بريق الوحل [ الكاتب : ابو ميسره - آخر الردود : عبد الرحمن (عطبرة) - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     آخر عناقيد جيل الكبار بالقرير [ الكاتب : عمر محمد نور - آخر الردود : عمر محمد نور - ]       »     عُــــدنا ***والعـــــود إن شا... [ الكاتب : احمد عبدالله جقلاب - آخر الردود : بابكر محمد أحمد دفع الله - ]       »     المتواجدون [ الكاتب : درماس - آخر الردود : بابكر محمد أحمد دفع الله - ]       »     دفتر الحضور اليومي [ الكاتب : عبد المنعم عبد الرحيم حضيري - آخر الردود : بابكر محمد أحمد دفع الله - ]       »     اقرأ آية (واحدة) من القرآن الك... [ الكاتب : مجاهد الرفاعى - آخر الردود : يس بابكر الشيخ محمد - ]       »     عبد الوهاب كاره يودع المهندس ا... [ الكاتب : يس بابكر الشيخ محمد - آخر الردود : يس بابكر الشيخ محمد - ]       »     سجلوا دخولكم بالدعاء لي لبني م... [ الكاتب : يس بابكر الشيخ محمد - آخر الردود : يس بابكر الشيخ محمد - ]       »     مـرعـام كأنـه أعـوام !! [ الكاتب : يس بابكر الشيخ محمد - آخر الردود : يس بابكر الشيخ محمد - ]       »     "حــد الريــد" ماتــت ،، و الح... [ الكاتب : يس بابكر الشيخ محمد - آخر الردود : عمر محمد علي ترتوري - ]       »     "سفيرنا بمصر يزور مامان الآن" [ الكاتب : عمر محمد علي ترتوري - آخر الردود : يس بابكر الشيخ محمد - ]       »     في ذمة الله صلاح محمد عثمان [ الكاتب : عبد المنعم عبد الرحيم حضيري - آخر الردود : يس بابكر الشيخ محمد - ]       »     توثيق ندوة حاج الماحي [ الكاتب : محمد يونس - آخر الردود : محمد يونس - ]       »     "عمر ترتورى يكتب : وااا حلالى ... [ الكاتب : عمر محمد علي ترتوري - آخر الردود : عمر محمد علي ترتوري - ]       »     "يااا حليلك يا بلدنا (عمر ترت... [ الكاتب : عمر محمد علي ترتوري - آخر الردود : عمر محمد علي ترتوري - ]       »     اجر وعافية يا ترتوري [ الكاتب : عبد المنعم عبد الرحيم حضيري - آخر الردود : عمر محمد علي ترتوري - ]       »     المختار من خواطر المستشار [ الكاتب : عمر محمد نور - آخر الردود : عمر محمد نور - ]       »     "عمر ترتوري يكتب عن فوز بروف ك... [ الكاتب : عمر محمد علي ترتوري - آخر الردود : عمر محمد علي ترتوري - ]       »     استراحة ما بعد الظهيرة [ الكاتب : أم مؤيد - آخر الردود : ابو ميسره - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > منتدى الحوار العام
 
 

الإهداءات

إضافة رد
 
أدوات الموضوع انواع عرض الموضوع
 
 
  #1  
قديم 22-02-09, 09:15 AM
الصورة الرمزية علي محمد أحمد (أبورنس)
علي محمد أحمد (أبورنس) غير متواجد حالياً
قريرابي ماسي
 





افتراضي فيكم واحد نســــــــــاي متلي ؟!


(منقول من المنتدى القديم)

بصراحة .. يا أحباب .. حكاية النسيان دي مشكلة كبيرة خلاص ..
النسيان .. يدخل الواحد .. في متاهات .. ومواقف مزعجة ومحرجة ..
وكمان .. زي ما بيقولوا ( آفة العلم .. النسيان ) !!!
أنا عندي المشكلة دي .. ومافي واحد فيكم .. يقول عندو ليها علاج ..
لأنو بصراحة كدا .. ماااااااااااااااااااااا بينفع معاي ..

أها .. أقول ليكم .. موقف حصل قبل فترة .. ما بعيدة .. وبراكم أحكموا !!!
في يوم .. الصباح وبعد ما وصلت البنت الكبيرة للمدرسة .. وقفت العربية عند كافتيريا ..
الكافتيريا جنب المدرسة .. ودي كانت عادة صباحية ..
نظام أفطر بدري .. وكدا ..
المهم .. بعدما .. الراجل جهز الساندوتشات .. شلتها .. وكسحت على العمل ..
أصلو مكان الشغل .. ما بعيد .. يعني بالرجلين الواحد بيمشيهو !!
وصلت مكان العمل .. وقضيت يومي كلو .. تمام التمام ..
أخر الدوام .. طلعت .. عشان أكمل دوامة كل يوم ..
(البيت .. المدرسة .. الشغل / الشغل .. المدرسة .. البيت )
وقفت قدام المكتب .. أفتش على العربية .. ما لقيتها ..
أعاين يمين .. أعاين شمال .. مافي فايدة ..
مشيت الشارع الجانبي .. القدام المكتب .. برضو ما لقيتها
شلت الهم .. وقلت أكيد .. تكون اتسرقت ..
(ما أًصلها متعودة ) يعني ضاقت السرقة قبل كدا
رجعت للمكتب .. وقعدت شوية .. والمخ يودي ويجيب ..
بلا اتذكر .. إني خليت العربية .. عند البوفية !!!

وحمدت ربي .. إني ما بلغت الشرطة


دا .. مثال بسيط ..

أما حكاية الأسماء .. والأرقام والأشخاص . فهذا .. موضوع براهو .. وشرحو يطول !!!

آها .. فيكم واحد .. حصل معاهو كدا ؟؟؟



من مواضيعي :
رد مع اقتباس
 
 
 
 
قديم 22-02-09, 09:20 AM   #2
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!


أها .. دي كانت مشاركة الباشمهندسة .. اشتياق


اقتباس:
تحية ندية يا اخونا ابو رنس ... واعانك الله وايانا على مشكلة النسيان وحقيقى اضحكتنى لكن لما قريت حكايتك اتذكرتك نكتة المسطول يوم عرسو بعد الحفلة انتهت والناس رجعت اهلها جاء لقى ليك العروس قاعدة قال انا عارفهم مع الجوطة دى بينسو ليهم زول.
لكن والله انا بعرف واحد اخونا نساى اكتر منك ماشى فى السوق العربى فجأة اتذكر انو نسى جزلانو فى المكتب وبالصدفة لاقاهو واحد صاحبو اداهو خمسمائة جنيه حق المواصلات بس ... صاحبنا بعد داك جاء يحكى قال ركب الحافلة ولما الكمسارى طقطق ليهو عايز حقو اتذكر انو اشترى ليهو ليفة بالخمسمائة جنيه وطبعاً الكمسارى شبكو ليك ياخ الواحد ما يتكلم من تحت يقول ماعندو ... اها سألناهو هسى الليفة وينا قال لا حولااااااااااااا نسيتا فى الحافلة.

  رد مع اقتباس
 
 
 
 
قديم 22-02-09, 09:28 AM   #3
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!


ودي كانت مشاركة الخال .. ود المدير


اقتباس:
أبو رنس

تحية

تعرف مشكلتك وين؟ مشكلتك إنك مستسلم لموضوع النسيان ولذلك بتنسى... طبعا دي ما ها فلسفة مني... وخلني اتفلسف ليك شوية وأحاول اساعدك في حل المشكلة... يقال إن الإنسان عندو عقلين: العقل الواعي والعقل الباطن: العقل الواعي معروف ، أما الباطن فهو العقل المتحكم في الأفعال اللاإرادية وبعضها حيوية بالنسبة لنا، مثل التنفس وعمل الأجهزة الداخلية مثل القلب والكلى والمعدة والتنفس كل هذه العمليات الضرورية للحياة يتحكم فيها العقل الباطن ويقوم بواجبه على الوجه الأكمل... والحكاية بتنسحب على أشياء كثيرة... فمثلا في حالتك بتاعت النسيان إنت بانتظام كنت بتدي عقلك الباطن رسائل بإنك نساي وبما إنو العقل الباطن ينفذ أوامر العقل الواعي بدون مناقشة فأنت الآن من حالة نسيان الى أخرى والحالة تتفاقم عندك... إذن ماهو الحل؟ الحل تبدأ فورا في ايصال رسالة لعقلك الباطن لتغيير المسألة ايجابيا... كيف؟ ردد جملة ذات رسالة ايجابية مثل ( أنا في طريقي لأمتلك ذاكرة حديدية)رددها في اليوم مرات عديدة ويفضل قبل النوم وعند الصحيان من النوم... طبعا ديل أفضل الفترات التي يكون فيها عقلك الباطن مهيأ لقبول الأوامر وتنفيذها... الشغلة دي محتاجة لأسابيع وبعدها ستصبح صاحب ذاكــرة حديديــة...أوصيك بقــراءة كتــاب بعنوان (قوة عقلك الباطن) موجود بمكتبة جرير... جرب وما حتخسر شىء... جرب وماك خسران

  رد مع اقتباس
 
 
 
 
قديم 22-02-09, 09:32 AM   #4
قريرابي نشط





عادل اليمني غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!

ذكرتنى اخونا عبد العظيم لمن كنا في اليمن وانا اصلى ما شفت زول نساى زيو . فاخونا متعود من الشغل مرتو تكتبلو الشي الدايراهو يمشى يجيبو كل يوم خصوصا العيش لانه طازه ، اهه في يوم قالتلو انا ما عندى حاجة اكتبها ليك ياهو العيش وشيل امبوبة الغاز دى معاك املاها . وصاحبك جاب العيش ونسى امبوبة الغاز ورجع بيها فاضـيه اهه ده ماهو اكعب منك .والعحيب انو شاكل مرتو قال ليها انتى ما كتبتيها.

  رد مع اقتباس
 
 
 
 
قديم 22-02-09, 09:33 AM   #5
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!


دي كانت مشاركة العزيز .. مروان حسين

وأقول ليهو .. وينك ما باين !!

اقتباس:

والله والله والله والله والله والله والله والله والله والله والله والله والله والله والله والله والله والله والله والله والله والله والله والله والله


........................استحالة تصل مرحلتي في النسيان الاشتهرت بين الاهل بيهو

عادي ترسلني اجيب ليك موية امشي اشرب انا ، واجيك بلاها
عادي امشي المدرسة ولامن اصل جمب المدرسة اتذكر انو نسيت كتبي في البيت
غير القروش البضيعا وانسى محل ماختيتا............

بس نقول الله يعينا على المشكلة الما ليها حل دي ......................


  رد مع اقتباس
 
 
 
 
قديم 22-02-09, 09:40 AM   #6
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!


وشاركني الموضوع أيضاً .. الخال عمر الشيخ

اقتباس:
إبن الأخت العزيز أبو رنس والله الحال من بعضه وكلنا فى الهم شرقو. أحكى ليك دى، مره خالك ركب عربيتو ومشى من البيت لسوق الخضار وسط مدينة طرابلس أسمه سوق الحوت بابكر أخوك بيعرفو كويس، وقفت العربية فى الموقف ودخلت السوق اشتريت خضارى ولحمتى ومكثت حوالى الساعه تقريبا وقد نسيت انى جيت بالعربية فذهبت مباشرة وركبت المواصلات وعندما نزلت فى البيت وأنا أمام الباب تذكرت إننى نسيت العربية فى السوق وكنا الوكت داك ساكنين عزابه فدخلت المنزل وأخبرت الجماعه الذين ضحكوا على كثيرا ولو ماكان معاى اكياس الخضار واللحمه ماكان دخلت البيت وأضطريت مرة تانية أركب تاكسى لإحضار العربيه .وفى واحد أخونا زمان كان يجينا فى بيت العزابه ومن شدة نسيانه يحضر بحذاء وعندما يخرج يلبس أى شىء يصادفه فى طريقه ، وبعد مدة قصيرة يكتشف أحد العزابه أن حذائه مفقود وأن هناك حذاءا غريبافيقول الجميع بصوت واحد حصلوا فلان يكون لبسو.أها حالتى وحالة صاحبى مش أصعب من حالتك علينا جميعا بعلاج إبن العم ودالمدير.مع تحياتى لك وشكرى على مرورك وردك على تهنئة العيد.


  رد مع اقتباس
 
 
 
 
قديم 22-02-09, 09:42 AM   #7
قريرابي نشط





عادل اليمني غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!

الثانية يحكيها استاذنا احمد العوض

قال واحد زميلن نساى ،،، وكانوا ماشين كريمة زمن المشى لى كريمة من الدغش ومرتو دايرالا غرض وفشان ما ينسى ربطتلو خيت في ايدو اليمين ،،، وصاحبك نسى الغرض ونسى الخيت لمن واحد من المدرسين شافوا ساعة الاكل ،،،، والراجل قعد يجغلب ،،، ياربى دى دايره شنو ،،،، والمعاهوا قعدوا ينظروا ،، اليقولو كيس رتينة ،، لالا ،،، شبشب ،،،، لالا ،،، حلق ،،،، لالا ،،،، صابون لكس ،، لالا ،،،، المهم اخيرن اقنعوه انو تكون دايرالا كتينة اللت ساعة مادام رابطه الخيت في الليد وصاحبك اقتنع واشترى الكتينة اللت الساعة ،،،،،،،، وتعال شوف الزلة اللقاها قالتلو دحين انت من ختيت الحبل فوقى حصل جبتلى ساعة عشان تقوم تجيبلى الكتينة ،،

  رد مع اقتباس
 
 
 
 
قديم 22-02-09, 09:45 AM   #8
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!


كذلك شيخنا .. سيف الدين .. شارك بالآتي


اقتباس:
انا ابو النسيان زاتو يا .. تصدق مرة قافل ولدي في العربية وهو نايم في عز الصيف ، ومشينا زرنا ناس واخدنا قعدتنا وما اتذكرو الا اخوهو ولما مشينا لقيناهو قرب يفطس


سيف الدين محمد الامين احمد
الجمعة 5/12/2008

  رد مع اقتباس
 
 
 
 
قديم 22-02-09, 09:47 AM   #9
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!


ويعود .. الخال عمر الشيخ .. بهذه المشاركة

اقتباس:
ود إختى العزيز لك التحية أما بخصوص حكاية الأسماء فحدث ولاحرج أحيانا ألتقى مع شخص أعرفه ولكن تكون المدة التى إلتقينا فيها قد طالت و تفاديا للحرج عند السلام أقول له إزيك ياسيد، والحكايى دى ذكرتنى حكاية واحد أخونا من ولاية نهر النيل عندو مشكله مع الأسماء عندما يسافر ليقضى إجازته فى البلد تكون ذاكراته قد مسحت معظم أسماء ناس البلد ،فكل من يقابله يقول له إزيك ياسيدفعرف ناس البلد بحكاية نسيانه للأسماء فسموهو إزيك ياسيد .أما بخصوص علاج إبن عمنا مامان فأعتقد أن وصفته قد تكون العلاج الشافى لأنها مبنية على أسس علمية .وأنا وإنت يبقالى أخير شوية من إبن الخاله سيف الدين دا الراجل حكايتو بايظه خالص القرب يفطس ود أختى فى العربيه ،ربنا يكون فى عونه وعليه بوصفة مامان . تحياتى وتقبل مرورى .


  رد مع اقتباس
 
 
 
 
قديم 22-02-09, 09:52 AM   #10
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!

اقتباس:
المشاركة الأصلية كتبت بواسطة عادل اليمني مشاهدة المشاركة
ذكرتنى اخونا عبد العظيم لمن كنا في اليمن وانا اصلى ما شفت زول نساى زيو . فاخونا متعود من الشغل مرتو تكتبلو الشي الدايراهو يمشى يجيبو كل يوم خصوصا العيش لانه طازه ، اهه في يوم قالتلو انا ما عندى حاجة اكتبها ليك ياهو العيش وشيل امبوبة الغاز دى معاك املاها . وصاحبك جاب العيش ونسى امبوبة الغاز ورجع بيها فاضـيه اهه ده ماهو اكعب منك .والعحيب انو شاكل مرتو قال ليها انتى ما كتبتيها.

شيخ عادل اليمني ..

السلام عليكم ورحمة الله وبركاته ..

بصراحة زوجتو غلطانة .. يعني هي ما عارفاهو مخو صفاية ..
على قول أختنا ., اشتياق القرير

كان لازم يعني .. تختو في الموقف البايخ دا!!

شكراً للمرور .. والمشاركة الطيبة

  رد مع اقتباس
 
 
 
 
قديم 22-02-09, 11:10 AM   #11
قريرابي مميز
 
الصورة الرمزية أبوذر الكامل





أبوذر الكامل غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!

العزيز أبو رنس . .
أنا ما عندي مشاركة في موضوعك ده لأنّو، والحمد لله، ما عندي المشكلة دي.
بس المستغربلو، صاحبك العوض مالو ما دخل البوست ده؟

غايتو مداخلتي دي بمثابة لفت نظر ليهو . .
إن بقت جات منّو، كان وبها،
وإلاّ . . وحاتك بتجي منّي أنا ده!
لأنّو صراحة نوادرو كتيرة والكلام حاقِص لي.

ياخي ده يحيّرك في راسك ده.

  رد مع اقتباس
 
 
 
 
قديم 22-02-09, 11:14 AM   #12
قريرابي مميز
 
الصورة الرمزية أبوذر الكامل





أبوذر الكامل غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!

اقتباس:
المراقبين : 3
غايتو الله يعينك يا سليمان :d

  رد مع اقتباس
 
 
 
 
قديم 22-02-09, 11:48 AM   #13
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!

اقتباس:
المشاركة الأصلية كتبت بواسطة عادل اليمني مشاهدة المشاركة
وتعال شوف الزلة اللقاها قالتلو دحين انت من ختيت الحبل فوقى حصل جبتلى ساعة عشان تقوم تجيبلى الكتينة ،،



دا خطير مررررررررررررررره !!

عمل زي واحد نساي كلو مرّه ينسى عيد ميلاد مرتو ..
الحكاية دي عملت ليهو مشكلة معاها .. واتعقد رسمي
من شغلة النسيان دي !!
قام قال ليها شوفي عشان اثبت ليك حبي ..
وإني مش ممكن أنسى عيد ميلادك مرة ثانية راح أقطع أصبعي !!
جاب السكين عشان يقطع أصبعو .. لقاهو مقطوع

  رد مع اقتباس
 
 
 
 
قديم 22-02-09, 09:33 PM   #14
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!

اقتباس:
المشاركة الأصلية كتبت بواسطة أبوذر الكامل مشاهدة المشاركة
العزيز أبو رنس . .
أنا ما عندي مشاركة في موضوعك ده لأنّو، والحمد لله، ما عندي المشكلة دي.
بس المستغربلو، صاحبك العوض مالو ما دخل البوست ده؟

غايتو مداخلتي دي بمثابة لفت نظر ليهو . .
إن بقت جات منّو، كان وبها،
وإلاّ . . وحاتك بتجي منّي أنا ده! :d
لأنّو صراحة نوادرو كتيرة والكلام حاقِص لي.

ياخي ده يحيّرك في راسك ده.

الغالي أبو ذر ..

أولاً أهنئك على الذاكرة القوية ..
هذه نعمة فعلاً تشكر الله عليها !!!


أما بخصوص العوض .. شكلو كدا عامل طناش ..
عشان كدا .. أديهو فرصة لاباكر ..
أكان ما جا .. فتّ لينا الموضوع

  رد مع اقتباس
 
 
 
 
قديم 23-02-09, 10:23 AM   #15
رئيس مجلس الادارة
 
الصورة الرمزية مامان ود المدير





مامان ود المدير غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!

تعرف يا أبو رنس أول أمس كان الدكتور توفيق الطيب يتحدث معاي بالجوال.. وأظنه كان خارج من مكتبه متجه لسيارته. بعد شوية سمعته يضحك ضحكة مجلجلة، وقال لي: أنا سويت لي حاجة ما سبقني عليها زول فسألته عن السبب. قال: تحسس جيوبه بحثا عن الجوال ورجع المكتب معتقدا إنو نسى الجوال في المكتب.. وأخيرا اكتشف إنو بيتكلم بالجوال ذاتو

  رد مع اقتباس
 
 
 
 
قديم 23-02-09, 10:40 AM   #16
الإدارة الفنـــية
 
الصورة الرمزية عوض عبدالله طه





عوض عبدالله طه غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!

اقتباس:
المشاركة الأصلية كتبت بواسطة ود المدير مشاهدة المشاركة
تعرف يا أبو رنس أول أمس كان الدكتور توفيق الطيب يتحدث معاي بالجوال.. وأظنه كان خارج من مكتبه متجه لسيارته. بعد شوية سمعته يضحك ضحكة مجلجلة، وقال لي: أنا سويت لي حاجة ما سبقني عليها زول فسألته عن السبب. قال: تحسس جيوبه بحثا عن الجوال ورجع المكتب معتقدا إنو نسى الجوال في المكتب.. وأخيرا اكتشف إنو بيتكلم بالجوال ذاتو
.....

السلام عليكم
والله يا مامان لو زي دي بيحكوا بيها
معناها مشكلتي مشكلة والله المستعان
....
أبو ذر ... يا زول خلي الطابق مستور
نحن ناس ساكنين سوا ولازم نكون يد واحدة ضد المرجفين
غايتو ذكرتني بقولة د. بيان الشهيرة ( أبو القدح بيعرف وين يعضي اخوه)
....
أبو رنس
بوستك ده ماهو غابيني من المنتدى القديم
عندي نظرات فلسفية عميقة في مسالة النسيان دي
خليني أفضى شوية من موضوع التسجيل ده وأرجعلك
.....
تحياتي

.....

  رد مع اقتباس
 
 
 
 
قديم 23-02-09, 10:58 AM   #17
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!

اقتباس:
المشاركة الأصلية كتبت بواسطة ود المدير مشاهدة المشاركة
قال: تحسس جيوبه بحثا عن الجوال ورجع المكتب معتقدا إنو نسى الجوال في المكتب.. وأخيرا اكتشف إنو بيتكلم بالجوال ذاتو









الزي دي .. يا خال .. قعد تحصلي مرة مرة !!!

  رد مع اقتباس
 
 
 
 
قديم 23-02-09, 11:00 AM   #18
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!

اقتباس:
المشاركة الأصلية كتبت بواسطة عوض عبدالله طه مشاهدة المشاركة
.....

أبو رنس
بوستك ده ماهو غابيني من المنتدى القديم
عندي نظرات فلسفية عميقة في مسالة النسيان دي
خليني أفضى شوية من موضوع التسجيل ده وأرجعلك

في انتظارك يا دكتور .. لا تطول الغيبة !!

  رد مع اقتباس
 
 
 
 
قديم 23-02-09, 01:30 PM   #19
قريرابي ذهبي
 
الصورة الرمزية الباقر الطيب عبد الحليم





الباقر الطيب عبد الحليم غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!

اخونا ابو رنس كيف حالك

القصص الزي دي يا ما فيها من طرائف ومفارقات وعجائب


فاذكر ان احد الخيلان ذهب عند عمتو فاطمة بت بابكر رحمها الله
وكان ذلك مساءا و اصر ابراهيم ود محمد احمد التويم على تناول وجبة العشاء معهم
وحبوبتنا فاطمة كانت كثيرة النسيان عندما تقدم بها العمر
وقامت سوت ليها فطير بي لبن وعندما وضعت الفطير في الصحن نست الكيس البلاستيك
الملفوف بيهو الفطير في الطبق مع الفطير وصبت عليهو اللبن

وطبعا الجماعة بدأو في الاكل ولم يلحظوا وجود الكيس بين طبقات الفطير لان الفانوس موضوع بعيد شوية

فكانت الطرافة عندما يشد احدهم الفطير يقوم الفطير يتمطى ويتمدد ولا يتمكن من قطع اللقمة
واستغربو لذلك وبعد محاولتين تم اكتشاف الموضوع وضحك الجماعة ضحكا كثيرا على هذه الطرفة
ولكن يا أخي بعد كل هذا الضحك والطرائف دعنا نستعرض النسيان كما ورد في بعض
الآيات القرآنية والسنة

قال الرسول (ص)

رفع الخطأ والنسيان عن أمتي وما استكرهوا عليه


وقال تعالى :


( ربنا لا تؤاخذنا ان نسينا او أخطأنا )


( ولقد عهدنا الى أدم من قبل فنسي ولم نجد له عزما )

( ولا تكونوا كالذين نسوا الله فانساهم انفسهم أولئك هم الفاسقون )

( كذلك أتتك آياتنا فنسيتها وكذلك اليوم تنسى )

( واذا نسيت فاذكر الله )
( واذكر ربك اذا نسيت وقل عسى أن يهدين ربي بأقرب من هذا رشدا )

( سنقرئك فلا تنسى الا ما شاء الله )

( نسوا الله فنسيهم )

( ما ننسخ من أية أو ننسها نأت بخير منها أو مثلها )

( وقال للذي ظن أنه ناج منهما اذكرني عند ربك فأنساه الشيطان ذكر ربه فلبث في السجن بضع سنين )

( وابتغ فيما أتاك الله الدار الآخرة ولا تنس نصيبك من الدنيا وأحسن كما أحسن الله اليك
ولا تبغ الفساد في الارض ان الله لا يحب المفسدين )

( قال أرأيت اذ أوينا الى الصخرة فاني نسيت الحوت وما انسانيه الا الشيطان ان اذكر ه
واتخذ سبيله في البحر عجبا )


وسبحان الله الذي لا ينسى




  رد مع اقتباس
 
 
 
 
قديم 23-02-09, 06:43 PM   #20
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: فيكم واحد نســــــــــاي متلي ؟!

اقتباس:
المشاركة الأصلية كتبت بواسطة الباقر الطيب عبد الحليم مشاهدة المشاركة
فكانت الطرافة عندما يشد احدهم الفطير يقوم الفطير يتمطى ويتمدد ولا يتمكن من قطع اللقمة
واستغربو لذلك وبعد محاولتين تم اكتشاف الموضوع وضحك الجماعة ضحكا كثيرا على هذه الطرفة

ولكن يا أخي بعد كل هذا الضحك والطرائف دعنا نستعرض النسيان كما ورد في بعض


قال الرسول (ص)

رفع الخطأ والنسيان عن أمتي وما استكرهوا عليه



وقال تعالى :

( ربنا لا تؤاخذنا ان نسينا او أخطأنا )



( واذا نسيت فاذكر الله )


( واذكر ربك اذا نسيت وقل عسى أن يهدين ربي بأقرب من هذا رشدا )


( سنقرئك فلا تنسى الا ما شاء الله )



وسبحان الله الذي لا ينسى







شيخ الباقر .. يديك العافية ..

أنا الحمد لله .. ما بعرف للطبيخ والشغلات دي ..
وإلا كنت لخبطت الحكاية لخبطة صاح ..
مش تقوللي كيس بلاستيك ..
بالرغم إنو إيدي طاعمة في الأكل ( إحم إحم )
لكن طوالي أنسى المقادير .. عشان كدا .. ببعد من الشغلانة كلها ..
حدودي أعمل البيض .. وأظبط الفول والفتة !!!

بصراحة عملية النسيان مرات عندها فايدة معاي ..
مثل تحصل لي مواقف مع ناس كتار ..
وتصل الحكاية لأننا نقرب نشبط في بعض ..
وتمر الأيام .. أنسى ليك القصة كلها .. ومرات أنسى الشخص نفسو !!

في الحتة دي .. أحكي ليك قصة (صغويري) !!

بعد مرور سنة من حضوري للملكة .. قررت أطلع رخصة قيادة ..
واحد كان معانا (مصري) قاللي .. أنا بعرف مدير المرور ..
نمشي ليهو .. نخليهو يدينا خطاب .. عشان ما تحتاج تمتحن للرخصة !!
طبعاً شلت الملف حقي .. ومشينا على إدارة المرور ..
دلفنا للمكتب حق مدير المرور .. لقيناهو ليك مليان فُـــل ..
انتظرنا شوية .. بعد شوية صاحبي جراني ليك جنب مكتب المدير ..
وبقى يوشوش معاهو .. وحكى ليهو .. موضوعي ..
بلا أسمع ليك مدير المرور يقول ليهو .. انتو معاكم واحد سوداني ..
ما بيعرف يتعامل مع الزبائن .. صاحبي قال ليهو .. نحن ما معانا
غيري ( الزول دا ) .. خير .. ايه الحصل ..
رد مدير المرور وقال .. مرًه جيت لعندو .. وطلبت منو يعمل ختم
للمؤسسة حقتي ورفض يعملو .. الزي دا ما مفروض يجلس في المكتب ..

أنا طبعاً الساعة ديك .. نسيت ليك إنو مدير المرور ..
والناس الكتار الفي المكتب بالنسبة لي .. بقو رهاب رهاب ..
وقلت ليهو .. بصراحة .. أنا ما متذكرك .. ولا متذكر الموقف الاتحدثت عنه !!
لكن طالما أنا رفضت أعملو ليك .. يبقى فيهو حاجة ما سليمة !!
( الحالة دي أن جايهو .. عشان يمشي لي الرخصة بدون امتحان ) !!
طبعاً طوالي شلت الملف حقي .. وطلعت من المكتب !!
زميلنا المصري .. جا جاري وراي .. وينادي فيني ..
رايح فين يا راقل .. تعالى .. الراقل بيمزح معاك ..
قلت ليهو .. لا يمزح معاي .. ولا داير منو خدمة ..
بس أنا الغايظني .. ما متذكر الموقف الاتكلم عنو دا !!

بعدها بمرور سنة .. بحمد الله طلعت الرخصة رسمييييييييي بدون أي واسطة ..
امتحنت .. ولبكت ( دي طبعاً يعرفوها ناس السعودية ) ميه الميه
وما احتجت لا لمدير ولا لغفير !!!

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المتشابهه
الموضوع كاتب الموضوع الأقسام الرئيسية مشاركات المشاركة الاخيرة
صفـــــــــاً واحد ,,, خلف القائد سليمان عبد الله محمد نور منتدى الحوار العام 11 26-04-14 10:56 AM
كل واحد يبل راسه وينتظر طارق عبدالرحيم الأسطى منتدى الطرائف 3 08-03-09 10:16 PM
حرف واحد يدمر حاسوبك بت القرير الكومبيوتر والبرامج والانترنت 4 02-02-09 05:35 PM
واحد مشاكل مرته عادل اليمني منتدى الطرائف 2 29-01-09 09:51 AM
الطوارق زادو واحد طارق علي صالح التعريف والترحيب بالأعضاء الجدد 7 24-01-09 10:57 AM

---
شارك هذا الموضوع مع أصدقائك على الفيس بوك
Share

الساعة الآن »10:40 AM.


Powered by vBulletin® Version 2017
.Copyright ©2000 - 2017, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل