دفتر الحضور اليومي [ الكاتب : عبد المنعم عبد الرحيم حضيري - آخر الردود : درماس - ]       »     دعواتكم بالشفاء للأخ مــامــا... [ الكاتب : درماس - آخر الردود : درماس - ]       »     فوائد ودرر [ الكاتب : فتح الرحمن احمد - آخر الردود : فتح الرحمن احمد - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     استراحة ما بعد الظهيرة [ الكاتب : أم مؤيد - آخر الردود : علي محمد أحمد (أبورنس) - ]       »     "العافى زيها مافى والطبيب السو... [ الكاتب : عمر محمد علي ترتوري - آخر الردود : عمر محمد علي ترتوري - ]       »     عُــــدنا ***والعـــــود ‘ن شا... [ الكاتب : احمد عبدالله جقلاب - آخر الردود : عمر محمد نور - ]       »     انا استجبت للنداء [ الكاتب : ابراهيم على كرار - آخر الردود : عمر محمد نور - ]       »     وأخيرا .. الجميلابي .. حرا طلي... [ الكاتب : علي محمد أحمد (أبورنس) - آخر الردود : ابراهيم على كرار - ]       »     أصلي ما كان في مُرادي يوم أفار... [ الكاتب : ابراهيم على كرار - آخر الردود : درماس - ]       »     عفواً سونا.. بقلم الأستاذ [ الكاتب : عمر محمد نور - آخر الردود : عبد المنعم عبد الرحيم حضيري - ]       »     أول رواية عربية تبنى بمفاهيم ا... [ الكاتب : عمر قرافى - آخر الردود : عبد المنعم عبد الرحيم حضيري - ]       »     ابو ابو رنس.... ابو شيبة ... س... [ الكاتب : عبد المنعم عبد الرحيم حضيري - آخر الردود : عبد المنعم عبد الرحيم حضيري - ]       »     الدوام لله الزلال بنت الشمال [ الكاتب : ابراهيم الصيني - آخر الردود : ابراهيم الصيني - ]       »     هل إستنوق الجمل ،،، أم ماذا [ الكاتب : درماس - آخر الردود : درماس - ]       »     غلبني من اندهاشي اطلع.. بقلم ا... [ الكاتب : عمر محمد نور - آخر الردود : عمر محمد نور - ]       »     آجماعة وينن ،،،، [ الكاتب : درماس - آخر الردود : احمد عثمان بشير - ]       »     المتواجدون [ الكاتب : درماس - آخر الردود : أم مؤيد - ]       »     كـُـلـُــنـْـكـَـاكـُــولْ [ الكاتب : درماس - آخر الردود : درماس - ]       »     الكوراك والكواريك . [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > المنتدى الأدبي > مكتبة لبنى محمد وداعة
 
 

الإهداءات

إضافة رد
 
أدوات الموضوع انواع عرض الموضوع
 
 
  #1  
قديم 30-08-13, 09:19 PM
الصورة الرمزية لبني محمد وداعة
لبني محمد وداعة غير متواجد حالياً
مراقب
 





افتراضي حكاية عبدالله

الليييييييل الغنا والنميم ليك ياحبيبه بسوقو
ودندين الكلام جواي عامر سوقو
الله ياالله
ياروحي وغناي طاوعوني ارسو وروقو
خلوني النوصف زول بموت بي شوقو
الليييييل اه انا يانسيم مشتاق اقبل ايدا
وبي حنيه اقوم اربط عقد في جيدا
الله يحفظه ...الله يحفظك ياالساره
بت بت الملوك بهجة سنيني وعيدا
الله
فرشت قلبي حنيه وسماحه وريدا
عبدالله قاعد بي مزاج وخاتي طوريتو بين كرعينو وايد الطوريه في كتفو ومتكل علي شجره ومحدر طاقيتو قاعد يدوبي ويذكر في محبوبتو ...
محبوبتو الساره بت ابراهيم العوض باقي خاطبه من زمان من زمنه القامت وكبرت وهو كان بفتح في الجدول شافه من هناك جايه مع رفيقاته بنات الفريق شايلات الجركانات ماشات يجيبن المويه ...شاورتلو بي ايده من بعيد لي بعيد وبدون مايحسن البنيات بيها وهو بقي ماشي براحه براحه ويعاينلها ويتنهنه بي جواه ويقول الله يعلم بلا جني الصيد مابتشبه شي...
ولقي نفسو جمب الشجره قعد واتكل علي الشجره وقام يدوبيله ويتخيل في اليوم السعيد البلمه بيها ....
عبدالله هوي العبيد ياولد (ابوه يناديله وهو في عالم تاني ) لامن وصلو انت يا خرابه بالك وين ولكزو بالعكاز حتي عبدالله نطه من محلو وقام يتمتم ...
ابووويي
ايي ابوك انت بالك وين خليت مويتك فاتحي في الحوض وغنيماتك سرحن براهن مالك انت انصبته والا خبارك
هيييي ياابوي البنيه كبرت وانا لي يوم الليلي ماعملت شي ...العوضه ماانسقفت والشيله ماجبتها وخاااايف يجيها زولا جاهز ويدوها ليه ...
اااااا انت اتاريك مع قلبك (ابوه تكل عصايتو في الواطه وقعد جمبو ) ياولدي عمك الطاهر راجل كلمتو واحده وانا وهو من زمان قارين فاتحتكم ومابسوي العيب
ياابوي الزمن بقي صعب ومامعروف البحصل شنو ؟
ياولدي اتكل حمولك علي الكريم (الابو حاول يمرقو من البقول فيه ده )
انت امك لي يوم الليلي مارسلت الفطور ؟
اي مارسلتو
ماله ياربي انا من ساعتي المرقت خليته تسوي فيه مشيت غشيت حاجه فاطني ده عندها ورديي وجيتك بي جاي
من بعيييد صوت الحماره بردب بردب والعجاجه في السماء
اها ياداك احمد اخوك جاء
عبدالله عبدالله هاك الفطور
تعال ياخرابه افطر معانا
لالالا انا ماشي لي الحلاق بدور احلق
فطرو فطورهم وشربو شاييهم وعبدالله ربط العده في الصره لي ابوه شالهن وقام ( الله يسهل عليك ياولدي ) وعبدالله شال طوريتو وقام علي شغلتو وبعد ما انتهي مشي لقطلو ليمونايات وجوافايات وشالن ورجع علي بيتهم ...تعبان ماشي ياالله ياالله وفي الدرب جاء ماشي بي جمب حيطت ناس الساره وهي حافظه مواعيدو الحيطه قصيري وقفت بي فوق ليها وهو شافه وابتسم
الساره ازيك
حبابك عبدالله
والله ياالساره خلالالاص الشوق كتلنا لكن قربت اتم العوضه واجي طوالي اتم العرس
الساره ضحكت بي صوت ضعيف وغطت وشها بي طرف الطرحه وقالتلو الله يسهل عاد
انت ياالساره ماك مشتاقالي
كيفن نان وضحكت سمعت صوت امها الساره يابت انتي قاعده تسوي شنو في بكانك ده
مع خديجي يمه جايه ....
عبدالله ضحك وقالها مع السلامه يمشي ويتلفت وراهو وهي تشاورلو بي ايده ...
رجع البيت وفتح باب البيت ودخل لقي امه
جيت ياحبيبي
ايي يمه كيف قيلتي
نحمدو ونشكر ياولدي اقعد انسويلك لقيمه تاكله ...ماجبتلك ليمونايات معاك
جبتهن
انت يايابا يجيبولك شيلتك وجناك الراجياه اشيلو في ايدي ياالمبروك عافيه منك وراضيه عليك
دخلت تسويلو في الاكل وهو قعدلو في عنقريب حبل قصير وخته طوريتو وكيسو في الواطه واتمده في العنقريب وايدو تحت راسو ( البنيه دي ضمه معذباني وريده في وجداني )
واستمر حبهم العارفو الفريق كلو يزيد يوم بعد يوم واللقاءات البي الدس تسعدهم ...عبدالله الله وفقو حصد التميرات وسقف الاوضه وبدا يجهز في حالو ومشي لي عمو وقطع معاه اليوم في الضحيه والفرحه عمت الاسرتين وصحباته واصحابو وكلهم راجين الضحيه القربت تجي ...
في الضحيه الناس كتار بجو المن لافوق وبدو يظهرو واحد وراء التاني ناس الاجازات من قبل العيد بي زمن ...
ام عبدالله كوركت لي ام الساره قالتلها بعد الفطور نجي نمشي نشرب الجبنه مع فتحيه ونتحمدلها سلامة ولده قالو جاء من السعوديه ...وفعلا مشن سلمن علي الوليد وجن راجعات في الشارع ام الساره تقول لي ام عبدالله
عليك النبي يا الحاجه شفتي الشنط الجايبن الجني ده قدر شنو ؟ وقالو كمان حتي الشي البتكلموبو لي امه وابوه جابو
ام عبدالله تقولها : فتحيي ماطيبي وتعبت فيهم وربتهم وصبرت علي العدم والله عوضه
ام الساره : كمان سمعت قالو جايب ضهبو وشيلتو بدور يعرس
ام عبدالله الله يسعده ويديه بت الحلال القروش ما كل شي ...
راجل فتحيي مدي ابو الساره واطه يزرعه ويتصرف منها وخيرو عليه كتير ساق ولدو المغترب وجابو ليهم في البيت عشان يسلم عليهم ودخلو وقعدو في الديوان وجاءت الساره شايله الشربات ختته ليهم الولد من شافه مانزل عينو منها والابو قالها شكرا نشربه في عرسك وهاهاها ضحكو
دارت الايام وقعدو في الحسابات طلع ابو الساره مديون لي راجل فتحيي هو راجل صعب وعندو القروش ....والولد يفتشولو في العروس جاء قعد جمب امو وقالها يم يما داير اقولك شي
قول ياولدي مالك
انا بدور اعرس الساره من شفتها عجبتني
سجمي ياولدي انت ماك عارف الساره متكلمين فيها لي عبدالله ؟
نان ما عبدالله لسه مشوارو طويل وانا جاهز
ياولدي كان داير عفوي ورضائي ماتقول الكلام ده تاني
وقف الولد علي حيلو وقال لي امو : يم يا الساره يا مابعرس
في الساعه ديك جاء داخل الابو : مالكم صوتكم عالي في شنو ؟
تعال اسمع ولدك بقول في شنو ؟
مالك قلت لي امك شنو ماعجبه
ياابوي ماقلتله شي قلتله بدور اعرس الساره وقالتلي الساره دايره عبدالله وقلتله انا جاهز وكل شئ قسمه ونصيب وقلتله كان ماهي مابعرس
ياولدي لكن كيفن عاد كدي تعالاكا لي جوه ( فتحيي سويلنا شاي )
بيجاي بيجاي الولد اقنع ابوه وبعد صلاة المغرب مشو علي ناس الساره يشربو معاهم الشاي وقعدو في الونسه والابو يجيبه بيجاي ويوديها بيجاي لامن وقفت في الديون ابو الساره قالو انت ياالحاج ماك عارف كل شي انا ديونك برجعه ليك بس اصبري شويي البت دايرين يعرسوها والحاله صعبه
راجل فتحيي قالو اسمع انا صبرتلك كتير لكن بصبرك شويي (ابو الساره ابتسم ) وممكن اخليهن ليك كلو كلو ( ابو الساره : جزاك الله خير ) لكن عندي طلب ولازم تنفذو لي
ابو الساره : اطلب والله يقدرني
الله بقدرك ولدي ده قال داير بتك الساره
ابو الساره اتخلع ووقف متثمر في مكانو وغلبو الكلام
راجل فتحيي اها نحن مشينا ولي بكره اديني الرد لي بعد بكره مامشكله ...اخدلك يومين تلاته ورد علي .. ياساتر ...مرقو براهم زووووول قدمهم مافي
جاتو الحاجه : مالك ياراجل ....( مارده عليها )هييي مالك
قعد في السرير وهو في حالت صمت رهيب ...الحاجه جمبو سجمي سجمي مالك قبل عليها وقصاله الحكايه بقت تضرب ايد في ايد وتلطم في جضومه : واسجمنا وارمادنا واسواد وشنا ..
اتقفلت قدامهم كل الحلول وبقي مافي حل غير يعرسو الساره لي الوليد المغترب ...جابو الساره وكلموها ...صرخت وكوركت وبكت وبرضو مافي حل ..دخلو الناس في الاجاويد وبرضو مافي حل سمعو اهل عبدالله بالكلام (وعشان الديون كتيره مافي حل ) جاءت الساره وقفت قدام ابوها ومن شفقته عليه قالتلو ابوي انا موافقه وجرت لي جوه تبكي والابو ختي ايدينو فوق راسو وقعد يبكي والام اصله من اليوم داك وهي السكري مرتفع عليها ... وادوهم الموافقه والخبر انتشر في الفريق والناس في الكلام ابو الساره وامهم غلبهم المشي في الشارع من كلام الناس وعبدالله ياحليلو قافل نفسو في اوضه ويبكي لا اكل لاشراب وامه لاحوله ليها ولاقوه وابوه يردد في حسبي الله ونعم الوكيل ..وفتحيي دايره تموت وقالت لي راجله العرس ده كان تمه انا بمرق من البيت قالها الباب يفوت جمل ""
وحال اصعب من كده لامن جاء يوم العرس والعروس يلبسو فيها ودموعه عشره عشره والعريس فرحاااان ومبسوط وعبدالله قالو مرق من البيت ليه يومين ماعارفنو وين ؟ البقولهم شفتو في الحواشات ماشي حفيان والبقولهم شفتو في الفريق الجمبهم والبقولهم شفناه راكب في اللوري
الماذون قعد وعقد وابو العريس ضرب البندق ...ومع ولده ابشر ابشر ياعريس
العروس لبسوها وجهزوها وساعة خلاص جاء العريس يسوقه قالت لي البنيات صحباته كدي خلني براي مرقن وخلنها ...جاء العريس يسوقه لقوها في الاوضه مافي وقامو يفتشو فيها المرق بي كرعينو والمرق بي حمارتو ويخرب تلاته يوم مالاقنها ...وفي صباح اليوم الرابع بلا يشوفوها مطفحه في البحر بي حنته ودهيباته ...

من مواضيعي :

توقيع :
قايل عليك شدة وتزول ماقايلك انت علي سفر
آخر تعديل لبني محمد وداعة يوم 01-09-13 في 08:55 PM.
رد مع اقتباس
 
 
 
 
قديم 31-08-13, 10:47 AM   #2
عضو مجلس الادارة
 
الصورة الرمزية ميرغني النقي





ميرغني النقي غير متواجد حالياً

من مواضيعي :
افتراضي رد: حكاية عبدالله

التحية لك الأخت لبنى وكل الأمنيات الطيبة لك

أسلوب شيق وسرد جميل وموضوع هادف ويلامس الواقع كثيراً ويحكي عن جانب من مآسينا
إننا في حاجة إلى الكثير من مثل هذه المواضيع التي تنتقد سلبيات الواقع بصورة هادفة ومقبولة
أتمنى أن أرى لك مكتبة خاصة في المنتدى الأدبي
شكراً لك مع كل الود


توقيع :
أنا شاعرٌ ما قال بيتاً واحداً = وقصائدي غضبٌ وجرحٌ دامي
حطمتُ أسناني جميعاً عندما = حاولتُ يوماً أن أفكّ لجامي
  رد مع اقتباس
 
 
 
 
قديم 31-08-13, 02:17 PM   #3
قريرابي ماسي
 
الصورة الرمزية محمد يونس





محمد يونس غير متواجد حالياً

من مواضيعي :
افتراضي رد: حكاية عبدالله

لبنى انتي القصة دي حقيقية ...؟؟ غايتو بي سردك دا خليتينا نصدقا
قصة تلامس كتير من الواقع المعاش وفيها رسالة ودروس وعبر قيمة لمجتمع الاسرة لعلهم يستفيدوا منها

شكرا لبنى كما عودتينا دايماً بقصصك الجميلة المكسيكية

  رد مع اقتباس
 
 
 
 
قديم 01-09-13, 10:21 AM   #4
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: حكاية عبدالله

اقتباس:
المشاركة الأصلية كتبت بواسطة ميرغني النقي مشاهدة المشاركة
التحية لك الأخت لبنى وكل الأمنيات الطيبة لك

أسلوب شيق وسرد جميل وموضوع هادف ويلامس الواقع كثيراً ويحكي عن جانب من مآسينا
إننا في حاجة إلى الكثير من مثل هذه المواضيع التي تنتقد سلبيات الواقع بصورة هادفة ومقبولة
أتمنى أن أرى لك مكتبة خاصة في المنتدى الأدبي
شكراً لك مع كل الود
شكرا ود النقي ويديك العافيه


توقيع :
قايل عليك شدة وتزول ماقايلك انت علي سفر
  رد مع اقتباس
 
 
 
 
قديم 01-09-13, 12:57 PM   #5
مراقب
 
الصورة الرمزية ود حمرى





ود حمرى غير متواجد حالياً

من مواضيعي :
افتراضي رد: حكاية عبدالله

سرد حقيقى رائع ..!!
_____
إختفيتى وين .. بركة الطلة ..!!


توقيع :
طين جِروفي المِنِّي روَّحْ .. شـــالو هـدَّام الدمِيري
ما بكاهو قِليبي منَّحْ .. شانْ هو يوم بِطلع جزيري

،،حِمِّيدْ،،
  رد مع اقتباس
 
 
 
 
قديم 01-09-13, 02:09 PM   #6
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: حكاية عبدالله

نحي فيك إحساسك المرهف وقلمك الأنيق

أحسنتي

كسرة: بقيتي زي جماعة واحدين .... تجي ترمي بطيحة اللوبي دي ... وعيك...


توقيع :
إذا فتحــت أبواب خيــر فأقبلــوا
موائــد أهــل الله خيــر الموائــــد

*******************
  رد مع اقتباس
 
 
 
 
قديم 01-09-13, 07:10 PM   #8
قريرابي ماسي
 
الصورة الرمزية محمد احمد ابراهيم





محمد احمد ابراهيم غير متواجد حالياً

من مواضيعي :
افتراضي رد: حكاية عبدالله

سرد رائع جدا ... وقصة تلامس الواقع وتصلح كفيلم
شكرا لبنى

  رد مع اقتباس
 
 
 
 
قديم 01-09-13, 07:35 PM   #9
قريرابي مميز





فتحية عبدالرحمن غير متواجد حالياً

من مواضيعي :
افتراضي رد: حكاية عبدالله

كيفك يا لبنى واخبارك وكتر خيرك على التلفون وسؤالك عن محمد
والله يا لبنى قصة رائعة انا كأنى بحضر في فيلم صراحة اسلوبك رائع واصلا كتاباتك رائعة ما شاءالله عليك ربنا يحفظك .. لكن عايزة اعرف عبدالله وين مش

  رد مع اقتباس
 
 
 
 
قديم 01-09-13, 08:52 PM   #10
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: حكاية عبدالله

اقتباس:
المشاركة الأصلية كتبت بواسطة محمد يونس مشاهدة المشاركة
لبنى انتي القصة دي حقيقية ...؟؟ غايتو بي سردك دا خليتينا نصدقا
قصة تلامس كتير من الواقع المعاش وفيها رسالة ودروس وعبر قيمة لمجتمع الاسرة لعلهم يستفيدوا منها

شكرا لبنى كما عودتينا دايماً بقصصك الجميلة المكسيكية
القصه يامحمد اقرب للواقع من الخيال ودايما الشر بغلب اكتر من الخير
الله يسهل

  رد مع اقتباس
 
 
 
 
قديم 01-09-13, 08:53 PM   #11
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: حكاية عبدالله

اقتباس:
المشاركة الأصلية كتبت بواسطة ود حمرى مشاهدة المشاركة
سرد حقيقى رائع ..!!
_____
إختفيتى وين .. بركة الطلة ..!!
شكرآ ليك
اختفيت ياود امي الجهاز كان فيه مشكله والحمد لله صلحته

  رد مع اقتباس
 
 
 
 
قديم 01-09-13, 09:07 PM   #12
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: حكاية عبدالله

اقتباس:
المشاركة الأصلية كتبت بواسطة عبد المنعم عبد الرحيم حضيري مشاهدة المشاركة
نحي فيك إحساسك المرهف وقلمك الأنيق

أحسنتي

كسرة: بقيتي زي جماعة واحدين .... تجي ترمي بطيحة اللوبي دي ... وعيك...
كل احساس مرهف مقتبس من احاسيسك النبيله الطاهره التي اتلقاها بوجودي في وسطكم ووسط هذا المنتدي الرائع ....

  رد مع اقتباس
 
 
 
 
قديم 02-09-13, 06:43 AM   #13
قريرابي ذهبي





بدوى عكود غير متواجد حالياً

من مواضيعي :
افتراضي رد: حكاية عبدالله

بل دندين الكلام عندك أختى لبنى يحلق بنا فى سموات رحيبة مليئة بالأصالة حيث كنا وكان لكل شىء طعم حتى الصبر وبهذه المناسبة نحن أول من عرف أن الصبر مُر . مع خالص ودى

  رد مع اقتباس
 
 
 
 
قديم 02-09-13, 11:57 AM   #14
عضو مجلس الادارة
 
الصورة الرمزية ميرغني النقي





ميرغني النقي غير متواجد حالياً

من مواضيعي :
افتراضي رد: حكاية عبدالله

الإخوة المتداخلون جميعاً
أطيب الأمنيات
لقد قرأت مداخلاتكم وآراءكم جميعاً
ومن هنا اقترح بعمل مكتبة للأخت لبنى بالمنتدى الأدبي
هل من مثني

  رد مع اقتباس
 
 
 
 
قديم 02-09-13, 03:27 PM   #15
مراقب
 
الصورة الرمزية ود حمرى





ود حمرى غير متواجد حالياً

من مواضيعي :
افتراضي رد: حكاية عبدالله

اقتباس:
المشاركة الأصلية كتبت بواسطة لبني محمد وداعة مشاهدة المشاركة

انت ياالساره ماك مشتاقالي
...
اسع زول بى طينو وخبوبو دا ( مشتاقالى ) شنى البيقولا .. !!

  رد مع اقتباس
 
 
 
 
قديم 02-09-13, 03:29 PM   #16
مراقب
 
الصورة الرمزية ود حمرى





ود حمرى غير متواجد حالياً

من مواضيعي :
افتراضي رد: حكاية عبدالله

اقتباس:
المشاركة الأصلية كتبت بواسطة ميرغني النقي مشاهدة المشاركة
الإخوة المتداخلون جميعاً
أطيب الأمنيات
لقد قرأت مداخلاتكم وآراءكم جميعاً
ومن هنا اقترح بعمل مكتبة للأخت لبنى بالمنتدى الأدبي
هل من مثني
يا ود ابنعوف .. صالح الجبل ..!!

  رد مع اقتباس
 
 
 
 
قديم 02-09-13, 05:56 PM   #17
المشرف العام
 
الصورة الرمزية سليمان عبد الله محمد نور





سليمان عبد الله محمد نور غير متواجد حالياً

من مواضيعي :
افتراضي رد: حكاية عبدالله

يعني القصة مع سماحتا لو كان اتكتبت بحجم (5) ولو الخط كان اي لون غير الازرق ، ونوع الخط عملتيهو (arial) ، يمين بالله يا لبنى كان نافستيبها منافسة معلومة ..
لكن لي حكمة : والله لو الحاجات القلتها انا دي كلها عملتيها كان طلعتي فوق راسنا .. الله غالب ..
لكن والله بصراحة بصراحة يا لبنى ربنا يحفظك
كل الود


توقيع :



  رد مع اقتباس
 
 
 
 
قديم 02-09-13, 06:00 PM   #18
المشرف العام
 
الصورة الرمزية سليمان عبد الله محمد نور





سليمان عبد الله محمد نور غير متواجد حالياً

من مواضيعي :
افتراضي رد: حكاية عبدالله

اقتباس:
المشاركة الأصلية كتبت بواسطة ميرغني النقي مشاهدة المشاركة
الإخوة المتداخلون جميعاً
أطيب الأمنيات
لقد قرأت مداخلاتكم وآراءكم جميعاً
ومن هنا اقترح بعمل مكتبة للأخت لبنى بالمنتدى الأدبي
هل من مثني
تم عمل اللازم يا سعادتك

اعفص هنا :
http://algorer.net/vb/forumdisplay.php?f=279

  رد مع اقتباس
 
 
 
 
قديم 02-09-13, 07:07 PM   #20
عضو مجلس الادارة
 
الصورة الرمزية ميرغني النقي





ميرغني النقي غير متواجد حالياً

من مواضيعي :
افتراضي رد: حكاية عبدالله

اقتباس:
المشاركة الأصلية كتبت بواسطة ود حمرى مشاهدة المشاركة
يا ود ابنعوف .. صالح الجبل ..!!
ود ابنعوف إتأخر يا ود حمري
أدخل بارك وهني

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »01:19 AM.


Powered by vBulletin® Version 2017
.Copyright ©2000 - 2017, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل