااااااااااااااااااالص ان شالله في ميزان حسناتك جد القصه حلوه والصوره روعه شديد لو في زياده ما بناباها من الصور
شكرا ليك انتي يارائعه

  رد مع اقتباس
 
 
 
 
قديم 14-02-13, 05:58 AM   #19
قريرابي ذهبي





بدوى عكود غير متواجد حالياً

من مواضيعي :
افتراضي رد: عديل المدآرس

متى ما ضاقت علينا وإدلهمت صروف الدهر وتعثرت خطانا أختى لبنى نجد عندك البلسم الشافى والأرائك التى فيها متكأ وشراب والأنس الذى يزيح ما علق بالأنفس والوجدان ، وهكذا انت حينما تريدين حفظك الله

  رد مع اقتباس
 
 
 
 
قديم 14-02-13, 07:43 PM   #20
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: عديل المدآرس

اقتباس:
المشاركة الأصلية كتبت بواسطة محمد خليفة حمد محيريق مشاهدة المشاركة
مبدعة مبدعة مبدعة ورائعة يا لبنى .. أعملى حسابك واتبخرى باللبان الضكر الجماعة ديل ما يسحروك . ومنى أنا ما شاء الله والصلاة على النبى وعينى باردى مانى حاسد
انت عارف كان مرقت من عين ود يونس وودابنعوف وودحمري (الولاد التلاته ديل ) تاني مابتجيني عوجه

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »10:57 AM.


Powered by vBulletin® Version 2017
.Copyright ©2000 - 2017, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل