دفتر الحضور اليومي [ الكاتب : عبد المنعم عبد الرحيم حضيري - آخر الردود : درماس - ]       »     دعواتكم بالشفاء للأخ مــامــا... [ الكاتب : درماس - آخر الردود : درماس - ]       »     فوائد ودرر [ الكاتب : فتح الرحمن احمد - آخر الردود : فتح الرحمن احمد - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     استراحة ما بعد الظهيرة [ الكاتب : أم مؤيد - آخر الردود : علي محمد أحمد (أبورنس) - ]       »     "العافى زيها مافى والطبيب السو... [ الكاتب : عمر محمد علي ترتوري - آخر الردود : عمر محمد علي ترتوري - ]       »     عُــــدنا ***والعـــــود ‘ن شا... [ الكاتب : احمد عبدالله جقلاب - آخر الردود : عمر محمد نور - ]       »     انا استجبت للنداء [ الكاتب : ابراهيم على كرار - آخر الردود : عمر محمد نور - ]       »     وأخيرا .. الجميلابي .. حرا طلي... [ الكاتب : علي محمد أحمد (أبورنس) - آخر الردود : ابراهيم على كرار - ]       »     أصلي ما كان في مُرادي يوم أفار... [ الكاتب : ابراهيم على كرار - آخر الردود : درماس - ]       »     عفواً سونا.. بقلم الأستاذ [ الكاتب : عمر محمد نور - آخر الردود : عبد المنعم عبد الرحيم حضيري - ]       »     أول رواية عربية تبنى بمفاهيم ا... [ الكاتب : عمر قرافى - آخر الردود : عبد المنعم عبد الرحيم حضيري - ]       »     ابو ابو رنس.... ابو شيبة ... س... [ الكاتب : عبد المنعم عبد الرحيم حضيري - آخر الردود : عبد المنعم عبد الرحيم حضيري - ]       »     الدوام لله الزلال بنت الشمال [ الكاتب : ابراهيم الصيني - آخر الردود : ابراهيم الصيني - ]       »     هل إستنوق الجمل ،،، أم ماذا [ الكاتب : درماس - آخر الردود : درماس - ]       »     غلبني من اندهاشي اطلع.. بقلم ا... [ الكاتب : عمر محمد نور - آخر الردود : عمر محمد نور - ]       »     آجماعة وينن ،،،، [ الكاتب : درماس - آخر الردود : احمد عثمان بشير - ]       »     المتواجدون [ الكاتب : درماس - آخر الردود : أم مؤيد - ]       »     كـُـلـُــنـْـكـَـاكـُــولْ [ الكاتب : درماس - آخر الردود : درماس - ]       »     الكوراك والكواريك . [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > المنتدى الأدبي > مكتبة لبنى محمد وداعة
 
 

الإهداءات

إضافة رد
 
أدوات الموضوع انواع عرض الموضوع
 
 
  #1  
قديم 12-09-13, 09:24 PM
الصورة الرمزية لبني محمد وداعة
لبني محمد وداعة غير متواجد حالياً
مراقب
 





افتراضي السبب جبنة نصت نهار

بتول بتول هوي
امونه تعالي بالباب
لالالع امرقاكي انا لي يوم الليلي ملاحي مافركته
بتول جات مارقه من بيتهم ولاقت امونه علي الباب وكل واحده فيهن شايلاله حبة سكر وبن وامونه شايله السبروق ماشه تنضفواتلاقن علي الباب ومشن ناس التومه الليله الجبنه عند التومه ..
دخلن سلام ...ناس البيت
التومه والمعاها : حبابكن تعالن لي جوه
ماشاء الله راكوبة التومه باااارده ومرشوشه ونضييييفه ومفرشه والعناقريب ماليهن حد والحريمات كيمان كيمان والضحك والقرقراب مايديك الدرب ...
نفيسه بت الطاهر ترمي في الودع ومتلميات جمبها البنيات الكايسات العرس والحريمات النسابتهم مجنننهن باقي نفيسه دي عامله فيها عندها الظار وطوالي قاعده تدق وبتسوي ميزه ( دستور ياولاد ماما دستور )
كشكشت الودعات ورمتن ,,, ده يايمه يقع في سلمي بتي ...واشرت علي رماز وقالتلها : الودع حمدك
رماز شالت نفس طووويل وبقت تاشر لي الودع بي ايده يعني حبابك حبابك
نفيسه : البكسي مليان حاجات وتالت اخوانه يضحك ساااكت واقف جمب الباب والخروف الخروف ضبحوه قدام بابكم ....كدي يايمه ماشاءالله
رماز فرحانه وتضحك (توبك مرق ان الكلام ده صحي اجيبلك توب توب يتكلمبو الفريق كلو ياالحمام طار ياتوب الزراق ياعيون كتكوت) والبنيات يلبعن فيها في كتفه ويضحكن ...
بتول وامونه وفتحيه قاعدات بي جمبه براهن
بتول : انتو الليلي سعاد وينه؟
فتحيه : سعاد قبييييل جابت حاجاته وقالت الليلي عندهم عرس في الشرق
بتول : غريبه نان ماله ماجات شالتلها توب
امونه : توب شنو هي قاعده تشحد منك تياب ماطوالي قاعده تقول توبي توبي
بتول : توبه والله كويس دي يايمه حتي غويشاتي قاعده تشيلن
فتحيه : غايتو جنس بوبار البسمع حاج احمد جابلي وحاج احمد فعلي وتركلي يقول خلاص
بتول : هو يااختي سمعت تحت تحت قالو قبل يومين داقيها دق الويكه في عمايله وحوامته دي
كلهن بي صوط واحد : قبله وفاله عليها
تمن قطيعتن كلها وشربن جبنتن ونضفن سبروقن وانتهت القعده وقامن مشن علي بيوتن ...
تاني يوم بعد الواطه ماصبحت والرجال مشو علي شغلتهم تجيك سعاد دافره الباب بي توبه البولستر ولابسه الزيزي والعجاجه دي تقول ياليل ومحقبه ايديه بي وراها وتكورك بتول بتول تعالي هنا ده ...
بســــــــــــــم الله مالك هايجه بلا التور
هايجه ما مجنونه مالي مابهيج ...انتي يابتول تقولي لي الحريم حاج احمد دقاني في حوامتي اااا انا قاعده اجيك والا باكل عندك والا بشرب عندك اااااا
انا القالك الكلام ده منو ؟
مابعرف القالو منو ؟ انتي ماقلتيه وكلموني بيه
سعاد ماتموهي لي بي اصبعك ده انتي قايلاني خايفه منك
ماخايفه والله الليلي الدقه القلتي دقوني ليها دي الا اضوقك ليها
اولاد بتول قاعدين في ركن البيت هناك يلعبو في السيجه وساعة سمعو الجوطه خلو اللعب وجو جارين يتفرجو ولما شافو الحريمات اتماسكن بالايدين وقعن في بعض ضرب وزعيط الشفع قعدو يتباكو والولد الصغير يمسك عراقيه بي ايدو وفرد جريه حفيان ما وقف الا قدام دكان ابوه ونفسو قايم
ابوووووي ابوييييي
ياولد مالك قول بسم الله زاقيك سحار
الحق الحق امي وخالتي سعاد اضاااااارب واتشااكلن
ااااا حاج احمد يخلي الدكان فاتح ويشيل صوطو ويقوم جاري
الولد دخل علي دكان ابوه يلقط في الحلاوه وياكل وشالو بسكويت وجري وراء ابوه
حاج احمد وصل ولقي ليك الحله كلها في بيتو ومن غير مايعرف السبب وقع فيهن ضرب وفرتكن ولقالو شافعن لي ابراهيم رسلو ينادي راجل سعاد
جاء راجل سعاد قعد وقعد معاه حاج احمد وبتول وسعاد وجابو كمان الشهود فتحيه وامونه والتومه وسالوهم امونه عشان صحبت بتول قالت ماسمعت الكلام ده لكن فتحيه سعاد حلفته بي جناها تقول الحقيقه
فتحيه : الله يغفر لي ويسامحني ايييي قالته
حاج احمد وقف علي حيلو وخته ايد في ايد وقال لي بتول انا تعبت منك ومن مشاكلك وانتي كل يوم قابضنك في قواله وكلام ....انت طلقانه ...طلقانه
سجمي وااااب علي واااب علي تطلقني ياالحاج ....والشفع فرد صرخه وبكيه
وسعاد راجله ساقه من ايده وماشي ويلكز فيها لامن وصل البيت وحلف عليها تاني تمشيله جبنه والا تحوم في الحله الا يكسر كرعينه ....

من مواضيعي :

توقيع :
قايل عليك شدة وتزول ماقايلك انت علي سفر
آخر تعديل لبني محمد وداعة يوم 15-09-13 في 09:08 PM.
رد مع اقتباس
 
 
 
 
قديم 12-09-13, 09:38 PM   #2
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: السبب جبنة نصت نهار






توقيع :
قايل عليك شدة وتزول ماقايلك انت علي سفر
آخر تعديل لبني محمد وداعة يوم 15-09-13 في 09:18 PM.
  رد مع اقتباس
 
 
 
 
قديم 12-09-13, 09:42 PM   #3
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: السبب جبنة نصت نهار



آخر تعديل لبني محمد وداعة يوم 15-09-13 في 09:14 PM.
  رد مع اقتباس
 
 
 
 
قديم 12-09-13, 10:50 PM   #4
قريرابي فضي





ام محمدوامير غير متواجد حالياً

من مواضيعي :
افتراضي رد: السبب جبنة نصت نهار

بت سمح الزي يا مبدعه

تصوير جميل وقصة واقعية وحلوة

كفانا الله شر النميمة


توقيع :

لا تقل
يارب لي هم كبير
بل قل
ياهم لي رب كبير
  رد مع اقتباس
 
 
 
 
قديم 13-09-13, 12:58 PM   #5
رئيس مجلس الادارة
 
الصورة الرمزية مامان ود المدير





مامان ود المدير غير متواجد حالياً

من مواضيعي :
افتراضي رد: السبب جبنة نصت نهار

سرد رائع يا لبنى والبيقراهو يقول انت من مواليد الخمسينات... غايتو ما شاء الله عليكي ...صورك بكاميرا كانون.. واصلي كتابتك


توقيع :
يأبي فؤادي أن يميــــــل إلي الاذي ..حب الأذية من طباع العقـــــــــرب
  رد مع اقتباس
 
 
 
 
قديم 13-09-13, 01:56 PM   #6
قريرابي ماسي
 
الصورة الرمزية بابكر محمد أحمد دفع الله





بابكر محمد أحمد دفع الله غير متواجد حالياً

من مواضيعي :
افتراضي رد: السبب جبنة نصت نهار


ما شاء الله
قصه رائعة والواحد من الأسماء والتصوير للحوادث يقول قصه حقيقية
بس أعملى حسابك ما تصادف الأسماء أشخاص فى الواقع وبعدين ......زز

  رد مع اقتباس
 
 
 
 
قديم 14-09-13, 08:28 AM   #7
عضو مجلس الادارة
 
الصورة الرمزية ميرغني النقي





ميرغني النقي غير متواجد حالياً

من مواضيعي :
افتراضي رد: السبب جبنة نصت نهار

حكاية وإن كانت من نسج خيالك الخصب إلا أنها من صميم الواقع المُعاش، وكثيراً ما تحدث مثل هذه الأشياء في مجتمعنا الريفي خاصة.
أسلوب رائع وسرد مشوق
التحية لك مع أمنياتي لك بالتوفيق


توقيع :
أنا شاعرٌ ما قال بيتاً واحداً = وقصائدي غضبٌ وجرحٌ دامي
حطمتُ أسناني جميعاً عندما = حاولتُ يوماً أن أفكّ لجامي
  رد مع اقتباس
 
 
 
 
قديم 14-09-13, 10:04 AM   #8
قريرابي مميز





فتحية عبدالرحمن غير متواجد حالياً

من مواضيعي :
افتراضي رد: السبب جبنة نصت نهار

سلام يا لبنى
يعنى يا لبينة ما لقيتى الا فتحية تجيبيها شاهدة وكمان تسبب في الطلاق
بصراحة ابدعتى ربنا يحفظك

  رد مع اقتباس
 
 
 
 
قديم 14-09-13, 11:48 AM   #9
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: السبب جبنة نصت نهار

ما شاء الله تبارك الله ..... كرامة سيدنا ود النقي ظهرت

واصلي الإبداع

كسرة: حكاية من مواليد الخمسينات حقت مامان دي شوفي طريقة أشطبيها قبال ما يجي ود أبنعوف


توقيع :
إذا فتحــت أبواب خيــر فأقبلــوا
موائــد أهــل الله خيــر الموائــــد

*******************
  رد مع اقتباس
 
 
 
 
قديم 15-09-13, 10:19 AM   #10
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: السبب جبنة نصت نهار

اقتباس:
المشاركة الأصلية كتبت بواسطة ام محمدوامير مشاهدة المشاركة
بت سمح الزي يا مبدعه

تصوير جميل وقصة واقعية وحلوة

كفانا الله شر النميمة
ايوا كفانا الله شر النميمه تسلمي ست الكل

  رد مع اقتباس
 
 
 
 
قديم 15-09-13, 10:21 AM   #11
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: السبب جبنة نصت نهار

اقتباس:
المشاركة الأصلية كتبت بواسطة مامان ود المدير مشاهدة المشاركة
سرد رائع يا لبنى والبيقراهو يقول انت من مواليد الخمسينات... غايتو ما شاء الله عليكي ...صورك بكاميرا كانون.. واصلي كتابتك
وباقيلك يامامان نحن صغار شكرا ليك لمتابعة كتاباتي البسيطه

  رد مع اقتباس
 
 
 
 
قديم 15-09-13, 12:23 PM   #12
قريرابي برونزي





مهاد محمد عبدالله غير متواجد حالياً

من مواضيعي :
افتراضي رد: السبب جبنة نصت نهار

ماشاء الله سرد رائع وقصه واقعيه
مع تمنياتي لك بالتوفيق

  رد مع اقتباس
 
 
 
 
قديم 15-09-13, 04:22 PM   #13
قريرابي ماسي
 
الصورة الرمزية احمد عبدالله جقلاب





احمد عبدالله جقلاب غير متواجد حالياً

من مواضيعي :
افتراضي رد: السبب جبنة نصت نهار

نعرفى يا لبينــة الخريف .. من بديت أقرأ شعرى جلــدى كلو كَلّب .. وعشت معاك ومع الحروم لحظة بلحظة..وكأنى قاعد معاهن فى الراكوبه...حتى طريقة كتابتك لبعض الكلمات تخلى الواحد يعرف بالضبط الحاصل شنو !!!

لا أستطيع أن أُعبِّر أكثر من ذلك ..

حفظك الله ورعاك ذُخراً للمنتدى

وأنا من زمان قلت ليك أبدئى فى تجميع هذه القصص وإن شاء الله ستجدينها على المكتبات

خالص تحياتى والأسرة


توقيع :
jaglab@qtt.com.sa


من وجد الله فماذا فقد...... ومن فقد الله فماذا وجد..؟؟

****************





وأَحسنُ منكَ لم ترَ قطُّ عيني ** وَأجْمَلُ مِنْكَ لَمْ تَلِدِ النّسَاءُ

خلقتَ مبرأً منْ كلّ عيبٍ ** كأنكَ قدْ خلقتَ كما تشاءُ



( اللهم صلي وسلم عليه مع كل نبضة قلب ..وطرفة عين)
  رد مع اقتباس
 
 
 
 
قديم 15-09-13, 05:35 PM   #14
المشرف العام
 
الصورة الرمزية سليمان عبد الله محمد نور





سليمان عبد الله محمد نور غير متواجد حالياً

من مواضيعي :
افتراضي رد: السبب جبنة نصت نهار

البت دي ماشاء الله عليها يبقالي مشت قرتلها كورسات في الروايات والقصص القصيرة
يمين يا لبنى تعجبي


توقيع :



  رد مع اقتباس
 
 
 
 
قديم 16-09-13, 08:24 PM   #15
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: السبب جبنة نصت نهار

اقتباس:
المشاركة الأصلية كتبت بواسطة بابكر محمد أحمد دفع الله مشاهدة المشاركة

ما شاء الله
قصه رائعة والواحد من الأسماء والتصوير للحوادث يقول قصه حقيقية
بس أعملى حسابك ما تصادف الأسماء أشخاص فى الواقع وبعدين ......زز
كلامك صحي يابابكر ماشفت فتحيه عبدالرحمن قالت ليه اسمه بس البقبضوه في القواله :d

  رد مع اقتباس
 
 
 
 
قديم 16-09-13, 08:26 PM   #16
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: السبب جبنة نصت نهار

اقتباس:
المشاركة الأصلية كتبت بواسطة ميرغني النقي مشاهدة المشاركة
حكاية وإن كانت من نسج خيالك الخصب إلا أنها من صميم الواقع المُعاش، وكثيراً ما تحدث مثل هذه الأشياء في مجتمعنا الريفي خاصة.
أسلوب رائع وسرد مشوق
التحية لك مع أمنياتي لك بالتوفيق
وانا بقصد مثل هذه القصص عشان الناس تعمل حسابه ويقللو من قالو وقلنا ...
ربنا يهدي الجميع

  رد مع اقتباس
 
 
 
 
قديم 16-09-13, 08:28 PM   #17
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: السبب جبنة نصت نهار

اقتباس:
المشاركة الأصلية كتبت بواسطة فتحية عبدالرحمن مشاهدة المشاركة
سلام يا لبنى
يعنى يا لبينة ما لقيتى الا فتحية تجيبيها شاهدة وكمان تسبب في الطلاق
بصراحة ابدعتى ربنا يحفظك
انتي احمدي الله الفتحيه بقت شاهده ماهي القايله القواله ....
سلمتي طمنئنا علي صحة الابن محمد الله يديه العافيه

  رد مع اقتباس
 
 
 
 
قديم 16-09-13, 08:30 PM   #18
مراقب
 
الصورة الرمزية لبني محمد وداعة





لبني محمد وداعة غير متواجد حالياً

من مواضيعي :
افتراضي رد: السبب جبنة نصت نهار

اقتباس:
المشاركة الأصلية كتبت بواسطة عبد المنعم عبد الرحيم حضيري مشاهدة المشاركة
ما شاء الله تبارك الله ..... كرامة سيدنا ود النقي ظهرت

واصلي الإبداع

كسرة: حكاية من مواليد الخمسينات حقت مامان دي شوفي طريقة أشطبيها قبال ما يجي ود أبنعوف
انت قايل ياعبدالمنعم ود النقي ده زول ساهل ؟
هو ود ابنعوف ده الموت غمتو وين ؟ والله لي زمن منو

  رد مع اقتباس
 
 
 
 
قديم 17-09-13, 03:21 PM   #19
مراقب
 
الصورة الرمزية ود حمرى





ود حمرى غير متواجد حالياً

من مواضيعي :
افتراضي رد: السبب جبنة نصت نهار

غايتو ما صدقتى ..
















تعال يا سليمان شوف بلاويكم انت والنقى ..!!


توقيع :
طين جِروفي المِنِّي روَّحْ .. شـــالو هـدَّام الدمِيري
ما بكاهو قِليبي منَّحْ .. شانْ هو يوم بِطلع جزيري

،،حِمِّيدْ،،
  رد مع اقتباس
 
 
 
 
قديم 17-09-13, 05:59 PM   #20
عضو مجلس الادارة
 
الصورة الرمزية ميرغني النقي





ميرغني النقي غير متواجد حالياً

من مواضيعي :
افتراضي رد: السبب جبنة نصت نهار

اقتباس:
المشاركة الأصلية كتبت بواسطة عبد المنعم عبد الرحيم حضيري مشاهدة المشاركة
ما شاء الله تبارك الله ..... كرامة سيدنا ود النقي ظهرت

واصلي الإبداع

كسرة: حكاية من مواليد الخمسينات حقت مامان دي شوفي طريقة أشطبيها قبال ما يجي ود أبنعوف

ود ابنعوف براه، كمان ود حمري

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »01:36 AM.


Powered by vBulletin® Version 2017
.Copyright ©2000 - 2017, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل